ކަނބަލުންގެ ހިނގާލުމަށް ފުލުހުން ހުރަސް އަޅައިފި
8 މާރިޗު 2018 | ބުރާސްފަތި 02:33ގިނަ އަދަދެއްގެ އަންހެނުން ހިނގާލުމުގައި ބައިވެރިވި
ކަނބަލުންގެ ހިނގާލުމަށް ފުލުހުން ހުރަސް އަޅާފައި
ބައިނަލްއަގުވާމީ އަންހެނުންގެ ދުވަސް ފާހަގަކުރުމަށްޓަކައި މާލޭގައި ބާއްވަން އުޅުނު ހިނގާލުމަށް ފުލުހުން ހުރަސް އަޅައިފި އެވެ.
ގުޅިފައިވާ ސިޔާސީ ޕާޓީތަކުގެ ކަނބަލުން ބާއްވަން އުޅުނު ހިނގާލުން ހެނދުނު 6:45 ގައި ފެށުމަށް ހަމަޖައްސާފައި އޮތީ ކުނޫޒު ކުރިމަތިންނެވެ.
ނަމަވެސް، ހިނގާލުން ފަށުމުގެ ކުރިން ފުލުހުން ބެރިކޭޑް ޖަހައި އެ ސަރަހައްދު ބަންދުކުރި އެވެ.
މާލޭ ސިޓީގެ މޭޔަރު ސިފާ މި ހިނގާލުމަށް ހުރަސް އަޅަންޖެހޭ އެއްވެސް ސަބަބެއް ނެތް ކަމަށެވެ. ދުނިޔޭގެ އެހެން ގައުމުތަކުގައި ބައިނަލްއަގުވާމީ އަންހެނުން ދުވަހުގެ އެކި ހަރަކާތްތަކާއި ހިނގާލުންތައް ބާއްވަމުންދާއިރު، ރާއްޖެއިން ފެނިގެން މިދަނީ އަންހެނުންގެ ދުވަހުގެ ހަރަކާތްތަކަށް ހުރަސް އަޅަމުންދާ ތަން ކަމަށެވެ.
ހިނގާލުމަށް ފުލުހުން ހުރަސް އެޅުމުން، އެ ސަރަހައްދުގައި ތިބެ އަޑު އުފުލަން ފެށި އެވެ.
އަދާލަތު ޕާޓީގެ ފޮރިން ރިލޭޝަންސް ކޮމިޓީގެ މުގައްރިރު ޝިދާތާ ޝަރީފް ވިދާޅުވީ އަންހެނުންގެ އަޑު އެހުމަށް ސަރުކާރުން ޖެހިލުންވާ ވަރު އެނގިގެން ހިނގެއްޖެ ކަމަށެވެ. ނަމަވެސް އަންހެނުން ތިބީ ހާސިލުކުރަން ފަސްޖެހުމެއް ނެތި ކުރިއަށް ދިއުމަށް ކަމަށެވެ. "އަޑު މަޑުކޮށްގެން ގެންދިއުމަށް ރޭވި ހަރަކާތް ގެންދާނީ އަޑު ހަރުކޮށް،" ޝިދާތާ ވިދާޅުވި އެވެ.
ޕީޕީއެމްގެ ކުރީގެ ނައިބު ލީޑަރު ފާތުމަތު ނާދިރާ ވިދާޅުވީ މި ހިނގާލުމަކީ ހަރަކާތެއް ނޫން ކަމަށާއި ފުލުހުން ބުނި ގޮތަކަށް ހިނގާލުން ކުރިއަށް ގެންދާނެ ކަމަށެވެ. އަންހެނުންނަށް ވީތީ އެޅި މި ހުރަސް ހަރުކަށި އިބާރާތުން ކުށްވެރިކުރާ ކަމަށާއި އަންހެނުން ކަނބަލުންނަށް މިކުރާ ފުރައްސާރައަކީ އެއްވެސް ގައުމެއްގައި ކުރަން ބޭނުންވާ ކަންކަމެއް ނޫން ކަމަށް އޭނާ ވިދާޅުވި އެވެ.
ބައިނަލްއަގުވާމީ އަންހެނުންގެ ދުވަހަކު މާޗް މަހުގެ 8 ވަނަ ދުވަހެވެ،
