ރައްވެހިކަން އަތުލެވޭ ގޮތަށް އިސްރާއީލް ޕާލަމެންޓުން ބިލެއް ފާސްކޮށްފި

ފަލަސްތީނުގެ ރައްޔިތުންނަށް ގުދުސްގެ ރަށްވެހިކަމުން ވަކި ކުރެވޭނެ ބާރު ލިބިދޭ ގާނޫނެއް އިސްރާއީލް ޕާލަމެންޓުން ފާސްކޮށްފި އެވެ.

އަލްޖަޒީރާ ބުނެފައިވާ ގޮތުގައި ބުދަ ދުވަހު މި ބިލް ފާސްކޮށް ގާނޫނަކަށް ބަދަލުކޮށްފައިވާއިރު ރަށްވެރިކަން އަތުލުމުގެ ބާރު ލިބިގެންދާނީ އިސްރާއީލްގެ އިންޓީރިއާ މިނިސްޓްރީއަށެވެ. އެ މިނިސްޓްރީއަށް ފެންނަ އުސޫލެއްގެ ތެރެއިން ކުށެއް ކޮށްފިކަމުގައިވާ ނަމަ ގުދުސްގައި ދިރިއުޅުމުގެ ބާރު އެ ރައްޔިތެއްގެ އަތުން އަތުލެވޭނެ ކަމަށް ގާނޫނުގައިވެ އެވެ.

މި ތަސްދީގު ކުރެވުނު ގާނޫނާއެކު އިސްރާއީލްގެ އިންޓީރިއާ މިނިސްޓަރ އަރިޔާ ޑެރީއަށް ބިރެއް ނުވަތަ ތްރެޓެއް އިހްސާސްކުރެވޭ ކޮންމެ މީހެއްގެ ރަށްވެހިކަމުގެ ހައްގު އަތުލިދާނެ އެވެ.

ފަލަސްތީނުގެ ޖަމާއަތެއް ކަމުގައިވާ ފަލަސްތީނު ލިބަރޭޝަން އޮގަނައިޒޭޝަނުން އިސްރާއީލުން ފާސްކުރި މި ގާނޫނާ މެދު ކަންބޮޑުވުން ފާޅުކޮށްފައިވެ އެވެ. އެގޮތުން މިއީ ވަރަށް ހައްދުފަހަނަ އެޅި ނަސްލީ ތަފާތު ކުރުންތައް ބޮޑު ގާނޫނެއް ކަމަށް އެޖަމާއަތުން ފާހަގަކުރެއެވެ.

މި ގާނޫނުގެ ސަބަބުން ގުދުސްގައި ދިރިއުޅޭ 420،000 ފަލަސްތީނު ރައްޔިތުންނަށް އިތުރު ދަތިތަކާ ކުރިމަތިލާންޖެހޭނެ އެވެ.

މިގާނޫނުގެ ތެރެއިން އިސްރާއީލްގެ ރައްޔިތުންނަށް އިތުރު ރައްކާތެރިކަން ލިބިގެންދާނެ ކަމަށް އިންޓީރިއާ މިނިސްޓަރ ވިދާޅުވިއެވެ. 1967 ވަނަ އަހަރުވެސް 14000 ވުރެ ގިނަ ރައްޔިތުންވަނީ ގުދުސް ސަރަހައްދު ދޫކޮށް ދާންޖެހިފަ އެވެ.

.