އަނެއްކާ ވެސް ޕްރިޔަންކާއާ ވައްތަރު މީހެއް
މިފަހަރު އޭނާއާ ވައްތަރު ކަމަށް ބުނަނީ އެމެރިކާގެ މޮޑެލްކުރާ ކުއްޖެއް
ޕްރިޔަންކާއާ ވައްތަރު ކަމަށް ބުނާ މޭގަން އާއި ޕްރިޔަންކާ
މަޝްހޫރު ތަރިންނާ ވައްތަރު މީހުން ދުނިޔޭގެ އެކި ހިސާބުތަކުގައި އުޅެއެވެ. އަދި މަޝްހޫރު މީހުންނާ ވައްތަރު ވުމަށް އެމީހުންނަށް ސަޕޯޓްކުރާ މީހުން އެކިކަންތައްތައް ކުރެއެވެ.
ޓްވިޓާގައި މީހަކު އާންމުކޮށްލި ފޮޓޯއަކާ ގުޅިގެން އެތައް ބައެއްގެ ސަމާލުކަން އެންމެ ފަހުން ލިބުނު އަންހެން މީހާއަކީ މޮޑެލް މޭގަން މިލާންއެވެ. އޭނާއަށް ސަމާލުކަން ލިބުނީ މަޝްހޫރު ތަރި ޕްރިޔަންކާ ޗޮޕްޅާއާ ވައްތަރު ކަމުންނެވެ.
ޓްވިޓާގައި އާންމު ވެފައިވާ ފޮޓޯތަކުން ފެންނަ މޭގަންއަކީ އެމެރިކާގެ ނިއުޔޯކްގެ މޮޑެލެކެވެ. މޭގަންގެ ގިނަ ޕޯސްތަކުން ޕްރިޔަންކާއާ ވަރަށް ބޮޑަށް ވައްތަރު ގޮތެއް ހުރެއެވެ.
ޕްރިޔަންކާއާ ވައްތަރު މީހެއްގެ ފޮޓޯތަކެއް 2016 ވަނަ އަހަރުގެ ތެރޭގައި ވެސް ވަނީ އާންމު ވެފައެވެ. އެކަމަކު އެއީ އުމުރުން 21 އަހަރުގެ ޕާކިސްތާނުގެ އަންހެން ކުއްޖެކެވެ.
ނަވްޕްރީތު ބަންގާ ނަމަކަށް ކިޔާ މި ޒުވާނާ ޕްރިޔަންކާއާ ވަރަށް ވައްތަރެވެ. ނަވްޕްރީތުއަކީ ފިޓްނަސް ވީޑިއޯ ބްލޮގާ އެކެވެ. ނަވްރީތާ ވައްތަރު ކަމަށް ޕްރިޔަންކާ ވެސް ވަނީ އެއްބަސްވެފައެވެ.
