ހައުސް އޮފް ކާޑްސްގެ ފަހު އެޕިސޯޑުގެ ޓީޒާ ނެރެފި
7 މާރިޗު 2018 | ބުދަ 06:04މިއަހަރު ސްޕޭސީއެއް ނުފެންނާނެ
ހައުސް އޮފް ކާޑްސްގެ މައި ކެރެކްޓަރގެ ރޯލުން ފެންނަ ރޮބިން ރައިޓް
"ހައުސް އޮފް ކާޑްސް"ގެ ފަހު އެޕިސޯޑުގެ ޓީޒާ ނެރެފިއެވެ.
ޓީޒާ ދައްކާފައި ވަނީ ކުރިން "ހައުސް އޮފް ކާޑްސް" ސީރީޒް އިން ފެނިގެން ދިޔަ ކެވިން ސްޕޭސީ ވަކިކޮށް ޑައާން ލޭން އާއި ގްރެކް ކިނިއާ އިތުރުކުރުމަށް ފަހުގައެވެ. އެހެން ކަމުން "ހައުސް އޮފް ކާޑްސް"ގެ ސީޒަން 6 އިން ކެވިން ސްޕޭސީ ނުފެންނާނެއެވެ.
އެމެރިކާގެ ކޮންގްރެސް މެމްބަރެއްގެ ދިރިއުޅުން ދައްކުވައިދޭ އަދި ސިޔާސީ މައިދާނުގައި ހިނގާ އެތައް ކަމެއް ދައްކުވައިދޭ "ހައުސް އޮފް ކާޑްސް" އަށް ވަނީ އެމީ އެވޯޑްސް އަދި ގޯލްޑަން ގްލޯބްސް ލިބިފައެވެ. މިއީ ވާހަކަ ލިޔުންތެރިޔާ މައިކަލް ޑޮބްސްގެ ވާހަކައެއްގެ މައްޗަށް ބިނާކޮށް އުފައްދާފައިވާ ސީރީޒްއެކެވެ. މި ސީރީޒްގެ ފަސްވަނަ އެޕިސޯޑް މެއި މަހު ވަނީ ރިލީޒްކޮށްފައެވެ.
"ހައުސް އޮފް ކާޑްސް" ނިންމާލާނީ މިއަހަރު ނެރޭ 6 ވަނަ ސީޒަނާ އެކީގައެވެ. މި ސީޒަނުގައި 13 އެޕިސޯޑް ދައްކާނެ ކަމަށް ނެޓްފްލިކްސް އިން ވަނީ ބުނެފައެވެ. ހައުސް އޮފް ކާޑްސްއަށް މިހާތަނަށް 8 ގޯލްޑެން ގްލޯބް އެވޯޑްސް ލިބިފައިވެއެވެ.
މިއީ ވާހަކަ ލިޔުންތެރިޔާ މައިކަލް ޑޮބްސްގެ ވާހަކައެއްގެ މައްޗަށް ބިނާކޮށް އުފައްދާފައިވާ ސީރީޒްއެކެވެ. މި ސީރީޒް ދައްކަން ފަށާފައި ވަނީ 2013 ވަނަ އަހަރުގެ ފެބްރުއަރީމަހުގެ 1 ވަނަ ދުވަހުގައެވެ.
