އޮބި އެކްސްޕްރެސްގެ ސަބަބުން ރަށްތަކުގެ މީހުންނަށް ބޮޑު ލުޔެއް !

އޮބި އެކްސްޕްރެސް މެދުވެރިކޮށް ރަށްރަށުގައި ދިރިއުޅޭ މީހުން ބޭނުން އެއްޗެއް ގަނެވޭނެ ފަސޭހަ އިންތިޒާމް އެ ފަރާތުން ހަމަޖައްސައިފިއެވެ.

އޮބި އެކްސްޕްރެސްގެ އެއް ޕާރޓްނަރ ވާސިއު އިމްދާދް ވިދާޅުވީ މި ހިދުމަތް ކަސްޓަމަރުންނާއި ހަމައަށް ފޯރުކޮށްދޭން ނިންމީ ރަށުގައި ތިބެގެން މާލެ ސިޓީ އިން އެއްޗެހި ފަސޭހަކަމާއެކު ކަސްޓަމަރުންނަށް ލިބޭނެ މަގު ފަހިކޮށްދިނުމުގެ ގޮތުން ކަމަށެވެ.

ވާސިއު އިތުރަށް ވިދާޅުވީ ކަސްޓަމަރުން ބޭނުންވާ އެއްޗެއް މާލެ ސިޓީގެ ފިހާރަތަކާއި ރެސްޓޯރެންޓުތައް އަދި އޮންލައިންކޮށް އެއްޗެހި ވިއްކާ ތަންތަނުން އިހްތިޔާރު ކުރުމުން އޮބި އެކްސްޕްރެސްގެ ފަރާތުން އެ އެއްޗެއް ގަނެގެން ކަސްޓަމަރު ބޭނުންވާ ފަރާތަކާއި ނުވަތަ ރަށުގެ ބޯޓަކާއި ހަވާލުކޮށްދޭނެ ކަމަށެވެ.

މީގެ އިތުރުން ފިހާރައިން ބޭނުންވާ އެއްޗެއް ކަސްޓަމަރުން ވެބްސައިޓް މެދުވެރިކޮށް ރިކުއެސްޓް ކޮށްލުމުން އޮބި އެކްސްޕްރެސްގެ ފަރާތުން އެ ފިހާރައަކަށް ގޮސް ކަސްޓަމަރުންނަށް އެ ޕްރޮޑަކްޓެއްގެ ތަފްސީލް ދިނުމަށް ފަހު އޮންލައިންކޮށް ޕޭމަންޓް ދެއްކުމުން ކުޑަވަގުތު ކޮޅެއްގެ ތެރޭގައި އެ ބޭނުންވާ އެތި ކަސްޓަމަރު ބުނާ ފަރާތަކާއި ނުވަތަ ބޯޓަކާއި ހަވާލު ކޮށްދޭނެ ކަމަށް ވާސިއު ވިދާޅުވިއެވެ.

އޮބި އެކެސްޕްރެސްގެ ފަރާތުން ބުނީ ޕްރޮޑަކްޓްތަކަށް ރިކުއެސްޓް ކުރެވޭނީ އެ މީހުންގެ ވެބްސައިޓް www.obiexpress.mv އަށް ރަޖިސްޓްރީ ކުރުމަށް ފަހު ކަމަށާއި ވެބްސައިޓް މެދުވެރިކޮށް ޓެލެގްރާމް އެކައުންޓަށް ކަނެކްޓު ކުރުމުން ރިކުއެސްޓް ކޮށްފައިވާ ޕްރޮޑަކްޓްގެ ސްޓޭޓަސް (ޕްރޮޑަކްޓް ގަނެވުމުން، ބޯޓަށް އެރުވުމުން ނުވަތަ އެ ޕްރޮޑަކްޓް ކަސްޓަމަރ ބޭނުންވާ ފަރާތަކާއި ހަވާލުކުރުމުން) އެނގިގެންދާނެ ކަމަށެވެ.

ކަސްޓަމަރުން ރިކުއެސްޓް ކުރާ ޕްރޮޑަކްޓް އެކި ފިހާރަތަކުން ހޯދަން ބޭނުންވާ ކަމުގައިވާނަމަ އެއްދުވަސް ކަސްޓަމަރުންނާއި ހަމައަށް ފޯރުކޮށްދޭން ނަގާނެ ކަމަށް ވާސިއު ވިދާޅުވިއެވެ.

މި ހިދުމަތަށް މަސައްކަތާއި އެކަށޭނެ ކުޑަ އަގެއް ޗާޖް ކުރުމަށް އޮބި އެކްސްޕްރެސްގެ ފަރާތުން ނިންމާފައިވާއިރު ކަސްޓަމަރުން ގަންނަ ޕްރޮޑަކްޓްއަކަށް ބެލުމަށް ފަހު މި އަގު ބަދަލުވެގެންދާނެ ކަމަށް ވެސް އެފަރާތުން ބުނެއެވެ.

މީގެ އިތުރުން އޮބި އެކްސްޕްރެސްގެ ހޮޓްލައިން ނަންބަރު 9731239 އަދި 7971239 މެދުވެރިކޮށް އިތުރު މައުލޫމާތު ސާފުކުރުމަށް އެ ފަރާތުން ވަނީ އެދިފައެވެ. މީގެ އިތުރުން ޓެލެގްރާމް މެދުވެރިކޮށް ބޭނުން ކޮންމެ ގަޑިއަކު ކަސްޓަަމަރުންނަށް މައުލޫމާތު ސާފުކުރެވޭނެއެވެ.

އޮބި އެކްސްޕްރެސްގެ ހިދުމަތް ކަސްޓަމަރުންނަށް އިތުރަށް ފަސޭހަކޮށްދިނުމަށްޓަކައި އޮބިއެކްސްޕްރެސްގެ އެޕްލިކޭޝަންއެއް ވަރަށް އަވަހަށް ލޯންޗުކުރަން ނިންމާފައިވާ ކަމަށް އޮބި އެކްސްޕްރެސް އިން މައުލޫމާތުދެއެވެ.