މެޑަމް ފާތުންގެ ހިތާނީ ކޭމްޕުގެ އެނދުތައް ތައްޔާރުކުރީ އެމްޕީއެލްއިންކަން ފަޅާއަރައިފި
އެނދުތައް ތައްޔާރުކުރާތަން ފެންނަނީ އެމްޕީއެލް ވޯކްޝޮޕެއްގައި
ޚިތާނީ ކޭމްޕްގެ އެނދު އެމްޕީއެލްގައި ތައްޔާރު ކުރަނީ
ރައީސް އަބްދުﷲ ޔާމީންގެ އަނބިކަނބަލުން ފާތިމަތު އިބްރާހީމްގެ ޞަދަޤާތު ފައުންދޭޝަނުން ކުޑަކުދިން ޚިތާން ކޮށްދިނުމަށް ބޭއްވި ޚިތާނީ ކޭމްގައި ބޭނުންކުރި އެނދުތައް ތައްޔާރުކޮށްފައިވަނީ އެމްޕީއެލްގެ ވޯކްޝޮޕެއްގައި އެމްޕީއެލްގެ މުވައްޒަފުން ލައްވާކަމަށް ބެލެވޭ ވީޑިއޯއެއް ލިބިއްޖެއެވެ.
Caption
ރާއްޖެ އެމްވީއަށްވެސް ލިބިފައިވާ އެދެވީޑިއޯއިން ފެންނަ ގޮތުގައި ގިނަ ޢަދަދެއްގެ ކުދި އެނދު ވޯކްޝޮޕެއްގައި ތައްޔާރުކުރާ މަންޒަރު ފެނެއެވެ. އަދި އެހެން ވީޑިއޯއެއްގައި ފެންނަނީ އެއެނދުތައް ވެހިކަލް އަކަށް އަރުވާ މަންޒަރެވެ.
ފެންނަ ވީޑިއޯއިން ފެންނަ މީހުން ލައިގެން ތިބެނީ އެމްޕީއެލްގެ ޔުނީފޯމެވެ. އަދި އެނދުތަކުގެ ބައިތައް ގެންގޮސް އަރުވަނީ އެމްޕީއެލްގެ ވެހިކަލްއަކަށެވެ.
Caption
ވޯކްޝޮޕުން ނެރޭ އެނދުތަކަކީ މެޑަމްގެ ޚިތާނީ ކޭމްގައި ބޭނުންކުރި އެނދުތަކާ އެއްވައްތަރު އެނދުތަކެކެވެ.
Caption
މީގެ އިތުރުން ޚިތާން ކޮށްފައި ތިބޭ ކުދިންގެ ގައިމަތިން އަޅާ ފޮތިގަނޑު އައްސާ ގިނަ އަދަދެއްގެ ދަނގަނޑު ތަކެއްވެސް އެނދުތަކާއެކު ތައްޔާރު ކޮށްފައި ހުންނަތަން ފެނެއެވެ. އެ ދަނގަޏދުތަކަކީވެސް ހުޅުމާލޭގައި ބޭއްވި މެޑަމްގެ ޚިތާނީ ކޭމްޕުގައި ބޭނުން ކުރީތީ ފެނުނު ސައިޒްގެ ހަމަ އެބައްޓަމުގެ ދަގަނޑު ތަކެކެވެ.
މި ވީޑިއޯ ލިބިފައި މިވަނީ މެޑަމްގެ ސަދަޤާތު ފައުންޑޭޝަނުން ބޭއްވި ޚިތާނީ ކޭމްޕްގައި ސަރުކާރުގެ ތަކެއްޗާއި ސަރުކާރު މުވައްޒަފުން ބޭނުންކޮށްފައިވާކަމުގެ ތުހުމަތު ކުރެވިފައިވަނިކޮށެވެ.
