ސެމްސަންގް ގެލެކްސީ އެސް 9 ބާޒާރަށް ނެރެފި
ފޯނަށް ޕްރީ އޯޑަރކުރުމުގެ ފުރުސަތު އަންނަ މަހު ހުޅުވާލާނެ
ސެމްސަންގް ގެލެކްސީ އެސް 9 އާއި އެސް 9 ޕްލަސް ފޯން
ސެމްސަންގް ގެލެކްސީ އެސް 9 ބާޒާރަށް ނެރެފިއެވެ.
މި ފޯން ލޯންޗުކޮށްދެއްވީ ފެބްރުއަރީ 25 ވަނަ ދުވަހު ބަސެލޯނާގައި ބޭއްވި ރަސްމިއްޔާތެއްގައި އެ ކުންފުނީގެ މޮބައިލް ހެޑް ޑީޖޭ ކޮހްއެވެ.
މި ސީރީޒްގައި ދެ ފޯން ނެރެފައިވާއިރު އެއީ 5.8 އިންޗީގެ އެސް 9 އާއި 6.2 އިންޗީގެ އެސް 9 ޕްލަސްއެވެ. ސެންސަންގް އިން ނެރެފައިވާ އެސް 8 އާއި މިފޯނާއި މާބޮޑު ތަފާތެއް ނެތް ނަމަވެސް ކެމެރާގެ ކަނާތް ފަރާތުގައި އިންނަ ފިންގާ ޕްރިންޓް ސްކޭނާ، މި ފޯނުގައި ވަނީ ކެމެރާގެ ތިރިއަށް ޖައްސާފައެވެ.
މިފޯނުގައި ފޭޝަލް ރިކޮގްނިޝަން ފީޗާ އިން ލޮލުގެ އައިރިސް ސްކޭން ކުރެވޭނެއެވެ. އެސް 9 ގައި އެއް ކެމެރާ ހުންނައިރު އެސް 9 ޕްލަސްގެ ފަހަތުގައި ނޯޓް 8 ގައި ދެ ކެމެރާ ހިމެނެއެވެ. އަދި އެސް 9 ލޯންޗު ކޮށްފައިވަނީ އެންޑްރޮއިޑް އޯރިއޯ އޮޕަރޭޓިންގ ސިސްޓަމާއެކުގައެވެ.
64 ޖީބީގެ ސްޓޯރޭޖުގެ މިފޯނުގައި މައިކްރޯ އެސްޑީ ކާޑުގެ ސްލޮޓެއް ވެސް ވަނީ ހިމަނާފައެވެ.
ފޯނަށް ޕްރީ އޯޑަރކުރުމުގެ ފުރުސަތު އަންނަ މަހުގެ ދެވަނަ ދުވަހުން ފެށިގެން ހުޅުވާލާނެ ކަމަށް އެ ކުންފުނިން ބުނެއެވެ.
