ވަކީލުންނަށް ނާނގާ ފުލުހުން ވަނީ ނަދީމާ ބައްދަލުކޮށް، ތަހުޤީޤަށް ބޭނުންވާ ބައެއް ކަންކަންކޮށްފައި: ވަކީލުން
ފުލުހުންގެ ފޮރެންސިކް ޓީމުން ނަދީމާ ބައްދަލުކޮށްފައި ވަނީ މިއަދު
ރައީސް މައުމޫނާއެކުގައި މުހައްމަދު ނަދީމް އަދި އަހުމަދު ފާރިސް މައުމޫން
ވަކީލުންނަށް އެނގުމެއް ނެތި ފުލުހުން ވަނީ ބަންދުގައި ހުންނެވި މުހައްމަދު ނަދީމާ ބައްދަލުކޮށް ތަހުޤީޤަށް ބޭނުންވާ ބައެއް ކަންކަން ކޮށްފައި ކަމަށް ޤާނޫނީ ވަކީލު ވިދާޅުވެއްޖެއެވެ.
ކުއްލި ނުރައްކަލުގެ ހާލަތު އިއުލާންކުރުމަށް ފަހު އެންމެ ފުރަތަމަ ހައްޔަރުކުރި، ޔުމްނާ މައުމޫންގެ ފިރިކަލުން މުހައްމަދު ނަދީމްގެ ޤާނޫނީ ވަކީލް މޫސާ ސިރާޖް ވިދާޅުވީ އޭނާއަށް ނޭނގި އޭނާގެ ކްލައިންޓުންނާ ބައްދަލުނުކުރުމަށް ގޮވާލާ ކަމަށެވެ. އަދި އޭނާއަށް އެނގުމެއް ނެތި ފުލުހުންގެ ފޮރެންސިކް ޓީމުން ނަދީމާ ބައްދަލުކޮށް ތަހުޤީޤަށް ބޭނުންވާ ބައެއް ކަންކަން ކޮށްފައިވާ ކަމަށެވެ.
ނަދީމްގެ މައްޗަށް ވެސް ސަރުކާރުން ތުހުމަތުކުރަނީ ޤާނޫނީ ގޮތުން އުފެދިފައިވާ ސަރުކާރެއް ވައްޓާލުމަށް މަސައްކަތްކުރިމުގެ ތުހުމަތާއި، ރިޝްވަތު ދިނުމުގެ ތުހުމަތެވެ.
