ސްކެންޑަލް އަދި ހައު ޓު ގެޓް އަވޭ ވިތު މަރޑަރ އަންނަ މާޗްމަހުގައި

އޭބީސީއިން ދައްކަމުން އައި ދެ ޝޯއެއްކަމަށްވާ ހައު ޓު ގެޓް އަވޭ ވިތު މަރޑަރގެ ކްރޮސްއޯވަރ އެޕިސޯޑުތައް ދައްކާނީ އަންނަ މާޗްމަހުގައި ކަމަށް ރިޕޯޓްތައް ބުނެފިއެވެ.

އެންޓަޓައިންމަންޓް ވީކްލީ (އީޑަބްލިއު)އިން ރިޕޯޓްކޮށްފައިވާ ގޮތުގައި މިދެ ސީރީޒްގެ ކްރޮސް އޯވަރ އެޕިސޯޑްތައް ދައްކަން ފަށާނީ މާޗްމަހުގެ 1 އިން ފެށިގެންނެވެ.

މި ދެ ޝޯވ އުފެއްދާފައިވަނީ ޕްރޮޑިއުސަރ ޝޮންޑާ ރައިމްސްއެވެ. މި ދެ ޝޯގެ ކްރޮސްއޯވަރ ވެސް ޕްރޮޑިއުސްކުރާނީ އޭނާ އެވެ.

އެހެންކަމުން މާޗްމަހުގެ އެޕިސޯޑުތައް ވެގެންދާނީ ސްކެންޑަލްގެ ލީޑު ރޯލުން ފެނިގެންދާ ކެރީ ވޮޝިންގްޓަން އަދި ހައު ޓު ގެޓް އަވޭ ވިތު މަރޑަރ އިން ފެނިގެންދާ ވައޯލާ އެއް ސްކްރީނެއްގައި ފެނިގެންދާ ފުރަތަމަ ފަހަރަށެވެ. ކަޅު ނަސްލުގެ ދެ އަންހެނުން ކަމަށްވާ ވައޯލާ އާއި ކެރީ ފެނިގެންދަނީ އެ މީހުންގެ ޝޯވތަކުގެ މައި ކެރެކްޓަރުގެ ރޯލުންނެވެ.

މިހާރުވަނީ ކްރޮސްއޯވާގެ "ފަސްޓް ލުކް" ފޮޓޯއެއް ވެސް އާންމުކޮށްފަ އެވެ. އެ ފޮޓޯއިން ފެނިގެންދަނީ އެ ދެ ސީރީޒްގެ ލީޑު ބަތަލާއިން ކަމުގަވާ ވަޔޯލާ އަދި ކެރީ އެވެ.