ރިތިކްގެ ސުޕަރ30 ގެ ޝޫޓިން ފަށައިފި
25 ޖެނުއަރީ 2018 | ބުރާސްފަތި 07:11މި ފިލްމު ޑައިރެކްޓް ކުރާނީ ވިކާލް ބަލް
ރިތިކް ރޯޝަން
މަޝްހޫރު މެތަމެޓިޝަން ކަމަށްވާ އަނަންދު ކުމާރުގެ ހަޔާތުގެ މައްޗަށް އުފައްދާ ފިލްމު ސުޕަ 30 ގެ ޝޫޓިން ފަށައިފިއެވެ.
މި ފިލްމު ޑައިރެކްޓް ކުރާނީ ވިކާލް ބަލްއެވެ.
ސުޕަ30 އަކީ އިންޑިއާގެ މަޝްހޫރު މެތަމެޓިޝަން އަނަންދު ކުރިއަށްގެންދާ ޕްރޮގްރާމެއް ކަމަށްވާ ސުޕަރ30 ގެ މައްޗަށް ބިނާކޮށް ހަދާ ފިލްމެކެވެ.
ރިތިކް އެ ފިލްމު ކުޅެން އާނއެކޭ ބުނީ ވަރަށް ވިސްނުމަށް ފަހުގައި ކަމަށް މީގެ ކުރިން ވަނީ ރިޕޯޓް ކޮށްފައެވެ. ރިތިކް އޭނާގެ ކެރިއަރުގައި މީހެއްގެ ހަޔާތުގެ މައްޗަށް ކުޅޭ ފުރަތަމަ ފިލްމަށް އާއެކޭ ބުނީ އޭނާ އަށް އެ ފިލްމު މޮޅަށް ކުޅެވޭނެ ކަން ޔަގީންވުމުން ކަމަށެވެ.
ރިތިކް ވަނީ މި ފިލްމުގެ ޝޫޓިން ފަށާފައިވާ ކަމަށް ބުނެ ބުދަ ދުވަހު ޓްވީޓް ކޮށްފައެވެ. މިފިލްމު ސިނަމާތަކަށް އަންނާނީ މިއަހަރުގެ ނޮވެމްބަރު މަހުގެތެރޭގައެވެ.
