ވުޑް ފްލޯރިން އަށް ހާއްސަ ޝޯރޫމެއް އެސެންޝިއާގެ ނަމުގައި ހުޅުވައިފި

ވުޑް ފްލޯރިން އަށް ހާއްސަ ޝޯރޫމެއް އެސެންޝިއާގެ ނަމުގައި އަމީރު އަހުމަދު މަގުގައި ހުޅުވައިފިއެވެ.

މި ޝޯރޫމް ހުޅުވާފައިވަނީ ޔޫރޯ މާރކެޓިންގްގެ ސިސްޓަރ ކޮމްޕެނީއެއް ކަމަށްވާ އެސެންޝިއާ ޕްރައިވެޓް ލިމިޓަޑްގެ ދަށުންނެވެ.

ޝޯރޫމް އިން ލިބެން ހުންނަ ފްލޯރިންގްގެ ޕްރޮޑަކްޓްތަކަކީ ޔޫރަޕްގެ އެންމެ މަޝްހޫރު އެއް ބްރޭންޑް ކަމަށްވާ ކުއިކް ސްޓެޕްގެ ބްރޭންޑްތަކުގެ ޕްރޮޑަކްޓްތައް ކަމަށާއި ސަތޭކަ ޕަސަންޓު ވޯޓަރ ޕްރޫފް ލެމިނޭޓް ފްލޯރިން ޝޯރޫމް ލިބިގެންދާނެ ކަމަށް ވެސް ޝޯރޫމް އިން މައުލޫމާތުދެއެވެ.

އެހެން ޝޯރޫމްތަކާއި ހިލާފަށް މި ޝޯރޫމްގެ ހާއްސަ ކަމަކީ ޝޯރޫމްގެ މުވައްޒަފުން ކަސްޓަމަރުން ބޭނުންވާ ތަންތަނަށް ގޮސް ފްރޯލިންގްގެ މިންތައް ނަގައިދިނުމާއި އިންސްޓޮލޭޝަންގެ ހިދުމަތް ފޯރުކޮށްދިނުން ކަމަށް ޝޯރޫމް އިން ބުންޏެވެ.

މި ޝޯރޫމް އިން ފްލޯރިންގްގެ ޕްރޮޑަކްޓްތަކުގެ އިތުރުން ޖަރުމަންވިލާތުގެ މަޝްހޫރު ވިލާރެއިންބޯ ކުންފުނީގެ ފެންމާގަނޑުތައް ލިބެން ހުރެއެވެ.

20 އަށް ވުރެ ގިނަ ވެރައިޓީސްގެ ފްލޯރިންގް ޑިޒައިންތައް ލިބިގެންދާނެ ކަމަށް ޝޯރޫމް އިން ބުންޏެވެ.

މި ޝޯރޫމް އިން ޑެލިވަރީގެ ހިދުމަތް ވެސް ފޯރުކޮށްދެއެވެ.

ކަސްޓަމަރުންނަށް ހެޔޮ އަގެއްގައި ކޮލެޓީ ރަނގަޅު ޕްރޮޑަކްޓްތަކެއް ލިބިގެންދާނެ ކަމަށް ވެސް ޝޯރޫމް އިން ވަނީ ބުނެފައެވެ.

ކުރިއަށް އޮތް ތާނގައި އިންޓީރިއާގެ ގިނަ ޕްރޮޑަކްޓްތަކެއް ވިއްކުމަށް ހަމަޖެހިފައިވާ ކަމަށް ޝޯރޫމް އިން މައުލޫމާތުދެއެވެ.