ތަފާތު ޚަބަރު
މިހިތުގާ
ރީހާންގެ މިހިތުގާ ނެރެފި
މިއަލްބަމް ނެރުނީ ބުދަދުވަހުގެ ރޭ
ތަހާރަތު މުހައްމަދު ވަހީދު, ރާއްޖެ އެމްވީ | 18 ޖެނުއަރީ 2018 | ބުރާސްފަތި 07:18
މިހިތުގާ ނެރުމަށް ބޭއްވި ރަސްމިއްޔާތު
އަހުމަދު ރީހާން އެންމެ ފުރަމަ ޕްރޮޑިއުސްކޮށްފައިވާ ލަވަ އަލްބަމް "މިހިތުގާ" ނެރެފިއެވެ.
މިއަލްބަމް ނެރުނީ ބުދަދުވަހުގެ ރެވެ. މި އަލްބަމް ނެރެދެއްވީ ސަން ގްރޫޕްގެ ޑިރެކްޓަރ އަދި އެސްޓިއޯގެ ޗެއާމަން ހުސައިން ސާލިމް މުހައްމަދެވެ.
މި އަލްބަމްގައި ހިމެނެނީ ޖުމްލަ ނުވަ ލަވައެވެ.
އެ އަލްބަމްގައި ލަވަ ކިޔާފައި ވަނީ ހުސައިން އިނާޒާއި، ރާފިޔަތު ރަމީޒާ، މަރިޔަމް އިފާ، މަރިޔަމް އަޝްފާ އަދި އައިޝަތު ނާޝިދާއެވެ.
ރީހާން ބުނީ ބުރާސްފަތި ދުވަހުގެ ވަގުތެއްގައި ލަވަ ފޮށްޓަށް މި އަލްބަމް ހަދިޔާކުރާނެ ކަމަށެވެ. ރީހާން ވަނީ މިއަލްބަމް ނެރުމަށް އޭނާއަށް އެހީތެރިވެދިން ހުރިހާ ފަރާތްތަކަށް ޝުކުރު އަދާކޮށްފައެވެ.
