ކ. މާލެ
|
4 ޖެނުއަރީ 2018 | ބުރާސްފަތި 12:01
ކްލޯއީ ކާޑޭޝިއަން އޭނާގެ ބަނޑަށް 6 މަސްވުމުން ލާފައިވާ ފޮޓޯ
ކްލޯއީ ކާޑޭޝިއަން އޭނާގެ ބަނޑަށް 6 މަސްވުމުން ލާފައިވާ ފޮޓޯ
ގެޓީ އިމޭޖަސް
ކްލޯއީ ކާޑޭޝިއަން
ކްލޯއީ ކާޑޭޝިއަންގެ ބަނޑަށް 6 މަސް، ހުރީ ވަރަށް އުފަލުން
 
މިއީ ކްލޯއީގެ އަލަތު ދަރިފުޅު
 
ކްލޯއީ ވިހާނީ އަންނަ އެޕްރީލް ހިސާބުގައި
 
ކްލޯއީ ބަލިވެއިންކަން އިއުލާން ކުރީ ޑިސެމްބަރުމަހުގެ ތެރޭގައި

ރިއަލިޓީ ޝޯ "ކީޕިން އަޕް ވިތު ކާޑޭޝިއަން" ގެ ތަރިއެއް ކަމަށްވާ ކްލޯއީ ކާޑޭޝިއަން ބަލިވެ އިންކަން ހާމަކޮށްފައި ވަނީ މިދިޔަ ޑިސެމްބަރުމަހުގެ ތެރޭގައެވެ.

ކްލޯއީ ވަނީ އޭނާގެ ބަނޑަށް ހަ މަސް ވުމުން އެކަން ފާހަގަކޮށް އިންސްޓަގްރާމަށް ފޮޓޯއެއް ލާފައެވެ.

ކްލޯއީ އަންގާރަ ދުވަހު އިންސްޓަގްރާމަށް ލާފައިވާ ފޮޓޯގައި ބުނެފައި ވަނީ "އޮފިޝިއަލީ 6 މަންތްސް" ކަމަށެވެ.

ކްލޯއީ  ބަލިވެއިން ކަމަށް ބުނެ އާންމުކޮށްފައިވާ ފުރަތަމަ ފޮޓޯގައި ޖަހާފައި ވަނީ ކުއްޖަކު ލިބުން އެއީ އޭނާ އެންމެ ދެކޭ ހުވަފެން ކަމަށެވެ. އޭނާ އާއި ލޯބިވެރިޔާ ޓްރިސްޓަން އަށް ކުއްޖަކު ލިބެން އުޅޭ ކަމަށާއި އެކަމަށް ހެއްދެވި ފަރާތަށް ޝުކުރުވެރިވާ ކަމަށް ކްލޯއީ ބުނެފައިވެއެވެ. އަދި ބަލިވެ އިނުމުން އޭނާއަށް ޓްރިސްޓަން އަޅާލާ އަޅާލުމަށާއި ދޭ ލޯތްބަށް ކްލޯއީ ވަނީ ޝުކުރު އަދާކޮށްފައެވެ. ބަލިވެ އިނނުން އެއީ އޭނާގެ ހަޔާތުގައި އެކިކަހަލަ އިހްސާސްތައް ގެނުވާ ފުރަތަމަ ފަހަރު ކަމަށް ވެސް ކްލޯއީ ވަނީ ބުނެފައެވެ.

މިއީ ކްލޯއީގެ އަލަތު ދަރިފުޅަށް ވީނަމަވެސް އޭނާގެ ލޯބިވެރިޔާ ޓްރިސްޓަން އަށް ވަނީ 1 އަހަރުގެ ކުއްޖަކު ލިބިފައެވެ. އެއީ އޭނާގެ ކުރީގެ ލޯބިވެރިޔާ ޖޯޑަން ކެރައިގް އަށެވެ.

ސެލެބްރިޓީންގެ ޚަބަރު ގެނެސްދޭ އޮންލައިން ނޫހެއް ކަމަށްވާ ޕީޕަލްސް އިން ރިޕޯޓްކޮށްފައިވާ ގޮތުގައި ކްލޯއީ ބަލިވެއިންކަން އިއުލާން ކުރީ އޭނާ އެކަމަށް ރަނގަޅަށް ތައްޔާރުވުމުންނެވެ. މިއީ ކްލޯއީ ވަރަށް ބޭނުންވެފައި ހުރި ކަމެއް ކަމަށާއި އޭނާ ބޭނުންވީ ރަނގަޅު މީހަކާ ގުޅުމުން ދަރިއަކު ހޯދަން ކަމަށް ކްލޯއީގެ ގާތް މީހަކު ބުނެފައިވާ ކަމަށް އެ ނޫހުގައި ވަނީ ރިޕޯޓްކޮށްފައެވެ.

ކްލޯއީ ވިހާނެ ކަމަށް ބެލެވެނީ އަންނަ އެޕްރީލްމަހުގެ ތެރޭގައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
100%
ކޮމެންޓް