މަހާ ޖައްރާފުގެ ވަޒީފާތަކަށް މީހުން ހޯދުމަށް އިއުލާނުކޮށްފި
ޗީފް އޮފިސަރުގެ މުސާރަ 65،000ރ
އެމްޓީސީސީގެ މަހާ ޖައްރާފު
އެމްޓީސީސީގެ މަހާ ޖައްރާފުގެ ވަޒީފާތަކަށް މީހުން ބޭނުންވެގެން އިއުލާން ކޮށްފި އެވެ.
އެމްޓީސީސީގެ ޑްރެޖިންގ އެންޑް ސްޕެޝަލް ޕްރޮޖެކްޓްސް ޑިޕާޓްމަންޓުން ކޮށްފައިވާ އިއުލާނެއްގައި ބުނެފައިވާ ގޮތުގައި މަހާ ޖައްރާފުގެ ފަސް މަގާމަކަށް މީހުން ބޭނުންވެ އެވެ. އެގޮތުން ޗީޕް އޮފިސަރެއްގެ މަގާމަށް މީހަކު ހޯދުމަށް އިއުލާން ކޮށްފައިވާއިރު، މުސާރައިގެ ގޮތުގައި 55،000ރ އާއި 65،000ރ ދެމެދުގެ މުސާރައެއް ކަނޑައަޅާފައި ވެއެވެ.
މީގެ އިތުރުން ސީފަރ ޑެކްގެ ވަޒީފާއަށް 23،000ރ މުސާރައެއް ކަނޑައަޅާފައި ވާއިރު، ކައްކާއެއްގެ މުސާރައަށް ވެސް 23000ރ ކަނޑައަޅާފައި ވެއެވެ. އަދި ސެކަންޑް އިންޖިނިއަރއަށް 30000ރ – 46000ރ ކަނޑައަޅާފައި ވާއިރު، ސީފަރ އިންޖީނު އޮއިލަރގެ މަގާމަށް 23000ރ ކަނޑައަޅާފައި ވެއެވެ.
މަހާ ޖައްރާފުގެ އެ މަގާމުތަކަށް ކުރިމަތިލުމުގެ މުއްދަތު މި ޑިސެމްބަރު ބަހުގެ 31 ވަނަ ދުވަހާ ހަައަށް ވަނީ ހުޅުވާލާފަ އެވެ.
މަހާ ޖައްރާފަކީ އެމްޓީސީސީން ބޮޑު ޚަރަދެއް ކޮށްގެން ރާއްޖެއިން ބޭރުން ތައްޔާރުކޮށްގެން ގެނެސްފައިވާ އުޅަނދެކެވެ. މަހާ ޖައްރާފު ރާއްޖެ ގެނައި ގޮތަށް ގެންގޮސްފައިވަނީ ހދ. ކުޅުދުއްފުށީ ކުޅި ހިއްކުމަށެވެ.
އެމްޓީސީސީން ކޮށްފައިވާ އިއުލާން
