އިންޑިިިއާގެ ގޯއެއާގެ ދަތުރުތައް ރާއްޖެއަށް ފަށަނީ
މުމްބާއީއާއި ވެލާނާ އިންޓަނޭޝަނަލް އެއާޕޯޓާ ދެމެދު ދަތުރުތައް
ގޯއެއާގެ ފްލައިޓެއް، ފްލީޓުގައި 31 ފްލައިޓް އޮވޭ
އިންޑިއާގެ ބަޖެޓް އެއާލައިން، ގޯއެއާގެ ދަތުރުތައް ރާއްޖެއަށް ފަށަން ނިންމައިފި އެވެ.
ޓައިމްސް އޮފް އިންޑިއާ އިން ރިޕޯޓް ކޮށްފައިވާ ގޮތުގައި، ފެބްރުއަރީ މަހުގެ ތެރޭގައި ރާއްޖެއަށް ދަތުރުތައް ފަށަން ގޯއެއާއިން ދަނީ މަސައްކަތް ކުރަމުންނެވެ. އެގޮތުން، ގޯއެއާއިން ދަތުރުތައް ބާއްވާނީ މުމްބާއީއާއި ވެލާނާ އިންޓަނޭޝަނަލް އެއާޕޯޓާ ދެމެދު ކަމަށް ރިޕޯޓްތައް ބުނެއެވެ.
ގޯއެއާއަކީ އިންޑިއާގެ މަޝްހޫރު ވަދީއާގެ ގްރޫޕްގެ ކުންފުންޏެކެވެ. އެ އެއާލައިން އުފައްދާފައިވަނީ 2005 ވަނަ އަހަރު އެވެ. ފާއިތުވި މުއްދަތުގެ ތެރޭގައި އެ އެއާލައިން އޮޕަރޭޓް ކުރަމުން ދިޔައީ އެތެރޭގެ އުދުހުންތަކުގައެވެ.
ރާއްޖެ ހިމެނޭ ގޮތަށް ނުވަ ގައުމަކަށް ދަތުރުކުރުމުގެ ހުއްދަ 2016 ވަނަ އަހަރުގެ ތެރޭގައި ގޯއެއާ އަށް ދީފައިއޮތް ނަމަވެސް، މިހާތަނަށް އަދި ބޭރުގެ ގައުމުތަކަށް ދަތުރުތައް ނުފަށަ އެވެ. މުމްބާއީއާއި ރާއްޖެއާ ދެމެދު ފަށާ ދަތުރުތަކަކީ ބޭރުގެ ގައުމަކަށް އެ އެއާލައިނުން ފަށާ ފުރަތަމަ ދަތުރުތަކެވެ.
ޖުމްލަ 31 މަތިންދާބޯޓުގެ ފްލީޓެއް އޮންނަ ގޯއެއާއިން އަންނަ އަހަރުގެ ތެރޭގައި ރާއްޖެއަަށް ދަތުރުތައް ފަށައިފިނަމަ، އެ އެއާލައިން ވެގެންދާނީ ބޭރުގެ މަންޒިލްތަކަށް ދަތުރުކުރާ އިންޑިއާގެ ހަވަނަ އެއާލައިނަށެވެ. މިހާރުވެސް، އެއާ އިންޑިއާއާއި، އަލް އެކްސްޕްރެސް، ޖެޓް އެއާވޭސް، އިންޑިގޯ، އަދި ސްޕައިސް ޖެޓުން ދަނީ ބޭރުގެ މަންޒިލްތަކަށް ދަތުރު ކުރަމުންނެވެ.
