ރައްޔިތުންގެ މޫނުމަތިން ފެންނަނީ މާޔޫސްކަން، ސިއްހީ ދާއިރާއަށް ކުރިއެރުމެން ނުލިބޭ: އަލީ ހުސެއިން
ބޭސްފަރުވާއަށް ގިނަ ދިވެހިން ރާއްޖެއިން ބޭރަށް ދާންޖެހޭ
ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން
ސިއްހީ ދާއިރާއަށް އެކަށީގެންވާ ކުރިއެރުމެއް ލިބިފައި ނުވާތީ، ރައްޔިތުންގެ މޫނުމަތިން ފެންނަނީ މާޔޫސްކަން ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ މެމްބަރު އަލީ ހުސެއިން ވިދާޅުވެއްޖެއެވެ.
ޓްރިވެންޑްރަމްގައި ހުންނަވައިގެން އާދީއްތަ ދުވަހު އަލީ ހުސެއިން ކުރެއްވި ޓްވީޓެއްގައި ވިދާޅުވީ ޓްރިވެންޑްރަމް މަގުމަތިން ފެންނަ ހުރިހާ ދިވެހިންގެ މޫނު މަތިން ރަމްޒު ކޮށްދެނީ ދިވެހި ދައުލަތް ފެއިލް ވެފައިވާ މިންވަރު ކަމަށެވެ. އަލީ ހުސެއިން މި ގޮތަށް ވިދާޅުވީ ޓްރިވެންޑްރަމްއަށް ބޭސްފަރުވާއަށް ދާ ދިވެހިންގެ ހާލަތަށް ނިސްބަތް ކޮށެވެ.
އަލީ ހުސެއިން ވިދާޅުވީ ދިވެހި ރައްޔިތުން ބޭސްފަރުވާއަށް ރާއްޖެއިން ބޭރަށްދާން ޖެހެނީ، ރައީސް ޔާމީންގެ ސަރުކާރުން ސިއްހީ ދާއިރާ އެކަށީގެންވާ މިންވަރަށް ކުރި އެރުވިފައި ނުވާތީ ކަމަށެވެ.
މައުލޫމާތު ލިބިފައިވާ ގޮތުގައި އަލީ ހުސެއިން މި ވަގުތު ހުންނެވީ ބޭސް ފަރުވާއަށް ޓްރިވެންޑްރަމްގައެވެ.
