މެރޫން 5ގެ މެނޭޖަރ ޖޯޑަން ފެލްޑްސްޓީން މަރުވެއްޖެ

ގިނަ ބައެއްގެ މަގުބޫލުކަމެއް ލިބިފައިވާ އެމެރިކާގެ މިއުޒިކް ބޭންޑެއް ކަމަށްވާ މެރޫން 5 ގެ މެނޭޖަރ އަދި ކޮމޭޑިއަން ޖޮނާހް ހިލްގެ ބޭބެ ފެލްޑްސްޓީން މަރުވެއްޖެއެވެ.

ފެލްޑްސްޓީންގެ މަރާއި ގުޅިގެން އޭނާގެ އާއިލާއިން ހޮނިހިރު ދުވަހު ނެރުނު ސްޓޭޓްމަންޓެއްގައި ބުނެފައި ވަނީ ހުކުރު ދުވަހު އޭނާއަށް ނޭވާލުމަށް އުނދަގޫވާތީ އިމަޖެންސީ ނަންބަރު 911 އަށް އަމިއްލައަށް ގުޅާފައިވާ ކަމަށެވެ. އަދި އޭގެ ކުޑައިރުކޮޅެއް ފަހުން ހާޓްއެޓޭކެއް ޖެހިގެން މަރުވީ ކަމަށް އާއިލާއިން ނެރުނު ސްޓޭޓްމަންޓުގައި ވަނީ ބުނެފައެވެ.

ފެލްޑްސްޓީން މެރޫން 5 އުފެއްދުމަށް ފަހު އެ ބޭންޑުގެ މެނޭޖަރުކަމުގައި ހުންނަތާ 15 އަހަރު ވަނީ ވެފައެވެ. ފެލްޑްސްޓީން މަރުވިއިތރު އުމުރަކީ 40 އަހަރެވެ.

މަރުވިއިރު ދެ ދަރިން ދުނިޔޭގައި އެބަ ތިއްބެއެވެ.