ރާއްޖެ
އެކްސިޑެންޓެއް ހިނގުން
ރަސްފަންނު ސަރަހައްދުގައި އެކްސިޑެންޓެއް ހިނގައިފި
މި އެކްސިޑެންޓް ހިނގީ މިއަދުގެ ހަވީރުގެ ވަގުތެއްގައި
އަހްމަދު ސާއިފް ޝިޔާދް, ރާއްޖެ އެމްވީ | 15 ޑިސެމްބަރު 2017 | ހުކުރު 16:51
މި އެކްސިޑެންޓުގައި ފުރޮޅާލި ޕިކްއަޕް
އައިޖީއެމްއެޗް ފުރަގަހުން ރަސްފަންނު ސަރަހައްދުގައި ޕިކަޕެއް ކޮންޓްރޯލުން ނައްޓާލައި އެކްސިޑެންޓެއް ހިނގައިފިއެވެ.
ހުކުރު ދުވަހުގެ ހަވީރު ހިނގި މި އެކްސިޑެންޓުގައި ޕިކަޕު ވަނީ އެސަރަހައްދުގައި ހުންނަ ދުވާ ޓްރެކް މަތިން ނެއްޓިގެން ގޮސް ޕޭމަންޓަށް އަރާފައެވެ.
ރާއްޖެއެމްވީއަށް މައުލޫމާތު ދެމުން ފުލުހުންގެ މީޑިއާ އޮފިޝަލްވަނީ މި އެކްސިޑެންޓު ހިނގިކަން ކަށަވަރު ކޮށްދީފައެވެ. އަދި އޮފިޝަލް ވިދާޅުވީ މި އެކްސިޑެންޓް ހިނގަން މެދުވެރިވީ 'މެކޭނިކަލް' ފެއިލިޔާއެއްގެ ސަބަބުން ކަމަށެވެ.
އެކްސިޑެންޓު ހިނގި ވަގުތު ޕިކަޕްގައި ތިބީ ދެ ދިވެހިން ކަމަށާއި އޭގެން އެއްވެސް މީހަކަށް އަނިޔާވެފައި ނުވާ ކަމަށް މައުލޫމާތުލިބެއެވެ.
