ހަތް އަހަރު ފަހުން ޓިމް ޕެއިން އޮސްޓްރޭލިއާ ކްރިކެޓް ޓީމަށް ނަގައިފި
16 ނޮވެމްބަރު 2017 | ބުރާސްފަތި 23:24އޮސްޓްރޭލިއާގެ ސްކޮޑަށް ވަނީ ބޮޑު ބަދަލުތަކެއް ގެނެސްފައި
މަޝްހޫރު ވިކެޓް ކީޕަރު ޓީމް ޕައިން
ހަތް އަހަރުގެ މެދުކެނޑުމަކަށް ފަހު މަޝްހޫރު ވިކެޓް ކީޕަރު ޓިމް ޕެއިން އޮސްޓްރޭލިއާ ގައުމީ ކްރިކެޓް ޓީމަށް ނަގައިފިއެވެ.
އިންގްލޭންޑާ ދެކޮޅަށް ކުޅޭ ޓެސްޓް މެޗުތަކަށް ނެގި 13 ކުޅުންތެރިންގެ ސްކޮޑުން ޓީމް ޕެއިން އަށް ޖާގަ ދީފައިވާއިރު، އޮސްޓްރޭލިއާ ޓީމަށް މިހާތަނަށް މެޗެއް ނުކުޅޭ ކެމެރަން ބެންކްރޮފްޓްވެސް ވަނީ ޓީމަށް ނަގާފައެވެ.
މިދިޔަ ސެޕްޓެމްބަރު މަހު ބަންގްލަދޭޝްއާ ދެކޮޅަށް އޮސްޓްރޭލިއާ އިން ކުޅުނު ޓެސްޓް މެޗުގައި ހިމެނުނު ހަ ކުޅުންތެރިން ވަނީ ސްކޮޑުން ބާކީކޮށްފައެވެ. އޭގެ ތެރޭގައި މެތިއު ރެންޝޯ އަދި ވިކެޓް ކީޕަރު މެތިއު ވޭޑް ހިމެނެއެވެ.
އޮސްޓްރޭލިއާ ސްކޮޑުގައި ހިމެނެނީ ކެޕްޓަން ސްޓީވް ސްމިތް، ޑޭވިޑް ވާނާ، ކެމެރޮން ބެންކްރޮފްޓް، ޖެކްސޮން ބާޑް، ޕެޓް ކަމިންސް، ޕީޓާ ހޭންޑްސްކޯމްބް، ޖޯޝް ހެޒުލް ވުޑް، އުސްމާން ހަވަޖާ، ނޭތަން ލިޔޯން، ޝައުން މާޝް، ޓިމް ޕެއިން، ޗަދް ސަޔާސް އަދި މިޗެލް ސްޓާކްއެވެ.
އިންގްލޭންޑާ ދެކޮޅަށް އޮސްޓްރޭލިއާ ދެ ޓެސްޓް މެޗެއް ކުޅޭނެއެވެ. ފުރަތަމަ މެޗު އަންނަ ބުރާސްފަތި ދުވަހު ބްރިސްބޭންގައި ކުޅޭއިރު، ދެވަނަ މެޗު ކުޅޭނީ އެޑެލައިޑްގައެވެ.
