ކިމް ޖޮންގ-ނަމްގެ މަރު:ތުހުމަތު ކުރެވޭ އުތުރު ކޮރެއާގެ މީހެއްގެ ނަން ހާމަކޮށްފި
7 ނޮވެމްބަރު 2017 | އަންގާރަ 01:44ކިމް އަވަހާރަކޮށްލީ މޫނުގައި ވީއެކްސް ނަރވް އޭޖެންޓް އުނގުޅައިގެން
ކިމް އަވަހާރަކޮށްލީ މޫނުގައި ވީއެކްސް ނަރވް އޭޖެންޓް އުނގުޅައިގެން
އުތުރުކޮރެއާގެ ލީޑަރު ކިމް ޖޮން-އުންގެ ބޭބެ ކިމް ޖޮންގ ނަމްގެ މަރުގެ މައްސަލައިގައި އުތުރު ކޮރެއާގެ ހަތަރު މީހަކު ހިމެނޭކަމަށް މެލޭޝިއާގައި ހިންގަމުންދާ ޝަރީއަތުގައި ފުލުހުންގެ އިސް އޮފިސަރަކު ވިދާޅުވެއްޖެއެވެ.
ކިމް ޖޮންގ-ނަމްގެ މަރުގެ މައްސަލައިގައި އިންޑޮނޭޝިއާގެ އަންހެނަކާއި ވިއެޓްނާމްގެ އަންހެނެއްގެ މައްޗަށް ދަނީ ޝަރީއަތް ހިންގަމުންނެވެ.
ފެބްރުއަރީ މަހުގެ 13ވަނަ ދުވަހު ކިމް ޖޮންގ-ނަމް އަވަހާރަކޮށްލާފައިވަނީ ކުއާލަލަމްޕޫރު އެއާޕޯޓުގައި ހުންނަވަނިކޮށް މޫނުގައި، ބާރުގަދަ ވިހައެއް ކަމުގައިވާ ވީއެކްސް ނާވް އޭޖެންޓް އުނގުޅައިގެންނެވެ.
މި މައްސަލައިގެ ދައުވާއަށް އިންކާރުކޮށް ދެ އަންހެނުންވަނީ އެކަމަކީ އެމީހުންނަށް ދީފައިވާ ލަނޑެއްކަމަށް ބުނެފައެވެ.
އެ މީހުން ބުނީ އެމީހުން ހީކުރީ އެމީހުން ލައްވާ ޓީވީ ޕްރޭންކެއް ކުޅުވަނީ ކަމަށް ކަމަށެވެ.
މި ދައުވާ ސާބިތުވެއްޖެ ނަމަ ދަންޖައްސައިގެން މަރުގެ އަދަބުދެވޭނެއެވެ.
ތަހުގީގު ޓީމްގައި ހިމެނޭ އޮފިސަރު ހޯމަ ދުވަހު ވަނީ މައްސަލައިގައި ހިމެނޭ އުތުރު ކޮރެއާގެ ހަތަރު މީހެއްގެ ނަން ކޯޓުގައި ބުނެފައެވެ. އޭނާ ވަނީ މަރުގެ ހާދިސާއަށް ފަހު އެމީހުން މެލޭޝިއާ ދޫކޮށް ފުރާފައިވާ ކަމަށް ބުނެފައެވެ.
ދައުވާ އިއްވިފައިވާ ދެ އަންހެނުންނަށް އެމީހުން އެނގޭނެ ކަމަށް ބުނެފަ އެވެ.
