ކުޅުދުއްފުށީ ކުޅި: އީ.އައި.އޭ ރިޕޯޓް ހިއްސާކޮށް، ފަނާކުރަނިވި ވިސްނުން ދޫކޮށްލުމަށް ގޮވާލައިފި
24 އޮކްޓޯބަރު 2017 | އަންގާރަ 06:15ދެމެހެއްޓެނެވި ތަރައްޤީގެ އިމުންބޭރު ސިޔާސަތަކުން ދުރަށްދިއުމަށް ސަރުކާރަށް ވަނީ ގޮވާލައިފައި
ކުޅުދުއްފުށީ ކުޅި: ކުޅި ހިއްކައިގެން އެއާޕޯޓް އެޅުމަށް ސަރުކާރުން ވަނީ ނިންމާފައި
ހދ. ކުޅުދުއްފުށީގެ ކުޅި ހިއްކުމާއި ގުޅޭގޮތުން ތިމާވެށީގެ ހާލަތުދެނެގަތުގެ ރިޕޯޓް ( އީ. އައި. އޭ) ހޯދުންތަށް ރައްޔިތުންނާއި ހިއްސާކޮށް މަޝްވަރާކުރުމުގެ ފުރުސަތު މިހާތަނަން ލިބިފައިނުވާތީ މަދަނީ ބައެއް ޖަމިއްޔާތަކުން ކަންބޮޑުވުންފާޅުކޮށްފިއެވެ.
ކުޅި ހިއްކުމާއި ދެކޮޅަށް ކަންބޮޑުވުން ފާޅުކޮށް ބަޔާން ނެރެފައި ވަނީ ތިމާވެށި ހިމާޔަތްކުރުމަށް މަސައްކަތް ކުރާ ހަތަރު ޖަމިއްޔާ ކަމަށްވާ ވޮއިސް އޮފް ވުމަން، އީކޯކެއާ މޯލްޑިވިސް، ބީލީފް ، ބުލޫ ޕީސް ، އުތެމަ ގުޅިގެންނެވެ.
ހަތަރު ޖަމިއްޔާއިން ނެރެފައިވާ ބަޔާނެންގައި ބުނެފައި ވަނީ ކުޅިދުއްފުށީ ކުޅި ދާއިމަށް ފަނާކުރަނިވި ވިސްނުމެއްގައި ތަރައްޤީގެ ނަމުގައި އިޔާދަނުކުރެވޭނެފަދަ ގެއްލުން ލިބޭނެ ގޮތަކަށް،ނައްތާލާއިރު ދެމެހެއްޓެނެވި ތަރައްޤީގެ އިމުންބޭރު ސިޔާސަތަކުން ދުރަށްދިއުމަށް ސަރުކާރަށާއި ދައުލަތުގެ ކަމާބެހޭ މުއައްސަސާތަކަށް އިލްތިމާސްކުރާ ކަމަށެވެ.
އެ ބަޔާނުގައި ބުނެފައި ވަނީ ކުޅުދުއްފުށީގެ ކުޅި އަކީ ހަމައެކަނި އެރަށުގެ ތަރިކައެއް ނޫން ކަމަށާއި، އެއީ މުޅި ރާއްޖެއަށް މުހިންމު ޤައުމީ ތަރިކައެއް ކަމަށެވެ. އަދި އެ ކުޅި އަކީ ރާއްޖޭގައި އޮތް އެންމެ ބޮޑު މަށިކުޅި ކަމަށްވާއިރު އެއީ ތާރީޙީ އަދި ހިމާޔަތްކުރަންޖެހޭ އަގުހުރި ޤައުމީ ޤުދުރަތީ ތަރިކައެއް ކަމަށެވެ. އެ ބަޔާންގައި ބުނެފައި ވަނީ ދުނިޔޭގެ ފެންވަރުގައި ކުޅީގެ ތިމާވެށި ރައްކާތެރިކުރުމުގެ މަސައްކަތުގައި އިސްކޮށް ހަރަކާތްތެރިވާ ޖަމުއިއްޔާއެއް ކަމުގައިވާ އައި. ޔޫ. ސީ އެން އިން ނެތިހިނގައިދާނެ ކަމުގު ބިރު ފާހަގަކުރާ ލިސްޓުގައި ހިމެނޭ 8 ބާވަތެއްގެ ގަސް އެ ކުޅީގައި ހުންނަ ކަމަށެވެ.
މީގެ އިތުރުން ކުޅުދުއްފުށީ ކުޅިއަކީ ދުނިޔޭގެ އެހެންކަންކޮޅުތަކުން ހިޖުރަކުރާ ދޫނީގެ މަންޒިލަކަށް ވާހިނދު، ކުޅީގެ މުހިންމުކަން އޮތީ ހަމައެކި ދިވެހި ރާއްޖެއަށް ނޫންކަން ވެސް އެ ބަޔާންނުގައި ފާހަގަކޮށްފައިވެއެވެ.
ކުޅީގެ މުހިންމު ކަމާއި ގުޅޭގޮތުން އެ ބަޔާނުގައި ފާހަގަކޮށްފައިވާ މުހިންމު ޕޮއިންޓުތަކަކީ ...
ކުޅުދުއްފުށީ އަންހެނުންގެ ދިރިއުޅުމާއި ގުޅިފައިވާ ތަނެން
ކުޅުދުއްފުށީ ކުޅިއަކީ އެރަށުގެ އެތަށް އަންހެނުންނެއްގެ ދިރިއުޅުމާއި އާމުދަނީ އެތަނުގެ މައްޗަށް ބިނާވެފައިވާ ތަނެކެވެ. ޒަމާނުންސުރެ އެރަށުގެ އަންހެންނުން އެކުޅި ބޭނުންކުރަމުންދަނީ ބޮނބިފާކޮށް ރޯނުވެށުމާއި ބުރެވިކޮށުމުގެ ތިމާވެއްޓާއި ރައްޓެހި އަގުހުރި މަސައްކަތްތަކެއް ކުރުމަށް ކަމަށެވެ. ކުޅި ހިއްކާ ނައްތާލާއިފިނަމަ އެމީހުންނަށް އިޔާދަނުކުރެވޭނެ އާމުދަނީގެ ދަތިކަން އިހުސާސުވާނެކަމުގެ ބިރުއޮތްކަން ވަނި ފާހަގަކޮށްފައެވެ.
ތިމާވެށީގެ ރައްކާތެރިކަމާއި ގުޅިފައިވާ އަސާސީ ގުނަވަނެން
ކުޅުދުއްފުށީގެ ޤުދުރަތީ ކުޅި އަކީ އެރަށުގެ ތިމާވެށީގެ ރައްކާތެރިކަމާއި ގުޅިފައިވާ އަސާސީ ގުނަވަނެކެވެ. ވަށައިގެންވާކަނޑާއި އޮޔާއި މޫސުމީ ބަދަލުތަކުން މުޅި ރަށާއި ރަށުގެ ފެންފަށަލައިގެ ނިޒާމު ހިމާޔަތް ކުރާ ޤުދުރަތީ ވަސީލަތީ އެ ކުޅިއެވެ. 2004 ގެ ސުނާމީފަދަ ނުރައްކާތެރި ޤުދުރަތީ ކާރިސާއެއް މާދަމާ ހިނގި ނަމަވެސް ރަށުގެ ސަލާމަތީ ނިޒާމަކަށް އޮތީ މި މުހިންމު ވަސީލަތެވެ. އަދި މޫސުމީ ވިއްސާރައިން ރަށުގައި ފެންބޮޑުވުމުގެ ހާލަތުން ސަލާމަތްކޮށް ރައްކާތެރިކޮށްދޭ މުހިންމު ގުނަ ވަނަކީވެސް އެ ކުޅިއެވެ.
ކުޅުދުއްފުށީ ކައުންސިލުން ބުނީ މި މަހުގެ 25 ވަނަ ދުވަހު އެމްޓީސީސީން އަލަށް ގެންނަ ޑްރެޖަރު (މަހާ ޖައްރާފާ) އެރަށް އަންނާނެ ކަމަށް މައުލޫމާތު ލިބިފައިވާ ކަމަށެވެ. އަދި އެއާޕޯޓްގެ އަމަލީ މަސައްކަތް ފެށުމަށް ހަމަޖެހިފައި ވަނީ އަންނަ މަހުގެ 17 ވަނަ ދުވަހު ކަމަށް ކައުންސިލުން ބުންޏެވެ. އެއީ ރައީސް ޔާމީން ވެރިކަމަށް ވަޑައިގެންނެވިތާ ހަތަރު އަހަރު ފުރޭ ދުވަހެވެ.
