ކ. މާލެ
|
23 އޮކްޓޯބަރ 2017 | ހޯމަ 15:26
ފިޓް ޒޯންއިން ތަފާތު ގިނަ ކްލާސްތައް ހިންގަމުންގެންދޭ
ފިޓް ޒޯންއިން ތަފާތު ގިނަ ކްލާސްތައް ހިންގަމުންގެންދޭ
ރިޒްނާ ޒަރީރު
ފިޓްޒޯން
ފިޓް ޒޯންގެ މޫދު ކަސްރަތު ކުލާސްތަކަށް ބޮޑު ތަރުހީބެއް!
 
މިހާރުވެސް ރަޖިސްޓަރ ކުރުމަށް ފުރުޞަތު ވަނީ ހުޅުވާލާފައި
 
ގުރޫޕް ފިޓްނަސް ޕްރޮގްރާމްތަކަށް ވެސް ބޮޑު ތަރުހީބެއް ލިބެމުންދޭ
 
މޫދު ކަސްރަތު ޕްރޮގްރާމްގެ އަގަކީ 750ރ.

ހުޅުމާލޭގައި ދިރިއުޅޭ ރައްޔިތުންނަށް ޖިމްގެ ޚިދުމަތް ފޯރުކޮށްދިނުމަށްޓަކައި އެންމެ ފުރަތަމަ ހުޅުވި ފިޓް ޒޯނުން މޫދު ކަސްރަތު ކުލާސްތައް ފަށަފިއެވެ.

 

ފިޓްޒޯންގެ މެނޭޖިން ޕާޓްނަރ އަހްމަދު ރިޔާޒް ވިދާޅުވީ މޫދު ކަސްރަތު ކްލާސްތަކަށް ކަސްޓަމަރުންގެ ފަރާތުން ބޮޑު ތަރުހީބެއް ލިބެމުން އަންނަ ކަމަށެވެ.

 

ދެ ގަޑިއަކަށް ބަހާލައިގެން ހުޅުމާލެ ބީޗުގައި ކުރިއަށްގެންދާ މި ޕްރޮގްރާމްތައް ހެނދުނާއި ހަވީރު ކުރިއަށްދާނެ އެވެ. އެގޮތުން ކޮންމެ ހޮނިހިރު، ހޯމަ، އަދި ބުދަ ދުވަހެއްގެ ހެނދުނު 6:00 އިން ފެށިގެން 7:00އަށް ކުރިއަށްދާއިރު ކޮންމެ އާދިއްތަ، އަންގާރަ އަދި ބުރާސްފަތި ދުވަހުގެ 17:00 އިން 18:00އަށް ކުރިއަށްދާނެ ކަމަށް ރިޔާޒް ވިދާޅުވިއެވެ.

 

މިޕްރޮގްރާމްގައި ބައިވެރިވާން ބޭނުންވާ ފަރާތްތަކަށް މިހާރު ވެސް ރިޖިސްޓަރ ކުރުމަށް ފުރުޞަތު ވަނީ ހުޅުވާލާފައެވެ.

 

މޫދު ކަސްރަތު ޕްރޮގްރާމްގެ އަގަކީ 750ރ. އެވެ. އަދި މޫދު ކަސްރަތާ އެކު ޖިމްގެ ހިދުމަތް ބޭނުންވާ ފަރާތްތަކަށް 950ރ. އަށް ޕްރޮގްރާމްތަކުގައި ބައިވެރިވެވޭނެއެވެ. މީގެ އިތުރުން 1060 ރުފިޔާއަށް އަންލިމިޑެޓް ޕެކޭޖް ލިބޭނެ ކަމަށާއި އެއީ ފިޓްޒޯނުން ހިންގާ ހުރިހާ ޕްރޮގްރާމެއްގައި ބައިވެރިވުމުގެ ފުރުޞަތު ކަމަށް ރިޔާޒް ވިދާޅުވިއެވެ.  

ފިޓް ޒޯންއިން ކުރިއަށްގެންދާ ގުރޫޕު ފިޓްނަސް ޕްރޮގްރާމްތަކަށް ވެސް ބޮޑު ތަރުހީބެއް ލިބެމުންދާ ކަމަށް ރިޔާޒް ވިދާޅުވިއެވެ.

 

ގުރޫޕުގެ ފިޓްނަސްގެ ދަށުން ފިޓް ޒޯނުން ވަނީ ސްޓޫޑިއޯއެއް ހުޅުވާފައެވެ. އަންހެނުންނާއި ފިރިހެނުންނަށް ވަކިން ކްލާސްތައް ހިންގަމުން ގެންދާއިރު، ސްޓީލް ޕްރޮގްރާމާއި، ޒުންބާ ހިމެނެއެވެ. އަންހެނުންނަށް ހާއްސަކޮށްގެން ކުރިއަށްގެންދާ ޒުންބާގެ ކްލާސްތައް ހެނދުނާއި ރޭގަނޑުގެ އެކި ގަޑިތަކުގައި ކުރިއަށްގެންދެއެވެ.

 

ސްޓީލް ކޮމްބެޓް، ސްޓީލް ޓޮނިކް، ސްޓީލް ޓްރެއިނިން ޕްރޮގްރާމް ހެނދުނާއި ރޭގަނޑުގެ އެކި ގަޑިތަކުގައި ކުރިއަށްގެންދާނެ ކަމަށާއި މިހާރު ވެސް ގިނަ ބައެއްގެ ތަރުހީބު މިކަމަށް ލިބެމުންދާ ކަމަށް ރިޔާޒް ވިދާޅުވި އެވެ. 

 

މިޕްރޮގްރާމްތައް ކުރިއަށް ގެންދިއުމުގައި ފިޓް ޒޯންގެ ސެޓިފައިޓް އިންސްޓްރަކްޓަރުން ތިބޭނެ އެވެ.

 

2014 ވަނަ އަހަރުގެ ޑިސެމްބަރ މަހު ހުޅުވި ފިޓްޒޯންއަކީ ދުޅަހެޔޮ ކަމަށް ލޯބިކުރާ ފަރާތްތަކުގެ މެދުގައި ވަރަށް މަޤްބޫލު ތަނަކަށް ވަނީ ވެފައެވެ.

 

ފިޓް ޒޯންއިން ތަފާތު ގިނަ ހަރަކާތްތައް މިވީ ކުޑަ ދުވަސްކޮޅުގެ ތެރޭގައި ހިންގާފައިވާއިރު އެންމެ ކާމިޔާބު އެއްޕްރޮގްރާމްގެ ތެރޭގައި ފިޓްޒޯނާއި ރާއްޖެޓީވީން ގުޅިގެން ކުރިއަށްގެންދިޔަ، "ސައްތަ ކިލޯ"ގެ ރިޔަލިޓީ ޝޯވް ހިމެނެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
13%
0%
0%
0%
88%
ކޮމެންޓް