އަބުރުފުޅު ފަންޑު ފޮށި ހިފައިގެން ރާއްޖެޓީވީގެ ޓީމް ކޮލަމާފުއްޓަށް ގޮސްފި
20 އޮކްޓޯބަރު 2017 | ހުކުރު 12:08ފަންޑް ފޮއްޓަށް ވެސް ފައިސާ ލެވިދާނެ
ގއ. ކޮލަމާފުށީގައި ރާއްޖެޓީވީގެ ލޯގޯޖެހި ޓީޝާޓް ވިއްކަނީ
ރާއްޖެޓީވީ ފަސް ލައްކަ ރުފިޔާއިން ޖޫރިމަނާ ކޮށްފައި ވާތީ ރާއްޖެޓީވީން ހުޅުވި "އަބުރުފުޅު" ފަންޑަށް ފައިސާ ހޯދުމުގެ ހަރަކާތްތަކުގެ ތެރެއިން ގއ. ކޮލަމާފުއްޓަށް ރާއްޖެޓީވީގެ ޓީމް ގޮސްފިއެވެ.
ރާއްޖެޓީވީގެ ނިއުސްޑިރެކްޓަރ މުހައްމަދު ހުޝާމް ވިދާޅުވީ އަބުރުފުޅު ފޮށި ހިފައިގެން ކޮލަމާފުއްޓަށް ދިޔައީ އެރަށުގެ ރައްޔިތުންގެ އެދުމުގެ މަތިން ކަމަށެވެ. އެރަށުގައި ރާއްޖެޓީވީގެ ލޯގޯޖެހި ޓީޝާޓު ވެސް ވިއްކާނެ ކަމަށާއި މިއަދު އިރުއޮއްސުމާ ހަމައަށް އެރަށުގައި ޓީމް ހަރަކާތްތެރިވާނެ ކަމަށް ހުޝާމް ވިދާޅުވިއެވެ. ހުޝާމް ވިދާޅުވީ އެރަށުގެ ރައްޔިތުންގެ ފަރާތުން އަބުރުފުޅު ފަންޑަށް ހޫނު ތަރުހީބެއް ލިބެމުން ދާކަމަށް ވެސް އޭނާ ވިދާޅުވިއެވެ.
އަބުރުފުޅު ފަންޑު ފޮށި ހިފައިގެން ރާއްޖެޓީވީގެ ޓީމް ގއ. ވިލިނގިއްޔަށް ގޮސްފައިވަނީ ބުރާސްފަތި ދުވަހު ހަވީރުއެވެ. އަދި މިހާރު ވެސް ވިލިނގިލީގައި ދަނީ ފަންޑަށް ފައިސާ ހޯދުމުގެ މަސައްކަތް ކުރަމުން ކަމަށް ހުޝާމް ވިދާޅުވިއެވެ.
ފަންޑަށް ފައިސާ ހޯދުމުގެ ގޮތުން އެރަށުގައި އަބުރުފުޅު ފަންޑު ފޮށި ވެސް ބަހައްޓާފައިވެ އެވެ. އަދި ރާއްޖެޓީވީގެ ޓީޝާޓް ވެސް ވިއްކަމުންދާއިރު އެރަށު އަންހެނުންތަކެއް އިސްނަގައިގެން ކަޕްކޭކް ދަނީ ވިއްކަމުންނެވެ.
