ސްވީޑެންގެ ޕޮލިސް ސްޓޭޝަނެއްގައި ބާރުގަދަ ގޮވުމުއް ގޮވައިފި
ހާދިސާގެ ޒިންމާ އެއްވެސް ބަޔަކު އުފުލާފައެއް ނުވޭ
ބޮމުގެ ހަމަލާގައި ގެއްލުންވި ޕޮލިސް ސްޓޭޝަން
ސްވީޑެންގެ ދެކުނު ސިޓީއެއް ކަމަށްވާ ހެލްސިންބޯގްގެ ޕޮލިސް ސްޓޭޝަންއެއްގައި ބުދަ ދުވަހު ހެނދުނު ބާރުގަދަ ބޮމެއް ގޮވައި އިމާރާތުގެ އެެއްބައި ހަލާކުވެ އެ ސްޓޭޝަން ކުރިމަތީ ހުރި އިމާރާތަށް ވެސް އެކިވަރުގެ ގެއްލުންތަކެއް ލިބިއްޖެއެވެ.
މިހާދިސާގައި އެއްވެސް މީހަކަށް ގެއްލުންވިކަމުގެ ރިޕޯޓެއް ނުލިބެއެވެ. ސްވިީޑެންގެ ނެޝެނަލް ޕޮލިސް ކޮމިޝަނާ ޑެން އެލިއަސަން ވިދާޅުވީ ހިނގައި ދިޔައީ ވަރަށް ސީރިއަސް ކަމެއް ކަމެއް ކަމަށާއި މި ހަމަލާ އަކީ ޕޮލިސް ސްޓޭޝަނަށް އެކަނި ދިން ހަމަލާ އެއް ނޫން ކަމަށާއި، މުޅި މުޖުތަމައުގެ ސަލާމަތްތެރިކަމަށް ދިން ހަމަލާ އެއް ކަމަށެވެ.
މިހަމަލާ އާއި ގުޅިގެން އަދި އެއްވެސް މީހަކު ހައްޔަރުކޮށްފައި ނުވެއެވެ.
ރިޕޯޓުތައް ބުނާގޮތުން އޮފިޝަލުން ހަަމަލާ ތަހުގީގު ކުރަމުން ދަނީ ޓެރަރިޒަމްގެ ހަމަލާއެއްގެ ގޮތުގައި ބަލައިގެންނެވެ.
