އިންޑިއާއަކީ ބާރުގަދަ ޤައުމެއްކަމަށް ޗައިނާއިން ޤަބޫލުކޮށްފި: ރަޖްނާތު ސިންހު
16 އޮކްޓޯބަރު 2017 | ހޯމަ 02:33ރަޖްނާތު ސިންހްވަނީ ޕާކިސްތާނަށްވެސް ފާޑުވިދާޅުވެފައި
އިންޑިއާގެ ޔޫނިއަން ހޯމް މިނިސްތަރ ރަޖްނާތު ސިންހް
އިންޑިއާގެ ސަރަހައްދީ ރޮނގު އޮތީ ރައްކާތެރިކޮށްކަމަށާއި، އިންޑިއާއަކީ ބާރުގަދަ ޤައުމެއްކަމަށް ޗައިނާއިން މިހާރު ޤަބޫލުކުރާކަމަށް އިންޑިއާގެ ދާޚިލީ ވަޒީރު ރަޖްނާތު ސިންހު ވިދާޅުވެއްޖެއެވެ.
އިންޑިއާގެ މަރުކަޒީ ސަރުކާރުގެ ޚާރިޖީ ވަޒީރު ވިދާޅުވީ ބޮޑުވަޒީރު ނަރެންދްރަ މޯދީގެ ވެރިކަމުގައި އިންޑިއާ ބާރުގަދަވެ، ބައިނަލްއަޤްވާމީ މައިދާނުގައި އުސް ހަރުފަތްތަކަކަށް ގޮސްފައިވާކަމަށެވެ. ރަޖްނާތު ސިންހް މިހެން ވިދާޅުވީ އިންޑިއާގެ ލޮކްސަބާގައި އޭނާ ތަމްސީލްކުރައްވާ ލަކްނޯގައި ބޭއްވި ބައްދަލުވުމެއްގައެވެ. އިންޑިއާގެ އުތުރާއި އިރުމަތީގައި ޗައިނާއާއިއެކު ސަރަހައްދީ އިން ހިއްސާކުރާ ދެ ސަރަހައްދުގައިވެސް ދޭތެރެ ދޭތެރެއިން ހަމަނުޖެހުން ހިނގާއިރު، ސަރަހައްދީ އިމުގެ ގޮތުގައި ދެޤައުމުން ބަލާ ހިސާބާއިމެދުވެސް ޚިޔާލު ތަފާތުވުން އުފެދިފައިވެއެވެ.
މި ބައްދަލުވުމުގައި ރަޖްނާތު ސިންހް ވަނީ އަވަށްޓެރި ޕާކިސްތާނަށްވެސް ބަހުގެ ހަމަލާތަކެއް ފޮނުވާލާފައެވެ. އެގޮތުން އިންޑިއާއަށް ޓެރަރިސްޓުން ފޮނުވަނީ ޕާކިސްތާނުންކަމަށް އޭނާ ތުހުމަތުކުރެއްވިއެވެ. "ޕާކިސްތާނުން ގެންދަނީ އިންޑިއާ ބަލިކޮށްލުމަށް މަސައްކަތްކުރަމުން. އެކަމަކު އަހަރެމެންގެ ސަލާމަތީ ބާރުތަކުން ދުވާލަކު 2 – 4 ޓެރަރިސްޓުން މިދަނީ މަރަމުން"، ރަޖްނާތު ސިންހް ވިދާޅުވިއެވެ.
