އެސްޓީއޯގެ ތެޔޮ ބޯޓެއް ފަރަށް އަރައިފި
ބޯޓު ފަރަށް އަރާފައިވަނީ 06:15 ހާއިރު
ތެޔޮ ބޯޓު ފަރަށް އަރާފައިވަނީ ފެލިވަރު ކައިރިއަށް
އެސްޓީއޯ ގެ ތެޔޮ ބޯޓު "ގުރާބު" ޅ.ފެލިވަރު ކައިރި ފަރަކަށް އަރައިގެން އެމްއެންޑީއެފުން އެ ސަރަހައްދުގައި ހަރަކާތްރިވާން ފަށައިފި އެވެ.
އެމްއެންޑީއެފް މީޑިޔާ އޮފިޝަލް ވިދާޅުވީ، އެމްއެންޑީއެފް ނޮދާން އޭރިއާ ގެ ސިފައިން އެ ސަރަހައްދުގައި ހަރަކާތްތެރިވާ ކަމަށެވެ. މިހާދިސާ ހިނގި އިރު ބޯޓުގައި ބާރަ މީހުން ތިބި ކަމަށް އެމްއެންޑީއެފް އިން ބުނެ އެވެ. މިހާދިސާ ހިނގާފައިވާކަން އެމްއެންޑީއެފް ކޯސްޓްގާޑަށް އެންގިފައިވަނީ ހެނދުނު 06:15 ހާއިރު އެވެ.
އެސްޓީއޯގެ ތެޔޮ ބޯޓު ގުރާބު ދަތުރުކުރީ ށ.މިލަންދޫ އިން ފުރައިގެން މާލެއަށެވެ. މި ބޯޓަށް ބަރާކޮށްފައިވަނީ ފެޓްރޯލް އެވެ.
އެސްޓީއޯ ތެޔޮ ބޯޓެއް ފަރަށް އަރާފައިވާ އިރު އާދިއްތަ ދުވަހު ވެސް ވަނީ ""މުނިޔަ 2" ނަމަކަށްކިޔާ ލޯންޗެއް ފަރަށް އެރުމާ ގުޅިގެން އެމްއެންޑީއެފް އިން ހަރަކާތްތެރިވެފަ އެވެ.
މާލެއިން ފުރައިގެން ހިންމަފުއްޓަށް ދަތުރުކުރި މި ލޯންޗުގައި 09 ދިވެހިން ތިބި އިރު، އޭގެ ތެރޭގައި ހިމެނެނީ 02 އަންހެނުންނާއި 7 ފިރިހެނުންނެވެ. މީގެ ތެރެއިން އެއްވެސް މީހަކަށް ގެއްލުމެއް ލިބިފައެއް ނުވެއެވެ.
އެމްއެންޑީއެފް އިން ދަނީ ކަނޑުދަތުރު ފަތުރުކުރާ ފަރާތްތަކަށް ސަލާމަތީ ކަންކަން ކަށަވަރުކޮށް، ބޭނުންވާ ހުރިހާ އާލާތްތަކެއް ފުރިހަމަކޮށްގެން ދަތުރުތައް ކުރުމަށް ތަކުރާރުކޮށް އިލްތިމާސްކުރަމުންނެވެ.
