ބޭރު ބައެއްގެ އަވަށެއް ރާއްޖޭގައި ބިނާކޮށްފިނަމަ ދިވެހިރާއްޖޭގެ ސެކިއުރިޓީ ބެލެހެއްޓުމަށް ސިފައިންނަށް ބޮޑެތި ގޮންޖެހުންތަކެއް ކުރިމަތިވާނެ: މަލީހު
15 ނޮވެމްބަރު 2026 | އާދީއްތަ 13:08ރަސްމާލެ މަޝްރޫއު ކުރިއަށް ނުގެންދިއުމަށް ރައީސުލްޖުމްހޫރިއްޔާއަށް ދެންނެވުމަކީ ސިފައިންގެ މައްޗަށް ލާޒިމް ކަމެއް ކަމަށް މަލީހު ޖަމާލު ވިދާޅުވެއްޖެ. އެ ސަރަހައްދުގައި ބޭރުގެ ބަޔަކު ވަޒަންވެރިވެ، ބަނދަރާއި އެއާޕޯޓު ތަރައްގީކޮށްފިނަމަ ރާއްޖޭގެ ސަލާމަތީ ނިޒާމަށް ބޮޑެތި ގޮންޖެހުންތަކެއް ކުރިމަތިވާނެ ކަމަށް އޭނާ ފާހަގަކުރެއްވި
ޕީއެންއެފްގެ ސެކްރެޓަރީ ޖެނެރަލް މުހައްމަދު މަލީހު ޖަމާލު | ރާއްޖެ އެމްވީ
ބޭރުގެ އެއްވެސް ބައެއްގެ އަވަށެއް ރާއްޖޭގައި ބިނާކޮށްފިނަމަ ދިވެހިރާއްޖޭގެ ސެކިއުރިޓީ ސިފައިންނަށް ބެލެހެއްޓުމަށް ބޮޑެތި ގޮންޖެހުންތަކެއް ކުރިމަތިވާނެ ކަމަށް ޕީޕަލްސް ނޭޝަނަލް ފްރަންޓް (ޕީއެންއެފް) ގެ ސެކްރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެ އެވެ.
ގައުމީ ހަރަކާތުގެ ފަރާތުން އާދިއްތަ ދުވަހު ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަލީހު ވިދާޅުވީ ރަސްމާލެ މަޝްރޫއު ކުރިއަށް ނުގެންދިޔުމަށް ރައީސް ޑރ. މުހައްމަދު މުއިއްޒުގެ އަރިހުގައި ވިދާޅުވުމަކީ ދިވެހި ސިފައިންގެ މައްޗަށް ލާޒިމް ކަމެއް ކަމަށެވެ.
އެގޮތުން "އީގަލް ހިލްސް" އިން ރަސްމާލެ ތަރައްގީ ކުރާ ކަމުގައި ވާނަމަ ރަސްމާލޭގައި ކަނޑުގެ ބަނދަރާއި ވައިގެ ބަނދަރު ހަދާނެ ކަމަށެވެ. އަދި އެކަންކޮށްފި ކަމުގައި ވާނަމަ ޑީޕީ ވޯލްޑްގެ ބޯޓު ފަހަރު ކައިރި ކުރާނީ މާލެ ބަނދަރަށް ނޫން ކަމަށާއި އެ ބޯޓު ފަހަރު ކައިރި ކުރާނީ ރަސްމާލެ ބަނދަރަށް ކަމަށް މަލީހު ވިދާޅުވި އެވެ.
ޑީޕީ ވޯލްޑްއަކީ ޑުބާއީގެ ބޭސްޑް ކުންފުންޏެއް އަދި އަލައްބާރު މެންނާ ގާތް ކުންފުންޏެއް. ހަމަ އެހެންމެ ދެން މިއޮތީ ރާއްޖެއަށް އެންމެ ގިނަ އަދަދަކަށް މީހުން ގެންނަ އެމިރޭޓްސް އެއާލައިން، އިއްތިހާދު އެއާލައިން، އެމިރޭޓްސްގެ ތިން ވަރަކަށް ފަލައިޓްސް މިހާރު ދުވަލަކު ރާއްޖެ އެބައާދޭ. އެތާނގައި އެއާޕޯޓު ހަދާފި ކަމުގައި ވާނަމަ މާލެ އިންޓަނޭޝަނަލް އެއާޕޯޓަކަށް ނޫން ފްލައިޓްތައް ޖައްސާނީ، ރަސްމާލޭގެ ޔަހޫދީންގެ ޒަޔަނިސްޓުންގެ އިންޓަނޭޝަނަލް އެއާޕޯޓަށްމުހައްމަދު މަލީހު ޖަމާލު
މިހާ ހިސާބަށް ކަންތައްތައް ނުގެންދިޔުމަކީ ކޮންމެހެން ވެސް ކުރަން ޖެހޭ ކަމެއް ކަމަށް މަލީހު ފާހަގަކުރެއްވި އެވެ. އަދި ރަސްމާލެ އަކީ ސްޓްރެޓިޖިކް އެސެޓެއްކަން ފާހަގަކުރައްވާ، މަލީހު ވިދާޅުވީ ރަސްމާލޭގައި ބޭރުގެ އެއްވެސް ގައުމެއްގެ ރައްޔިތަކު ސެޓްލްމެންޓެއް ނުވަތަ އަވަށެއް ބިނާކޮށްފި ކަމުގައި ވާނަމަ މާލެ އާއި ދިވެހިރާއްޖޭގެ ސެކިއުރިޓީ ބެލެހެއްޓުމަށް ބޮޑެތި ގޮންޖެހުންތަކާ ދިވެހި ސިފައިންނަށް ކުރިމަތިލާން ޖެހޭނެ ކަމަށެވެ.
