ޒަޔަނިސްޓުން މަސައްކަތް ކުރަނީ ރާއްޖޭގައި އަހުލުވެރިވާން، ރަސްމާލޭގައި އެމީހުން ވަޒަންވެރިވެއްޖެނަމަ އަމާންކަން ގެއްލޭނެ: އަލީ ހުސެއިން
2 އޮކްޓޯބަރު 2026 | ހުކުރު 07:51ރާއްޖޭގެ ބިންތައް ބޭރުގެ ފަރާތްތަކަށް ދިގު މުއްދަތަށް ދޫކޮށް، ބޭރު މީހުން ވަޒަންވެރިވުމަކީ ގައުމުގެ އަމަންއަމާންކަމާއި ސުލްހަވެރިކަން ގެއްލިގެންދާނެ ކަމެއް ކަމަށް ގާނޫނީ ވަކީލު އަލީ ހުސައިން ވިދާޅުވި. ބޭރުގެ ކުންފުނިތައް މެދުވެރިކޮށް ޒަޔަނިސްޓުން ރާއްޖޭގައި ވަޒަންވެރިވާން މަސައްކަތްކުރާ ކަމުގެ ކަންބޮޑުވުން ފާޅުކުރައްވައި އޭނާ ވިދާޅުވީ މީގެ ސަބަބުން ރާއްޖޭގެ ގައުމިއްޔަތާއި ފަތުރުވެރިކަމަށް އިއާދަނުކުރެވޭނެ ބޮޑެތި ގެއްލުންތަކެއް ލިބޭނެ ކަމަށް
ރާއްޖެޓީވީން ގެނެސްދޭ "ދިވެހީންގެ ބިން ދިވެހީންނަށް" ކަވަރޭޖްގައި ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު އަދި ގާނޫނީ ވަކީލު އަލީ ހުސައިން ވާހަކަ ދައްކަވަނީ. | ރާއްޖެއެމްވީ
ރާއްޖޭގެ ބިންތައް ބޭރުގެ ފަރާތްތަކަށް ދިގު މުއްދަތަކަށް ދިނުމާއި، ބޭރު މީހުން މިތަނުގެ ވަޒަންވެރިންނަށް ވެގެން އައުމަކީ ރާއްޖޭގެ އަމާންކަމާއި ސުލްހަމަސަލަސްކަން ގެއްލިގެންދާނެ ކަމެއް ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު އަދި ގާނޫނީ ވަކީލު އަލީ ހުސައިން ވިދާޅުވެއްޖެ އެވެ.
ބުރާސްފަތި ދުވަހުގެރޭ ރާއްޖެޓީވީން ގެނެސްދިން "ދިވެހީންގެ ބިން ދިވެހީންނަށް" ކަވަރޭޖްގައި ވާހަކަ ދައްކަވަމުން އަލީ ހުސައިން ވިދާޅުވީ، ގާނޫނުއަސާސީގެ 251 ވަނަ މާއްދާގެ (ށ) ގައި ރާއްޖެއިން ބޭރުގެ އެއްވެސް ފަރާތަކަށް ރާއްޖޭގެ އެއްވެސް ބައެއް ކުއްޔަށް ނުވަތަ އެނޫންވެސް ގޮތަކަށް ދެވޭނީ އެންމެ ދިގުވެގެން 99 އަހަރުގެ މުއްދަތަށް ކަމަށް ސާފުކޮށް ބަޔާންކޮށްފައިވާ ކަމަށެވެ. އަދި އެއީ ހުސްނުވާ ގޮތަށް އެއް 99 އަހަރު ނިމުމުން އަނެއްކާ ވެސް އިތުރު 99 އަހަރު އިތުރުކުރެވޭ ގޮތަށް އޮންނަ އެއްޗެއް ނޫން ކަމަށް ވެސް އޭނާ ފާހަގަކުރެއްވި އެވެ.
އީގަލް ހިލްސްއަށް މިސާލު ޖައްސަވަމުން އަލީ ހުސައިން ވިދާޅުވީ، އެ ކުންފުންޏަށް 99 އަހަރަށް ބިން ދިން ނަމަވެސް، 98 ވަނަ އަހަރު އެތަނުން ފްލެޓެއް ނުވަތަ އިމާރާތެއް ގަންނަ މީހަކަށް އަނެއްކާ އަލުން 99 އަހަރުގެ މުއްދަތެއް ނުދެވޭނެ ކަމަށެވެ. ސަބަބަކީ އެ ހައްގު އުފަންވަނީ އަސްލު އެއްބަސްވުމުގެ ތެރެއިން ކަމަށްވާތީ، އެ އެއްބަސްވުމުން ބޭރުން އިތުރު އެއްޗެއް އުފަން ނުކުރެވޭނެތީ ކަމަށް އޭނާ ވިދާޅުވި އެވެ.
މީގެއިތުރުން، ފަތުރުވެރިންގެ ގޮތުގައި ޒަޔަނިސްޓުންނަށް ނާދެވޭތީ ޔޫއޭއީގެ ކުންފުންޏެއް މެދުވެރިކޮށް، ފަތުރުވެރިންގެ ބަދަލުގައި މިތަނުގެ އަހުލުވެރިން ނުވަތަ ވަޒަންވެރިންގެ ގޮތުގައި އަންނަން މަސައްކަތް ކުރަމުންދާ ކަމަށެވެ. އަދި އެ މީހުން މިތަނަށް އައުމަކީ ވަރަށް ބިރުވެރި ކަމެއް ކަމަށް ވެސް ވިދާޅުވި އެވެ.
ދެން މި ފަތުރުވެރިންގެ ގޮތުގައި ޒަޔަނިސްޓުންނަށް ނާދެވޭތީ އެ މީހުން އަޑީގައި ތިބެގެން ރާވައިގެން މި ޔޫއޭއީ ކުންފުންޏެއް މެދުވެރިކޮށް ތަނަށް އަހުލުވެރިންގެ ގޮތުގައި. އެހެންވީމާ ދެން އެ މީހުން ބުނާ ތިމަންނަނީ މިހާރުގެ ރާއްޖޭގެ އަހުލުވެރިންނޭ. ރާއްޖޭގެ ވަޒަންވެރިންނޭ. އެ ހޯދަންވެން އައީ. ދެން އެ މީހުން އައިމަވާނެ އެނގޭތޯ. ވަރަށް ބިރުވެރިކަމެއް. އެ މީހުން އައިމާ ވާނެ ގޮތް. އެއީ މީގެ އެންމެ ރައްކާތެރި. އާދެ، ވަރަށް ބޮޑު ކުރިން ވެސް ފާހަގަކުރި ގޮތަށް. ދިވެހިރާއްޖެ އެނގޭތޯ. ދިވެހިރާއްޖޭގެ ގައުމިއްޔަތުގެ އެއް ސިފައެއް މިތާނގައި އަމަންއަމާންކަމާއި ސުލްހަ މަސްލަސްކަން. ވާހަކައަކީ ދިވެހިރާއްޖެއަކީ އެއް ދީނަކަށް ތަބާވާ ބަޔަކަށް ވުން އިނގޭތޯ. މި ސުލްހަ، މަސްލަސްކަމާ ހަމަޖެހުން. މިއީ ދިވެހިރާއްޖޭގެ ޚާއްސަ ސިފަތައް އެނގޭތޯ. މިއީ ދިވެހި، ދިވެހިރާއްޖޭގެ ރާއްޖޭގެ ރީތިކަން ބޭރުގެ ގައުމުތަކަށް ވިއްކޭ އެއް ސަބަބުއަލީ ހުސައިން
ރާއްޖޭގެ ގައުމިއްޔަތާއި ފަތުރުވެރިކަމުގެ އެންމެ ބޮޑު ރީތިކަމަކީ މިތަނުގައި އޮތް އަމަންއަމާންކަމާއި، ސުލްހަމަސަލަސްކަމާއި އެއް ދީނަކަށް ތަބާވާ ބަޔަކަށް ވުންކަން ފާހަގަކުރައްވައި އަލީ ހުސެއިން ވިދާޅުވީ، ނަމަވެސް ބޭރު މީހުން އައިސް މިތަނުގައި ވަޒަންވެރިވެ އަހުލުވެރިންނަށް ވެގެން، އެމީހުން އަޅުކަންކުރަން ބޭނުންވާ ޗާޗްތަކާއި ފައްޅިތައް އަޅަން ފެށުމުން ރާއްޖޭގެ ހަމަޖެހުން ގެއްލި، ޓޫރިޒަމަށް ވެސް އޭގެ ނޭދެވޭ އަސަރު ވަރަށް ބޮޑަށް ކުރާނެ ކަމަށެވެ. އަދި މިއީ އެއްގޮތަކަށް ވެސް ކުރިއަށް ގެންދަންވާ ވަރުގެ ޕްރޮޖެކްޓެއް ނޫން ކަމަށް އަލީ ހުސައިން ވިދާޅުވި އެވެ.
