ފުރުގާން މިސްކިތުގައި ނަމާދަށް ހުރި އަންހެނެއްގެ ކުރިމަތީގައި ބަރަހަނާވި މައްސަލައިގައި ނައުޝާދު އަނެއްކާވެސް ހައްޔަރުކޮށްފި
12 ނޮވެމްބަރު 2026 | ބުރާސްފަތި 09:47މަސްޖިދުލް ފުރްގާންގައި ނަމާދަށް ހުރި އަންހެނެއްގެ ކުރިމަތީގައި ބަރަހަނާވި މައްސަލައިގައި ނައުޝާދު އަނެއްކާ ވެސް ވަނީ ހައްޔަރުކޮށްފައި. މީގެ ކުރިން ވެސް މިސްކިތަކަށް ޤަޟާއުޙާޖާކުރި މައްސަލައިގައި ޖަލު ހުކުމެއް އިއްވި މި މީހާ، މިފަދަ ކަންކަން ތަކުރާރުކުރާތީ އެކަން ހުއްޓުވުމަށް މުއައްސަސާތަކާ ގުޅިގެން މަސައްކަތް ކުރާ ކަމަށް ފުލުހުން ބުނޭ
ފުރުގާނު މިސްކިތަަށް ގެއްލުން ދިންކަމުގެ ތުހުމަތުގައި ހައްޔަރު ކުރި ނައުޝާދު މޫސާ. | ޕޮލިސް
ފުރުގާން މިސްކިތުގައި ނަމާދަށް ހުރި އަންހެނެއްގެ ކުރިމަތީގައި ބަރަހަނާވެގެން، މީގެ ކުރިން ވެސް މިސްކިތަކަށް ގެއްލުންދިން މައްސަލައެއްގައި ހައްޔަރުކުރި ނައުޝާދު މޫސާ އަނެެއްކާ ވެސް ހައްޔަރުކޮށްފި އެވެ.
މައުލޫމާތު ލިބިފައިވާ ގޮތުގައި، ނައުޝާދު ވަނީ ބުދަ ދުވަހުގެ ހެނދުނުގެ ވަގުތެއްގައި ފުރުގާން މިސްކިތުގައި ނަމާދަށް ހުރި އަންހެނެއްގެ ކުރިމަތީގައި ބަރަހަނާވެ، އަމިއްލަ އެދުން ފުއްދުމުގެ އަމަލެއް ހިންގާފަ އެވެ.
މި މައްސަލަ ބުދަ ދުވަހު ފުލުހުންނަށް ހުށަހެޅުމާ ގުޅިގެން ނައުޝާދު ހައްޔަރު ކޮށްފައިވާ ކަމަށް ފުލުހުން ބުނެ އެވެ.
ފުލުހުން ބުނީ، ކަމާބެހޭ މުއައްސަސާތަކާ ގުޅިގެން އެމީހާ އެފަދަ ކަމެއް ތަކުރާރުކޮށް ކުރިޔަ ނުދިނުމަށް އަޅަންޖެހޭ ފިޔަވަޅުތައް އެޅުމުގެ މަސައްކަތްތައް ކުރަމުންދާ ކަމަށެވެ.
ނައުޝާދު މިފަދަ އަމަލުތައް ތަކުރާރު ކުރަމުންދާއިރު، 2026 ސެޕްޓެންބަރު 10 ވަނަ ދުވަހުގެ ފަތިހު 04:14 އެހައިކަންހާއިރު މަސްޖިދުލް ފުރްގާންއަށް ވަދެ، މިސްކިތުގެ ހުރުމަތް ކެނޑޭ ފަދަ އާންމު އިޖުތިމާއީ މިންގަނޑުތަކާ ހިލާފު އަމަލެއް ހިންގައި، މިސްކިތް ތެރެއަށް ޤަޟާއުޙާޖާ ކުރިކަމުގެ ތުހުމަތުގައި އޭނާ ހައްޔަރުކުރީ ސެޕްޓެމްބަރު މަހު 10 ވަނަ ދުވަހު އެވެ. މި މައްސަލައިގައި އޭނާ ހައްޔަރުކޮށް ބަންދު މުއްދަތު ޖަހަން ކޯޓަށް ހާޒިރުކުރުމުން ފުރަތަމަ 15 ދުވަހަށް ބަންދުކުރި އެވެ. އޭގެފަހުން ޝަރީއަތް ނިމެންދެން ބަންދުކުރަން އަމުރުކުރި އެވެ.
ކްރިމިނަލް ކޯޓުން އެ މައްސަލަ ބެލުމަށްފަހު ނޮވެންބަރު މަހުގެ 1 ވަނަ ދުވަހު، އެއް މަހާއި 15 ދުވަހުގެ ޖަލު ހުކުމެއް އިއްވި އެވެ. އަދި ތަހުގީގު މަރުހަލާ އާއި ޝަރީއަތުގެ މަރުހަލާގައި 1 މަހާއި 21 ދުވަސް އޭނާ ބަންދުގައި ހޭދަކޮށްފައިވާތީ، ތަންފީޒުކުރަންޖެހޭ އިތުރު އަދަބެއް ނެތި އޭނާ ވަނީ މިނިވަންވެފަ އެވެ.
