ޔޫރޯ ސްޓޯރުން ރަންނަމާރި ޗެލެންޖްގައި ހާއްސަ ކިއޮސްކެއް

މި ނޮވެމްބަރު މަހުގެ 5 އިން 7 އަށް ކުރިއަށްދާ ރަންނަމާރި ޗެލެންޖް 1448 ގައި ޔޫރޯ ސްޓޯރުން ބައިވެރިވުމަށް ވަނީ ނިންމައިފި އެވެ. މި މުބާރާތް ކުރިއަށްދާ ސަރަހައްދުގައި ޔޫރޯ ސްޓޯރުގެ ހާއްސަ ކިއޮސްކެއް ހުންނާނެ ކަމަށާއި، އެތަނުން ކޯލްޑް ބްރޫ ކޮފީއާއި، ހާއްސަ ބުއިންތަކުގެ އިތުރުން ލުއިކާނާއާއި ފެބްރީ ބްރޭންޑުގެ ޖެލާޓޯ އައިސްކްރީމް ބަލާލުމުގެ ފުރުސަތާއި ގަތުމުގެ އިންތިޒާމު މުޅި އިވެންޓުގެ ތެރޭގައި ހަމަޖެހިފައި އޮންނާނެ އެވެ.

ސީސްޕޯޓްސް ދިވެހި ސާފް ލީގު 2026 (ޑީއެސްއެލް 2026) ގެ ގައުމީ ޗެމްޕިއަންޝިޕްގެ ކޯ-ޕާޓްނަރެއްގެ ގޮތުގައި، މާލޭ ވަރުނުލާ ރާޅުގަނޑު ސަރަހައްދުގައި ޔޫރޯ ސްޓޯރުން ތަފާތު މަޖާ ހަރަކާތްތަކާއި، ކުޅިވަރުތަކުގެ އިތުރުން އެ ކުންފުނިން އެތެރެކުރާ ބްރޭންޑުތަކުގެ ތަޖުރިބާ ކޮށްލުމުގެ ފުރުސަތު ޒިޔާރަތްކުރާ ފަރާތްތަކަށް ފޯރުކޮށްދޭނެ އެވެ.

ޔޫރޯ ސްޓޯރުގެ ކިއޮސްކަށް ޒިޔާރަތްކޮށް ރާޅާ އެޅުމުގެ ފޯރިގަދަ ހަރަކާތްތައް ބަލާލުމުގެ ތެރޭގައި ފިނި ބުއިމަކަށް ނުވަތަ މީރު ކާނާއަކަށް ބޭނުންވެއްޖެ ނަމަ، ޔޫރޯ ސްޓޯރުގެ ކިއޮސްކަށް ޒިޔާރަތްކޮށް ތިރީގައިވާ ތަކެތި ބައްލަވައިގަނެވޭނެ އެވެ.

• ކޯލްޑް ބްރޫ އަދި ހާއްސަ ބުއިންތައް

• ލުއިކާނާ

• ފެބްރީ ޖެލާޓޯ

އަދި މީގެ އިތުރުން "ލޮރެންޒް ޕްލޭ އެންޑް ވިން" ހަރަކާތުގައި ބައިވެރިވެ އިނާމު ހޯދުމުގެ ފުރުސަތު ވެސް އޮންނާނެ އެވެ. މި ހަރަކާތުގައި ބައިވެރިވެވޭނީ ކިއޮސްކުން ލޮރެންޒް ބްރޭންޑުގެ އުފެއްދުމެއް ބައްލަވައިގަތުމުންނެވެ.

ޔޫރޯސްޓޯރުގެ ޓެންޓެއްގައި ފިނިބުއިންތައް ކަސްޓަމަރުންނަށް ފޯރުކޮށްދެނީ | ޔޫރޯ ސްޓޯރ

ނޮވެމްބަރު 6 އަދި 7 ގައި އިތުރު ހަރަކާތްތައް:

ނޮވެމްބަރު 6 ވާ ހުކުރު ދުވަހު

ހަވީރު 4:00 ގައި ޔޫރޯ ސްޓޯރުގެ ކިއޮސްކް ސަރަހައްދުން ލޯކާ މަސްކޮޓާ ފެންނާނެ އެވެ. މި ވަގުތުގެ ތެރޭގައި މަސްކޮޓާއާއެކު ފޮޓޯ ނެގުމުގެ ފުރުސަތު އާއިލާތަކަށް ލިބިގެންދާއިރު، ލޯކާ މިނީސްގެ ރަހަ ބަލާލުމުގެ ފުރުސަތު ވެސް އޮންނާނެ އެވެ.

ނޮވެމްބަރު 7 ވާ ހޮނިހިރު ދުވަހު

ފެރޭރޯ ގޯލްޑަން ހަންޓް މުބާރާތުގެ ފަހު ދުވަހު "ފެރޭރޯ ގޯލްޑަން ހަންޓް" ގެ ނަމުގައި ފޯރިގަދަ ހަރަކާތެއް ކުރިއަށްދާނެ އެވެ. ޔޫރޯ ސްޓޯރުގެ ކިއޮސްކަށް ޒިޔާރަތްކޮށް މި ހަރަކާތުގައި ބައިވެރިވުމުގެ ފުރުސަތު ވަނީ ހުޅުވާލާފަ އެވެ.