ވީޗައި މެރިން އިންޖީނާއި ޖެނެރޭޓަރު ސެޓުތައް ލިއޯ ސްޓޯރސް އެންޑް ސަޕްލައިއިން މިހާރު ލިބޭނެ!

ވީޗައި މެރިން އިންޖީނާއި ޖެނެރޭޓަރު ސެޓުތައް ލިއޯ ސްޓޯރސް އެންޑް ސަޕްލައި އިން މިހާރު ލިބޭނެ ކަމަށް ލިއޯ ސްޓޯރުން ބުނެފި އެވެ. 

ދިވެހިރާއްޖޭގައި ވީޗައި ބްރޭންޑުގެ އުފެއްދުންތައް ވިއްކުމުގެ އެކްސްކްލޫސިވް ޑިސްޓްރިބިއުޓަރަކީ ލިއޯ ސްޓޯރސް އެންޑް ސަޕްލައި އެވެ. އެ ކުންފުނިން މިހާރު ވަނީ ކަނޑުދަތުރުފަތުރާއި މަސްވެރިކަމާއި އިމާރާތްކުރުމުގެ ދާއިރާގެ އިތުރުން ހަކަތައާއި ސިނާއީ މަސައްކަތްތަކަށް ޚާއްސަކޮށްގެން ފަރުމާކޮށްފައިވާ، ފެންވަރު ރަނގަޅު، އިތުބާރު ހިފޭ އަދި ތެލަށް ކުރާ ހޭދަ ކުޑަ ވީޗައި މެރިން އިންޖީނާއި ޖެނެރޭޓަރު ސެޓުތައް (ޖެންސެޓް) ބާޒާރަށް ނެރެފަ އެވެ.

ވީޗައިގެ އުފެއްދުންތަކަކީ ތެޔޮ ހޭދަވުން ކުޑަ އަދި އިތުބާރު ހިފޭ އުފެއްދުންތަކަކަށް ވުމާއެކު، މީގެ ސަބަބުން ވިޔަފާރިތަކުގެ ހިންގުމުގެ ޚަރަދު ކުޑަވެ، އުފެއްދުންތެރިކަން އިތުރުކުރުމަށް މަގުފަހިވެގެންދެ އެވެ. މިހާރު ސްޓޮކްގައި ހުރި އުފެއްދުންތަކުގެ އިތުރުން، ކަސްޓަމަރުން ބޭނުންވާ އެކި ކެޕޭސިޓީތަކުގެ އިންޖީނާއި ޖެނެރޭޓަރުތަކަށް ޕްރީ-އޯޑަރު ދިނުމުގެ ފުރުސަތު ވެސް ލިއޯ ސްޓޯރސްއިން ވަނީ ހުޅުވާލާފަ އެވެ. މީގެ އިތުރުން، ވީޗައިގެ އަސްލު ސްޕެއާ ޕާޓްސް ލިއޯ ސްޓޯރސް އިން ލިބެން ހުންނާނެ އެވެ. އަދި ވީޗައިގެ ސެޓިފައިޑް ޓެކްނީޝަނުން މެދުވެރިކޮށް، އިންޖީނުތައް ބެލެހެއްޓުމާއި ދިމާވާ މައްސަލަތައް ހައްލުކުރުމާއި މަރާމާތު ކުރުމުގެ ޚިދުމަތް ވެސް އެ ކުންފުނިން ފޯރުކޮށްދެ އެވެ.

ކަސްޓަމަރުންނަށް ފޯރުކޮށްދޭ ޚިދުމަތްތައް އިތުރަށް ފުރިހަމަކުރުމުގެ ގޮތުން، ލިއޯ ސްޓޯރސްއިން ވަނީ އިންޑިއާގެ ޕޫނޭގައި ކުރިއަށްގެންދިޔަ ޓެކްނިކަލް ޓްރެއިނިންގ ޕްރޮގްރާމްތަކުގައި ރާއްޖޭގެ އެކި ސިނާއަތްތަކުގެ މަންދޫބުން ބައިވެރިކުރުވުމަށް އެކި ފަހަރުމަތިން ސްޕޮންސަރ ކޮށްފަ އެވެ. މީގެ ބޭނުމަކީ ވީޗައިގެ އިކުއިޕްމަންޓްތައް ބޭނުންކުރުމާއި މަރާމާތުކުރުމުގެ ދާއިރާއިން ދިވެހިންގެ ހުނަރުވެރިކަން އިތުރުކުރުމެވެ.

ދުނިޔޭގެ ފެންވަރުގެ އުފެއްދުންތަކާއި އަސްލު ސްޕެއާ ޕާޓްސްގެ އިތުރުން ފަންނީ އެހީތެރިކަމާއެކު، ލިއޯ ސްޓޯރސް އެންޑް ސަޕްލައިއަކީ ރާއްޖޭގައި އިތުބާރު ހިފޭ ހަކަތައިގެ ހައްލުތައް ފޯރުކޮށްދޭ އެންމެ އިތުބާރު ހުރި ބައިވެރިޔާ އެވެ.