ލިއޯ އިން އިންޖިނޭރުންނަށް ވިޗާއީ މެރިން އިންޖީނުގެ ތަމްރީން ދިނުމަށް ކުރިޔަށްގެންދިޔަ 3 ވަނަ ޕްރޮގްރާމް ކާމިޔާބުކަމާއެކު ނިންމާލައިފި
14 ސެޕްޓެމްބަރު 2026 | ހޯމަ 06:18ލިއޯ ސްޓޯރުން އިންތިޒާމުކޮށްގެން ވީޗާއި މެރިން އިންޖީނަށް އަހުލުވެރިކުރުވުމަށް އިންޑިއާގައި ކުރިއަށްގެންދިޔަ ތަމްރީނު ޕްރޮގްރާމްގައި ރާއްޖޭގެ ކަނޑުދަތުރުފަތުރުގެ ދާއިރާގެ ގިނަ ކުންފުނިތަކަކުން ބައިވެރިވި. ހަތަރު ދުވަހުގެ މި ދަތުރުގައި އިންޖީނު މަރާމާތުކުރުމާއި އިލެކްޓްރިކަލް މައްސަލަތައް ދެނެގަތުމުގެ އަމަލީ ތަޖުރިބާ ބައިވެރިންނަށް ވަނީ ފޯރުކޮށްދީފައި. މިފަދަ ތަމްރީނުތަކުގެ މައިގަނޑު މަގުސަދަކީ މި ދާއިރާއިން ދިވެހި ފަންނީ މަސައްކަތްތެރިން ބިނާކޮށް ގާބިލުކަން އިތުރުކުރުން
ލިއޯ ސްޓޯރުން އިންތިޒާމުކޮށްގެން ވީޗާއި މެރިން އިންޖީނަށް އަހުލުވެރިކުރުވުމަށް އިންޑިއާގައި ކުރިއަށްގެންދިޔަ ތަމްރީނު ޕްރޮގްރާމްގައި ރާއްޖޭގެ ކަނޑުދަތުރުފަތުރުގެ ދާއިރާގެ ގިނަ ކުންފުނިތަކަކުން ވަނީ ބައިވެރިވެފައި | ލިއޯ ޓްރޭޑިންގ
ލިއޯ ސްޓޯސް އެންޑް ސަޕްލައިޒް ޕްރައިވެޓް ލިމިޓެޑްގެ ފަރާތުން އިސްނަގައިގެން ރާއްޖޭގެ ކަނޑުދަތުރުފަތުރުގެ ދާއިރާގައި ހަރަކާތްތެރިވާ ކުންފުނިތަކުގެ އިންޖިނޭރުންނަށް ވިޗާއީ މެރިން އިންޖީނުގެ ތަމްރީން ދިނުމަށް ކުރިޔަށްގެންދިޔަ 3 ވަނަ ޕްރޮގުރާމް ކާމިޔާބުކަމާއެކު ނިންމާލައިފި އެވެ.
ވީޗާއި ބްރޭންޑުގެ ރާއްޖޭގެ އޮތޮރައިޒްޑް ޑިސްޓްރިބިއުޓަރުގެ ހައިސިއްޔަތުން ލިއޯ ސްޓޯރުން އިންތިޒާމުކުރި މި ތަމްރީން ހަތަރު ދުވަހުގެ މުއްދަތަށް ކުރިއަށްގެންދިޔައީ އިންޑިއާގެ ޕޫނޭގައި ހުންނަ ޝަންޑޮންގ ހެވީ އިންޑަސްޓްރީ އިންޑިއާ ޕްރައިވެޓް ލިމިޓެޑްގަ އެވެ.
މި ދަތުރުގައި ލިއޯ ސްޓޯރުގެ ޓީމުގެ އިތުރުން ރާއްޖޭގެ ކަނޑުދަތުރުފަތުރުގެ ދާއިރާގައި ފާހަގަކޮށްލެވޭ މުހިންމު ކުންފުނިތަކުގެ މަންދޫބުން ބައިވެރިވެ، ވިޗާއީ މެރިން އިންޖީނާއި ގުޅޭ ފަންނީ ތަމްރީނާއި އަމަލީ ތަޖުރިބާ ހޯދާފައިވެ އެވެ.
މިގޮތުން ފަންނީ ބައިތަކަށް ވަރަށް ބޮޑަށް އަހުލުވެރިކުރެވޭނެ ގޮތަށް ރޭވިގެން ކުރިޔަށްގެންދިޔަ މި ތަމްރީނުގައި، ބައިވެރިންނަށް އުނގަންނައިދީފައިވާ މުހިންމު ބައިތަކުގެ ތެރޭގައި އިންޖީނު އެސެމްބްލިންގ އާއި ސިސްޓަމް އޯވަރހޯލް ކުރުމުގެ މެކޭނިކަލް އަދި އިލެކްޓްރިކަލް މަސައްކަތްތައް ހިމެނެ އެވެ. މީގެ އިތުރުން އީސީޔޫ މެޕިންގ، ވަޔަރިންގ ހާނަސް އަދި އިލެކްޓްރިކަލް މައްސަލަތައް ދެނެގަނެ ހައްލުކުރާނެ ގޮތުގެ ޑައިގްނޯސްޓިކް ތަމްރީނުތަކާއި އިންޖީނު އިންސްޓޯލްކުރުމާއި ކޮމިޝަންކުރުމުގެ އިތުރުން ދުވަހުން ދުވަހަށް ކުރަންޖެހޭ މެއިންޓެނަންސް މަސައްކަތްތަކުގެ ތަމްރީނުތައް ވެސް ވަނީ ފޯރުކޮށްދީފަ އެވެ.
ލިއޯ ސްޓޯރުން އިންތިޒާމުކޮށްގެން ވީޗާއި މެރިން އިންޖީނަށް އަހުލުވެރިކުރުވުމަށް އިންޑިއާގައި ކުރިއަށްގެންދިޔަ ތަމްރީނު ޕްރޮގްރާމްގައި ރާއްޖޭގެ ކަނޑުދަތުރުފަތުރުގެ ދާއިރާގެ ގިނަ ކުންފުނިތަކަކުން ވަނީ ބައިވެރިވެފައި | ލިއޯ ޓްރޭޑިންގ
މީގެ އިތުރުން މިތަމްރީނުގައި ޑައިގް-ސްމާޓް ޑައިގްނޯސްޓިކް ސިސްޓަމް ބޭނުންކޮށްގެން އިންޖީނުގެ މައްސަލަތައް ދެނެގަންނާނެ ގޮތުގެ އަމަލީ ތަމްރީނުތަކާއި ސަރވިސް ލޮގްކުރުމާއި ފެއިލިއަރ އެނަލިސިސް ހަދާނެ ގޮތުގެ މައުލޫމާތު ވެސް ބައިވެރިންނަށް ވަނީ ދީފަ އެވެ. އަދި އިންޑަސްޓްރިއަލް މެނުފެކްޗަރިންގ ޕްލާންޓަށް ޒިޔާރަތްކޮށް، އިންޖީނުތައް ރޫޅައި އަލުން ރޭވުމުގެ އަމަލީ ސެޝަންތަކެއް ވެސް މި ޕްރޮގްރާމުގެ ތެރެއިން ކުރިއަށް ގެންގޮސްފައިވެ އެވެ.
މި ތަމްރީނު ޕްރޮގްރާމް ނިންމާލާފައިވަނީ ބައިވެރިންގެ ފަންނީ ގާބިލުކަން ވަޒަންކުރުމަށް ފައިނަލް ކުއިޒެއް ބޭއްވުމަށްފަހު، ތަމްރީނު ފުރިހަމަކުރި ފަރާތްތަކަށް ސެޓްފިކެޓް ހަވާލުކުރުމާ އެކުގަ އެވެ. ލިއޯ ސްޓޯރުން ބުނި ގޮތުގައި މިފަދަ ތަމްރީނުތަކުގެ މައިގަނޑު މަގްސަދަކީ ރާއްޖޭގެ ކަނޑުދަތުރުފަތުރުގެ ދާއިރާގައި މަސައްކަތްކުރާ ފަރާތްތަކުގެ ފަންނީ ގާބިލުކަން އިތުރުކޮށް، އެ ދާއިރާއިން ދިވެހީން ބިނާކުރުމަށް އިންވެސްޓްކުރުމެވެ.
މި ޕްރޮގްރާމް ނިންމާލަމުން ލިއޯ ސްޓޯރުން ވަނީ ތަމްރީނުގައި ބައިވެރިވި ހުރިހާ ކުންފުނިތަކުން ދިން އެއްބާރުލުމަށް ޝުކުރު އަދާކޮށްފަ އެވެ. އަދި އެސްޑީއެޗްއައި އިންޑިއާ ސަރވިސް ޑިޕާޓްމަންޓާއި އެސްއެޗްއައިޖީ އިންޑިއާ ޓްރެއިނިންގ ޓީމުން ފޯރުކޮށްދިން ފަންނީ އެހީތެރިކަމާއި ބެހެއްޓި ގާތްކަމަށްޓަކައި އެ ފަރާތްތަކަށް ވެސް ލިއޯ ސްޓޯރުން ވަނީ ހާއްސަ ޝުކުރެއް ރައްދުކޮށްފަ އެވެ.
