"މޯލްޑިވްސް މެރިން އެކްސްޕޯ"ގެ މައުރަޒު ސެޕްޓެމްބަރު 9ގައި !
މިއީ މެރިން އެކްސްޕޯ ބާއްވާ ހަތަރުވަނަ އަހަރު
މިއީ މެރިން އެކްސްޕޯ ބާއްވާ ހަތަރު ވަނަ އަހަރު
"މޯލްޑިވްސް މެރިން އެކްސްޕޯ" މިއަހަރުގެ ސެޕްޓެމްބަރު މަހު ބާއްވާ ގޮތަށް ހަމަޖައްސައިފިއެވެ.
މިއަހަރުގެ އެކްސްޕޯ އޮންނާނީ ސެޕްޓެމްބަރު މަހުގެ 9 ވަނަ ދުވަހުން ފެށިގެން 11ގެ ނިޔަލަށް ދަރުބާރުގޭގައެވެ.
ލިވަބޯޑު އިންޑަސްޓްރީއަކީ ރާއްޖޭގައި މެރިން އިންޑަސްޓްރީއަށް ބޮޑެތި ފައިދާތަކެއް ކުރުވާ އިންޑަސްޓްރީއެކެވެ.
ލިވަބޯޑު އެސޯސިއޭޝަން އޮފް މޯލްޑިވްސް (ލޭމް)ގެ އަހަރީ މައުރަޒުގެ ގޮތުގައި ކުރިއަށްގެންދާ މި އެކްސްޕޯ އިންތިޒާމްކުރަނީ ބްލަކް މޯލްޑިވްސް އިންނެ އެވެ.
މިދިޔަ އަހަރު ހުޅުމާލޭގައި ބޭއްވި މިއެކްސްޕޯއަށް އާންމުންނާއި މިދާއިރާގައި ހަރަކާތްތެރިވާ ފަރާތްތުގެ ބޮޑު ތަރުހީބެއް ލިބިފައިވާއިރު މިއީ މިގޮތަށް ބާއްވާ ހަތަރު ވަނަ މައުރަޒު އެވެ.
އެހެން އަހަރު ތަކާއި ހިލާފަށް މިއަހަރުގެ އެކްސްޕޯއަކީ ތަފާތު އެކްސްޕޯއަކަށް ވެގެންދާނެ ކަމަށް ބްލަކްއިން ބުނެފައިވާއިރު، އިވެންޓު ވެގެން ގޮސްފައިވަނީ މިދާއިރާގެ މީހުން އެއްތަނަކުން ބައްދަލުކޮށް އެންމެ ރަނގަޅު ޕްރޮޑަކްޓްސް ހޯދުމަށް އެންމެ ފަސޭހަ ޕްލެޓްފޯމުއެވެ.
މިދިޔަ އަހަރުގެ މައުރަޒަށް 3،000 އެއްހާ މީހުން ޒިޔާރަތް ކުރި އިރު އާންމުންގެ ގިނަ އަދަދެއްގެ މީހުންވެސް މިދިޔަ އަހަރުގެ މައުރަޒުގައި ބައިވެރިވެފައިވެ އެވެ.
މޯލްޑިވްސް މެރިން އެކްސްޕޯ 2016ގެ މެއިން ސްޕޮންސަރަކަށް ހަމަޖެއްސީ އެމްޓީސީސީއެވެ.
