"ޓަސްލާފައި އައްޑޫގައި" ގެ އޮފިޝަލް ޓީވީ ޕާޓްނަރަކަށް ރާއްޖެޓީވީ!
17 ސެޕްޓެމްބަރު 2026 | ބުރާސްފަތި 16:59އޮކްޓޫބަރު 1 އިން 2 އަށް އައްޑޫ ސިޓީ މަރަދޫފޭދޫގައި ބާއްވާ "ޓަސްލާފައި" ފެސްޓިވަލްގައި މިއުޒިކާއި ސަގާފީ ހަރަކާތްތަކުގެ އިތުރުން ކޮފީ ދުވަސް ފާހަގަކުރުމާއި ތަފާތު ކުޅިވަރުތައް ކުރިއަށްދާނެ. ދުވާލުގެ ހަރަކާތްތަކަށް ހިލޭ ވަދެވޭއިރު، ރޭގަނޑު އޮންނަ މިއުޒިކް ޝޯތަކާއި ފިލްމު ދެއްކުމުގެ ހަރަކާތްތަކަށް ވަދެވޭނީ ޓިކެޓް ގަނެގެންނެވެ. މި ފެސްޓިވަލްގެ އޮފިޝަލް ޓީވީ ޕާޓްނަރަކީ ރާއްޖެޓީވީ
"ޓަސްލާފައި އައްޑޫގައި" ގެ އޮފިޝަލް ޓީވީ ޕާޓްނަރަކަށް ރާއްޖެޓީވީ ހަމަޖައްސައިފި | ރާއްޖެ އެމްވީ
"ޓަސްލާފައި އައްޑޫގައި" ގެ އޮފިޝަލް ޓީވީ ޕާޓްނަރަކަށް ރާއްޖެޓީވީ ހަމަޖައްސައިފި އެވެ.
މިއަހަރު "ޓަސްލާފައި އައްޑޫގައި" ގެ ކުރިއަށް ދަނީ 5 ވަނަ އެޑިޝަން އެވެ. އެގޮތުން ޓަސްލާފައި އުފެދިގެން އައީ މިޔުޒިކަށް ހާއްސަކޮށް ބާއްވާ ޝޯތައް މަދުވުމާއި ގުޅިގެން 3 ބޭންޑެެއް އެއްވެގެން ބޭއްވި ޝޯއަށް ބޮޑު ތަރުހީބެއް ލިބިގެން ދިއުމުން ކަމަށް ޓަސްލާފައިގެ ފައުންޑަރ އަހުމަދު ފަސީހު ވިދާޅުވި އެވެ.
އައްޑޫގައި ބާއްވާ މި ފެސްޓިވަލުގައި ގިނަ ހަރަކާތްތައް ކުރިއަށް ދާނެ ކަމަށް ފަސީހު ވިދާޅުވި އެވެ. އަދި މި ފެސްޓިވަލު އޮކްޓޫބަރު 1-2 އަށް ކުރިއަށްދާއިރު، މި ފެސްޓިވަލުގައި ދުވާލު ގަޑީ ކުރިއަށްދާ ހަރަކާތްތަކަށް ހިލޭ ވަދެވޭނެ އެވެ. މި ހަރަކާތްތަކުގެ ތެރޭގައި ބައިނަލްއަގުވާމީ ކޮފީ ދުވަސް ފާހަގަކުރުމާއި، ފޯމް ޕާޓީ، ސަގާފީ ނެށުމާއި، ގޭމް އަދި ޗެލަންޖްތަކުގެ އިތުރުން ސްކޭޓިންގ އަދި އެކިއެކި ސްޓޯލްތައް ހުންނާނެ އެވެ.
"ޓަސްލާފައި އައްޑޫގައި" ފެސްޓިވަލުގައި ކުރިއަށްދާ ހަރަކާތްތައް | ސޯޝަލް މީޑިއާ
މީގެ އިތުރުން ރޭގަނޑު ކުރިއަށްދާ ހަރަކާތްތަކުގެ ތެރޭގައި އޮޕަން އެއަރ މޫވީ އެކްސްޕީރިއަންސް ކުރުމުގެ ފުރުސަތުގެ އިތުރުން ރާއްޖޭގެ މަޝްހޫރު ބޭންޑްތަކާއި ބޮޑުބެރު ގުރޫޕްތަކުގެ ހުށަހެޅުންތައް އޮންނާނެ އެވެ. މި ހަރަކާތްތައް ބެލުމަށް ޓިކެޓް ނަގަން ޖެހޭނެ އެވެ.
ޓިކެޓް ގަނެގެން އަގުހުރި އިނާމްތައް ހޯދުމުގެ ފުރުސަތު އޮތް މި ފެސްޓިވަލް ކުރިއަށް ދާނީ އައްޑޫ މަރަދޫފޭދޫގަ އެވެ.
