ދިވެހިރާއްޖެ އާއި މެލޭޝިއާއާ ދެމެދު އިސްލާމީ ކަންކަމާއި ދިފާއީ ދާއިރާއިން އެހިތެރިކަން ފޯރުކޮށްދޭން އެމްއޯޔޫއެއްގައި ސޮއިކޮށްފި
15 ސެޕްޓެމްބަރު 2026 | އަންގާރަ 07:28މެލޭޝިއާގެ ބޮޑުވަޒީރު އަންވަރު އިބްރާހީމް ރާއްޖެއަށް ކުރައްވާ ރަސްމީ ދަތުރުފުޅުގެ ތެރެއިން، ދިފާއީ ދާއިރާއާއި އިސްލާމީ ކަންތައްތަކާ ގުޅޭގޮތުން އަދި ދިފާއީ ދާއިރާއިން ދެ ގައުމުގެ ދެމެދުގައި މުހިންމު ދެ އެއްބަސްވުމެއްގައި ވަނީ ސޮއިކޮށްފައި. ރައީސް އޮފީހުގައި ބޭއްވި މި ރަސްމިއްޔާތުގައި ދެ ގައުމުގެ އިސްވެރިން ވަނީ ބައިވެރިވެވަޑައިގަންނަވާފައި
ރައީސް މުއިއްޒު އަދި މެލޭޝިއާގެ ބޮޑު ވަޒީރު އަންވަރު | ރައީސް އޮފީސް
ދިވެހިރާއްޖެ އާއި މެލޭޝިއާއާ ދެމެދު ދެ އެމްއޯޔޫއެއްގައި ސޮއިކޮށްފި އެވެ.
އަންގާރަ ދުވަހު ހެނދުނު ރައީސް އޮފީހުގައި ބޭއްވި ހާއްސަ ރަސްމިއްޔާތެއްގައި ދިވެހިރާއްޖެއާއި މެލޭޝިއާއާ ދެމެދު ދިފާއީ ދާއިރާއިންނާއި އިސްލާމީ ކަންތައްތަކުގައި ގުޅުން ބަދަހިކޮށް އެއްބާރުލުން ދިނުމާ ބެހޭ ދެ އެމްއޯޔޫއެއްގައި ސޮއިކޮށްފައިވެ އެވެ.
މި ރަސްމިއްޔާތުގައި ރައީސް ޑރ. މުހައްމަދު މުއިއްޒު އަދި މެލޭޝިއާގެ ބޮޑުވަޒީރު އަންވަރު އިބްރާހީމްގެ އިތުރުން، ދެ ގައުމުގެ ސަރުކާރުގެ އިސްވެރިން ބައިވެރިވެވަޑައިގެންނެވި އެވެ.
އެގޮތުން، އިސްލާމީ ކަންކަމުގައި އެހީތެރިކަން ފޯރުކޮށްދިނުމުގެ ދާއިރާއިން ސޮއިކުރެވުނު އެމްއޯޔޫގައި ދިވެހިރާއްޖޭގެ ފަރާތުން ސޮއިކުރައްވާފައި ވަނީ އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު އެވެ. އަދި މެލޭޝިއާ ސަރުކާރުގެ ފަރާތުން މި އެއްބަސްވުމުގައި ސޮއިކުރެއްވީ މިނިސްޓަރ އޮފް އިންވެސްޓްމަންޓް، ޓްރޭޑް އެންޑް އިންޑަސްޓްރީ ޖޮހާރީ އަބްދުލް ޣަނީ އެވެ.
ދިފާއީ ދާއިރާއިން އެއްބާރުލުން ދިނުމުގެ އެމްއޯޔޫގައި ދިވެހިރާއްޖޭގެ ފަރާތުން ޑިފެންސް މިނިސްޓަރު ސޮއިކުރައްވާފައިވާއިރު، މެލޭޝިއާ ސަރުކާރުގެ ފަރާތުން ސޮއިކުރައްވާފައިވަނީ އިންވެސްޓްމަންޓް މިނިސްޓަރު ޖޮހާރީ އަބްދުލް ޣަނީއެވެ.
