މަސައްކަތް ހަވާލުކުރިތާ އެއް އަހަރު ފަހުން، ކުޑަރިކިލު މިސްކިތުގެ އަމަލީ މަސައްކަތް އޮގަސްޓު 15 ގައި ފެށޭނެ ކަމަށް މިނިސްޓަރު ޝަހީމް ވިދާޅުވެއްޖެ
4 އޯގަސްޓު 2026 | އަންގާރަ 05:08ކުޑަރިކިލު މިސްކިތުގެ މަޝްރޫއު ފެނަކަ ކޯޕަރޭޝަންއާ ހަވާލުކޮށްފައި ވަނީ 2025 ވަނަ އަހަރުގެ އޮގަސްޓު މަހުގެ 11 ވަނަ ދުވަހު ރައީސް މުއިއްޒު އެ ރަށަށް ކުރެއްވި ދަތުރުފުޅުގެ ތެރެއިން. އޭގެ ފަހުން މިއަދާ ހަމައަށް އެ މަޝްރޫއުގެ އެއްވެސް އަމަލީ މަސައްކަތެއް ކުރިއަށް ގެންގޮސްފައިނުވޭ
އަންގާރަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވާހަކަ ދައްކަވަނީ. | ޕީޕަލްސް މަޖްލިސް
ބ. ކުޑަރިކިލުގައި އައު މިސްކިތެއް އިމާރާތް ކުރުމުގެ މަސައްކަތް ހަވާލު ކޮށްފައިވާތާ އެއް އަހަރު ދުވަސް ފަހުން، މި ހިނގާ އޮގަސްޓު މަހުގެ 15 ވަނަ ދުވަހު އެ މަޝްރޫއުގެ އަމަލީ މަސައްކަތް ފެށޭނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
އަންގާރަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި މިނިސްޓަރު ޝަހީމް މިހެން ވިދާޅުވެފައި ވަނީ، ކެންދޫ ދާއިރާގެ މެންބަރު މައުރޫފް ޒާކިރު ކުރެއްވި ސުވާލުގެ ޖަވާބުގައި އެވެ. އެގޮތުން ކުޑަރިކިލު ރައްޔިތުންނާ ރައީސް މުއިއްޒު ބައްދަލު ކުރައްވައި، މަޝްރޫއުގެ އެއްބަސްވުމުގައި ސޮއި ކުރި ފަހުން، އަމަލީ މަސައްކަތް ފެށިފައި ނުވާތީ، މަސައްކަތް ފެށޭނެ ތާާރީޚެއް، އަދި މަސައްކަތް ނިންމޭނެ ތާރީޚެއް ދެންނެވުމަށް މެންބަރު ވަނީ އެދިވަޑައިގެންފައި އެވެ.
ކުޑަރިކިލު މިސްކިތުގެ މަޝްރޫއު ފެނަކަ ކޯޕަރޭޝަންއާ ހަވާލު ކޮށްފައި ވަނީ 2025 ވަނަ އަހަރުގެ އޮގަސްޓު މަހުގެ 11 ވަނަ ދުވަހު ރައީސް މުއިއްޒު އެ ރަށަށް ކުރެއްވި ދަތުރުފުޅުގެ ތެރެއިންނެވެ. އޭގެ ފަހުން މިއަދާ ހަމައަށް އެ މަޝްރޫއުގެ އެއްވެސް އަމަލީ މަސައްކަތެއް ކުރިއަށް ގެންގޮސްފައި ނުވެ އެވެ.
އެ ސުވާލަށް ޖަވާބު ދެއްވަމުން މިނިސްޓަރު ޝަހީމް ވިދާޅުވީ އެ ރަށުގައި އިމާރާތް ކުރާ މިސްކިތުގެ މަޝްރޫއު އަކީ 500 މީހުންގެ ޖާގައިގެ މަސައްކަތެއް ކަމަށެވެ. އެއީ ފެނަކައާ ހަވާލު ކޮށްފައިވާ މަސައްކަތެއް ކަމަށާއި، ސަރުކާރުގެ ކުންފުނިތައް ހިންގުމުގެ ހަރުދަނާކޮށް މަސައްކަތްތައް އަވަސް ކުރުމަށް ކުރަމުން އަންނަ މަސައްކަތުގެ ތެރެއިން، ފެނަކަ ހިންގުމަށް ގެންނަ ބަދަލުތަކުގެ ސަބަބުން އެ ކުންފުނިން ހިންގާ މަޝްރޫއުތަކުގެ އިދާރީ ބައެއް މަސައްކަތް ކުރިއަށްދާތީ މަސައްކަތް ލަސްވެފައިވާ ކަަމަށް ވެސް މިނިސްޓަރު ވިދާޅުވި އެވެ.
އެހެން ނަމަވެސް، މި ހިނގާ އޮގަސްޓު މަހުގެ 15 ވަނަ ދުވަހު އެ މަޝްރޫއުގެ އަމަލީ މަސައްކަތް ފެށޭނެ ކަމަށް ފެނަކަ އިން މައުލޫމާތު ދީފައިވާ ކަމަށް ވެސް މިނިސްޓަރު ޝަހީމް ވިދާޅުވި އެވެ. އެ މަސައްކަތް ނިންމައި، ރައްޔިތުންނަށް މިސްކިތް ބޭނުން ކުރެވޭ ވަރަށް ހަވާލު ކުރުމަށް ފެނަކަ އަށް ދީފައި ވަނީ 365 ދުވަހުގެ މުއްދަތެއް ކަަމަށް މިނިސްޓަރު ވިދާޅުވި އެވެ. އެހެންކަމުން އަމަލީ މަސައްކަތް ފެށޭތާ އެއް އަހަރު ދުވަހުގެ ތެރޭގައި ނިންމައި، ރައްޔިތުންނާ ހަވާލު ކުރެވޭނެ ކަމަށް ވެސް ޝަހީމް ވަނީ ވިދާޅުވެފައި އެވެ.
ސަރުކާރުގެ ކުންފުނިތައް ހިންގުން ހަރުދަނާކޮށް، މަސައްކަތް އަވަސް ކުރުމަށް ސަރުކާރުން ކުރަމުންގެންދާ މަސައްކަތުގެ ތެރެއިން، ފެނަކަ ކޯޕަރޭޝަން ހިންގުމަށް ގެންނަ ބަދަލުތަކާ ގުޅިގެން ކުންފުނީގެ ދަށުން ހިންގާ ބައެއް އައު މަޝްރޫއުތަކުގެ އަމަލީ މަސައްކަތް ސައިޓުތަކުގައި ފެށުމަށް ބައެއް އިދާރީީ ތައްޔާރީތައް ކުރިއަށްދާތީ، މިކަމާ ގުޅިގެން މި މަޝްރޫއު ލަސްވެފައިވާ ކަމަށް ފެނަކަ އިން މައުލޫމާތު ދޭ. އެގޮތުން ފެނަކަ އިން މައުލޫމާތު ދީފައި ވަނީ ކުޑަރިކިލު މިސްކިތުގެ އަމަލީ މަސައްކަތް ފަށައި އޮގަސްޓު ދެހާ ސައްބީހުގައި ފެށިގެން ދާނެ. މި މަސައްކަތް ނިންމުމަށް ފެނަކަ އަށް ދީފައި ވަނީ ޖުމުލަ ތިން ސަތޭކަ ފަސްދޮޅަށް ދުވަސްމުހައްމަދު ޝަހީމް އަލީ ސައީދު
ކުޑަރިކިލު މިސްކިތުގެ މަޝްރޫއު ފެނަކައާ ހަވާލުކުރިތާ އެއް އަހަރު ފަހުން، މި މަހުގެ 15 ވަނަ ދުވަހު އެ މަޝްރޫއުގެ އަމަލީ މަސައްކަތް ފެށޭނެ ކަމަށް މިނިސްޓަރު ޝަހީމް ވިދާޅުވެފައިވާއިރު، ސަރުކާރުން ކުރިއަށްގެންދާ މަޝްރޫއުތަކުގެ މަސައްކަތް ލަސްވާކަމުގެ ޝަކުވާ އާއި މަސައްކަތް ނުފެށޭ ކަމުގެ ޝަކުވާ ގިނަ ރައްޔިތުން އަންނަނީ ކުރަމުންނެވެ.
މީގެ އިތުރުން ރާއްޖޭގެ އެގެން ރަށްރަށުގައި ވެސް މިސްކިތް ޤާއިމު ކުރުމަށް ސަރުކާރުން ހަވާލު ކޮށްފައިވާ މަޝްރޫއުތަކުގެ އަމަލީ މަސައްކަތް ނުފެށި ވަރަށް ބޮޑަށް ދިގުލައިގެން ގޮސްފައިވެ އެވެ. އަދި ބައެއް ރަށް ރަށުގައި ރައްޔިތުން ބޭނުން ކުރަމުން އައި މިސްކިތް ތަޅާލުމަށް ފަހު ވެސް، އައު މިސްކިތް އިމާރާތް ކުރުމުގެ އަމަލީ މަސައްކަތް ނުފަށައި ވަރަށް ގިނަ ދުވަސްވެފައިވެ އެވެ.
