2025 ވަނަ އަހަރުގެ ސުވާލަކަށް ޖަވާބުދެއްވަމުން މިނިސްޓަރު މުއްތަލިބު: "އެޖެންޑާ ކުރެވޭލެއް ލަސްވުމަކީ އަޅުގަނޑު ޒިންމާވާން ޖެހޭ ކަމެއް ނޫން"
3 އޯގަސްޓު 2026 | ހޯމަ 05:16އެމްޑީޕީގެ މެންބަރުން ވަޒީރުންނާ ކުރަން ފޮނުވާފައިވާ ސުވާލުތައް މަޖިލީހުގައި އެޖެންޑާކުރުން ލަސްވަނީ ސުވާލުތައް ގިނަވުމުން ކަމަށާއި، އެއީ އެމަނިކުފާނު ޒިންމާ ނަންގަވަން ޖެހިވަޑައިގަންނަވާ ކަމެއް ނޫން ކަމަށް ހައުސިންގ މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެ. މިނިސްޓަރު މިހެން ވިދާޅުވީ ބ. ކިހާދޫގެ ފެނާއި ނަރުދަމާގެ މަޝްރޫއާ ގުޅޭގޮތުން މެންބަރަކު ކުރެއްވި ސުވާލަކަށް ޖަވާބު ދެއްވަމުން. އެމްޑީޕީން މިހާތަނަށް 258 ސުވާލު ހުށަހަޅާފައިވާއިރު، އޭގެ ތެރެއިން އެންމެ ގިނަ ސުވާލު އަމާޒުވެފައިވަނީ ހައުސިންގ މިނިސްޓަރަށް
ހައުސިންގ މިނިސްޓަރު ޑރ. އަބްދުﷲ މުއްތަލިބު | ރައްޔިތުންގެ މަޖިލިސް
ރައްޔިތުންގެ މަޖިލީހުގައި އެމްޑީޕީ އަށް ނިސްބަތްވެވަޑައިގަންނަވާ މެންބަރުން ވަޒީރުންނާއި ކުރަން ފޮނުވާފައި ހުރި ސުވާލުތައް އެޖެންޑާ ކުރެވޭލެއް ލަސްވުމަކީ އޭނާ ޒިންމާނަންގަވަން ޖެހިވަޑައިގަންނަވާ ކަމެއް ނޫން ކަމަށް ހައުސިންގ މިނިސްޓަރު ޑރ. އަބްދުﷲ މުއްތަލިބު ވިދާޅުވެއްޖެ އެވެ.
ހޯމަ ދުވަހު އޮތް ރައްޔިތުންގެ މަޖިލީހުގެ ޖަލްސާގައި ކެންދޫ ދާއިރާގެ މެންބަރު މައުރޫފް ޒާކިރު ކުރައްވާފައިވާ ސުވާލަކާ ގުޅިގެން މިނިސްޓަރު މުއްތަލިބު ވަނީ މަޖިލީހަށް ހާޒިރުވެވަޑައިގެންފަ އެވެ.
މެންބަރުގެ ސުވާލުގައި ބ. ކިހާދޫ ފެނާއި ނަރުދަމާގެ މަސައްކަތް 6 މަސް ދުވަހުން ނިންމައިދެއްވާނެ ކަމަށް ރައީސް ޑރ. މުހައްމަދު މުއިއްޒު 13 އޮގަސްޓު 2025 ގައި ވިދާޅުވެފައިވާކަން ވަނީ ފާހަގަކުރައްވާފަ އެވެ. އެހެން ނަމަވެސް މިހާތަނަށް އެއްވެސް މަސައްކަތެއް ނުފެށޭ ކަމަށާއި ފެށޭނެ ދުވަހެއް ވެސް އެނގިވަޑައިނުގަންނަވާ ކަމަށް މެންބަރު ވިދާޅުވި އެވެ. އެހެންކަމުން، މެންބަރު ވަނީ މި މަސައްކަތް ނިންމައި، ޚިދުމަތް ދޭން ފެށޭނީ ކޮން ދުވަހަކުންތޯ މިނިސްޓަރާ ސުވާލު ކުރައްވާފަ އެވެ.
އެ ސުވާލު ހުށަހަޅުއްވަމުން މެންބަރު ވަނީ މިއީ 2025 ވަނަ އަހަރު މިނިސްޓަރަށް ހުށަހަޅުއްވާފައިވާ ސުވާލެއްކަމަށް ވެސް ވިދާޅުވެފަ އެވެ.
މެންބަރު މައުރޫފްގެ މި ސުވާލަށް ޖަވާބުދެއްވުމުގެ ކުރިން މިނިސްޓަރު ވަނީ އެމްޑީޕީގެ މެންބަރުންގެ ފަރާތުން ގިނަ ސުވާލުތަކެއް ހުށަހަޅާފައިވާކަން ފާހަގަކުރައްވާ އެ ސުވާލުތައް އެޖެންޑާ ކުރެވޭލެއް ލަސްވުމަކީ މިނިސްޓަރު ޒިންމާ ނަންގަވަން ޖެހޭ ކަމެއް ނޫން ކަމަށް ވިދާޅުވެފަ އެވެ.
މެންބަރު އެ ފާހަގަ ކުރެއްވި ފަދައިން މި ސުވާލަކީ 2025 ވަނަ އަހަރުގެ ސެޕްޓެމްބަރު މަހު ކުރައްވާފައިވާ ސުވާލެއް. އަޅުގަނޑު ދަންނަވާލަން ބޭނުންވަނީ ތި ބޭފުޅުންގެ ސުވާލުތަކުގެ އަދަދު ގިނަވީމާ ކިއުގައި، މަޖިލީހުގައި އެޖެންޑާ ކުރެވޭލެއް ލަސްވުމަކީ އެއީ އަދި އަޅުގަނޑު ޒިންމާވާން ޖެހޭ ކަމެއް ނޫންޑރ. އަބްދުﷲ މުއްތަލިބު
ވަޒީރުންނާ ކުރަން ފޮނުވާފައި ހުރި ސުވާލުތަކުގެ ތެރެއިން ހައުސިންގ މިނިސްޓްރީ އަށް 56 ސުވާލުގެ ނޯޓިސް ފޮނުވާފައިވާކަން ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް (ކުޑޫ) ވަނީ މި ފަހުން ހާމަކުރައްވާފަ އެވެ.
މެންބަރު ވިދާޅުވީ އެމްޑީޕީ މެންބަރުން މިހާތަނަށް 258 ސުވާލު ވަޒީރުންނާއި ކޮށްފައިވާނެ ކަމަށެވެ. އަދި މީގެތެރެއިން އެންމެ ގިނަ ސުވާލު އަމާޒުވެފައި ވަނީ ހައުސިންގ މިނިސްޓަރު ޑރ. އަބްދުﷲ މުއްތަލިބު އަށެވެ. މިނިސްޓަރު މުއްތަލިބު އަށް 56 ސުވާލެއް ކުރަން ފޮނުވާފައިވާއިރު، އެއީ އެހެން މިނިސްޓަރުންނާއި އަޅާ ބަލާއިރު ނިސްބަތުން ވަރަށް މަތީ އަދަދެކެވެ.
