ސަރުކާރުން މުވައްޒަފުން މަދުކުރަމުންދާކަމަށް ބުނަމުންދާއިރު، އެންސީއޭއަށް ބޮޑު މުސާރައިގައި ޑިރެކްޓަރ ޖެނެރަލަކު ހޯދަނީ
2 އޯގަސްޓު 2026 | އާދީއްތަ 10:04މަހަކު 30،000 އަށްވުރެ ގިނަ ރުފިޔާގެ މުސާރައެއް ލިބޭ މި މަޤާމުގެ މައިގަނޑު މަސްއޫލިއްޔަތަކީ ފަންނީ މަސައްކަތްތައް ރާވައި ހިންގުން. ސަރުކާރުގެ ޚަރަދު ކުޑަކުރުމުގެ ސިޔާސަތުގެ ދަށުން މުވައްޒަފުން މަދުކުރާނެ ކަމަށް ބުނަމުންދާ ދަނޑިވަޅެއްގައި، ބޮޑު މުސާރަ ލިބޭ މަޤާމުތަކަށް މީހުން އިތުރުކުރަމުންދާތީ އާންމުންގެ ފާޑުކިޔުން ވަނީ އަމާޒުވެފައި
ނެޝަނަލް ސެންޓަރ ފޯ ދި އާޓްސް (އެންސީއޭ) އަށް ޑިރެކްޓަރ ޖެނެރަލްގެ މަޤާމަށް މީހަކު ހޯދުމަށް އިއުލާނުކޮށްފި | ޕީއެސްއެމް
ނެޝަނަލް ސެންޓަރ ފޯ ދި އާޓްސް (އެންސީއޭ) އަށް ޑިރެކްޓަރ ޖެނެރަލްގެ މަޤާމަށް މީހަކު ހޯދުމަށް އިއުލާނުކޮށްފި އެވެ.
މި މަޤާމަށް އަސާސީ މުސާރައަކަށް ލިބޭނީ 18،000 ރުފިޔާ އެވެ. އިނާޔަތްތަކާއެކު މި މަޤާމަށް ލިބޭ މުސާރަ 30،000 ރުފިޔާއަށްވުރެ ބޮޑުވާނެ އެވެ.
މި މަޤާމުގެ މައިގަނޑު މަސްއޫލިއްޔަތަކީ އެންމެ އިސްވެރިޔާގެ ލަފަޔާއި އިރުޝާދުގެ ދަށުން މަސައްކަތްތައް ރާވައި ހިންގައި ބެލެހެއްޓުމެވެ. މަސައްކަތުގެ ދާއިރާގެ ގޮތުގައި ހިމެނިފައިވަނީ އާޓިސްޓިކް ފަންނުތައް ދިރާސާކުރުމާއި، ތަރައްޤީކުރުމާ ގުޅުންހުރި މެނޭޖީރިއަލް ފެންވަރުގެ މަސައްކަތްތަކާއި، ފަންނީ މަސައްކަތްތަކާއި ދިރާސާކުރުމުގެ މަސައްކަތްތަކެވެ.
މި މަޤާމަށް މީހަކު ހޯދަމުންދަނީ ސަރުކާރުން ސަރުކާރުގެ މުވައްޒަފުންގެ އަދަދު މަދުކުރުމަށް ފިޔަވަޅު އަޅަމުންދާކަމަށް ބުނަމުންދާ ދަނޑިވަޅެއްގަ އެވެ. ނަމަވެސް ފެންނަމުންދަނީ ބޮޑެތި މުސާރައިގައި މީހުން މަޤާމުތަކަށް އައްޔަނުކުރަމުންދާ މަންޒަރެވެ.
