ނޫމަރާގައި މަސައްކަތް ކުރާ ފެނަކަ މުވައްޒަފުން، ވަރަށް ބޮޑަށް ހަލާކުވެ ބައުވެފައިވާ އިމާރާތަކަށް ވަޒީފާއަށް ނުކުތުމަށް އަންގައިފި
1 އޯގަސްޓު 2026 | ހޮނިހިރު 08:42ނޫމަރާގައި މަސައްކަތް ކުރާ ފެނަކަ މުވައްޒަފުން، ވަރަށް ބޮޑަށް ހަލާކުވެ ބައުވެފައިވާ އިމާރާތަކަށް ވަޒީފާއަށް ނުކުތުމަށް ވަނީ އަންގާފައި. އެއިމާރާތުގެ ހާލަތު ގޯސްވުމުގެ ސަބަބުން މުވައްޒަފުންގެ ސިއްހަތަށް ނުރައްކާވެދާނެތީ އެކަމުގެ ކަންބޮޑުވުން މުވައްޒަފުން ދަނީ ފާޅު ކުރަމުން. ކުރީގެ ސަރުކާރުން ފަށާފައިވާ އައު އޮފީހުގެ ބޮޑުބައެއް ނިމިފައިވީ ނަމަވެސް، އެ މަސައްކަތް ހުއްޓިފައިވާތީ މުވައްޒަފުން ވަނީ އަމިއްލައަށް އެތަން ނިންމައިދޭނެ ކަމަށް ބުނެ ސަރުކާރުގެ އެހީތެރި ކަމަށް އެދިފައިވޭ
ނޫމަރާގެ ރަށު އޮފީހާއި ކައުންސިލް އިދާރާ ހިންގި ބައު އިމާރާތް | ރާއްޖެއެމްވީ
ށ. ނޫމަރާގައި މަސައްކަތް ކުރާ ފެނަކަ ކޯޕަރޭޝަންގެ މުވައްޒަފުން، ވަރަށް ބޮޑަށް ހަލާކުވެ ބައުވެފައިވާ އިމާރާތަކަށް ވަޒީފާއަށް ނުކުތުމަށް އަންގައިފި އެވެ.
އާދިއްތަ ދުވަހުން ފެށިގެން މުވައްޒަފުން ނުކުންނަން އަންގާފައިވަނީ ކުރިން އެ ރަށު އޮފީހާއި ކައުންސިލް އިދާރާ ހިންގި ބައު އިމާރާތަށެވެ.
ށ.ނޫމަރާގެ ރަށު އޮފީހާއި ކައުންސިލް އިދާރާ ހިންގި ބައު އިމާރާތް
ށ.ނޫމަރާގެ ރަށު އޮފީހާއި ކައުންސިލް އިދާރާ ހިންގި ބައު އިމާރާތް
ށ.ނޫމަރާގެ ރަށު އޮފީހާއި ކައުންސިލް އިދާރާ ހިންގި ބައު އިމާރާތް
މި އިމާރާތަކީ ބައު، ވެއްޓެން ކައިރިވެފައިވާ ތަނެއް ކަމަށް މައުލޫމާތު ލިބެ އެވެ. މިހާރު ވެސް އެ އިމާރާތުން ބައެއް ތަންތަން ވެއްޓިފައިވާއިރު، އެ އިމާރާތް ވަނީ ބޭނުންނުކުރެވޭ ވަރަށް ހަލާކުވެފަ އެވެ.
ރާއްޖެއެމްވީއަށް އެރަށުގެ މީހެއް ބުނީ، އާދިއްތަ ދުވަހު މުވައްޒަފުން އެތަނަށް ވަޒީފަށް ނުކުތުމަށްފަހު، އެ އިމާރާތް ސާފު ކުރުމަށް އަންގާފައިވާ ކަމަށެވެ.
އެހެންކަމުން މުވައްޒަފުން ތިބީ ވަރަށް ބޮޑު ކަންބޮޑުވުމެއްގެ ތެރޭގައި ކަމަށާއި، އެމުވައްޒަފުން މިހާރު ތިބި އިމާރާތުގައި މަސައްކަތް ކުރުމަށް ފުރުސަތު ދިނުމަށް އެ މުވައްޒަފުން ސަރުކާރުގައި އެދިފައިވާ ކަމަށެވެ. ނަމަވެސް އެކަމަށް ސަރުކާރުގެ ފަރާތުން އިޖާބަ ދީފައިނުވާ ކަމަށް އެމީހާ ބުންޏެވެ.
މީގެ އިތުރުން އެމީހާ ބުނީ، މިކަމުގެ ސަބަބުން އެ މުވައްޒަފުންގެ ސިއްހަތަށް ވެސް ނުރައްކާވާނެ ކަމަށެވެ.
ނޫމަރާގައި މަސައްކަތް ކުރާ ފެނަކައިގެ މުވައްޒަފުން، ވަރަށް ބޮޑަށް ހަލާކުވެ ބައުވެފައިވާ އިމާރާތަކަށް ވަޒީފާއަށް ނުކުތުމަށް އަންގާފައިވާއިރު، ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އެރަށުގައި ފެނަކައިގެ އައު އޮފީހާއި އިންޖީނުގެ އެޅުމުގެ މަސައްކަތް ކޮށްފައިވެ އެވެ. ވެރިކަން ބަދަލުވިއިރު، ފެނަކަ އިދާރީ އޮފީހުގެ 70 އިންސައްތަ އަދި އިންޖީނުގެ އިމާރާތުގެ 80 އިންސައްތަ މަސައްކަތް އޮތީ ނިމިފަ އެވެ. ނަމަވެސް، ވެރިކަން ބަދަލުވުމަށްފަހު އެ މަސައްކަތް ވަނީ ހުއްޓިފަ އެވެ.
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ނޫމަރާގައި އިމާރާތް ކުރަން ފެށި ފެނަކައިގެ އައު އޮފީސް
ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ނޫމަރާގައި އިމާރާތް ކުރަން ފެށި ފެނަކައިގެ އައު އޮފީސް
13 އޮކްޓޫބަރު 2025 ގައި އެރަށަށް ވަޑައިގަންނަވައި ރައީސް މުއިއްޒު ވިދާޅުވީ، 2026 ވަނަ އަހަރުގެ ރަމަޟާން މަސް ފެށުމުގެ ޕަވަރހައުސް އެއްކޮށް ނިންމައި ރީ-ލޮކޭޓް ކުރާނެ ކަމަށެވެ.
ނަމަވެސް، އެ ވައުދާ އެއްގޮތަށް މަސައްކަތް ކުރިއަށް ގެންގޮސްފައިނުވެ އެވެ.
މީގެ އިތުރުން މުވައްޒަފުންނަށް ބައު އިމާރާތަކަށް ބަދަލުވާން އެންގުމުން ފެނަކައިގެ ވަޒީފާގައި ތިބި 11 މުވައްޒަފުން ވަނީ ސަރުކާރަށް ހުށަހެޅުމެއް ވެސް ހުށަހަޅާފަ އެވެ. އެއީ އިމާރާތް ނިންމަން ބޭނުންވާ ސާމާނު ފޯރުކޮށްދީފިނަމަ، ދެ މަސް ދުވަހުގެ ތެރޭގައި އަމިއްލައަށް އެ އިމާރާތް ނިންމައިދޭނެ ކަމަށެވެ. އަދި މިހާތަނަށް ސަރުކާރުން އެ ސާމާނު ފޮނުވާފައި ނުވާތީ، އެ މަސައްކަތް ވަނީ ކުރިއަށް ގެންދެވޭ ގޮތް ނުވެފަ އެވެ.
