ރާއްޖެ
އަމިއްލައަށް މަރުވުން
ޒުވާނަކު ދަންޖެހިފަ ހުއްޓާ ފެނިއްޖެ
މަރުވެފައި ވަނީ އުމުރުން 23 އަހަރުގެ ޒުވާނެއް
މުހަންމަދު ވިސާމް, ރާއްޖެ އެމްވީ | 27 ސެޕްޓެމްބަރު 2017 | ބުދަ 04:08
މާލޭގެ ސަރަހައްދެއް ކޯޑަންކޮށް ފުލުހުންގެ ބެލުމުގެ ދަށުގައި
މާލޭ ގެއެއްގެ ތެރޭގައި ޒުވާނަކު ދަންޖެހިފަ ހުއްޓާ ފެނިއްޖެއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި ދަންޖެހި މަރުވެފައިވަނީ ކ. ގުޅި، ރާޒްދާން، މުހައްމަދު ރީހާނެވެ.
ފުލުހުންގެ މީޑިއާ އޮފިޝަލަކު ވިދާޅުވީ ބުދަ ދުވަހުގެ ފަތިހު 5:23 ހާއިރު މާލޭ ގެއެއްގެ ތެރޭގައި ޒުވާނަކު ދަންޖެހި މަރުވެފައިވާ ކަމަށް ބުނެ ރިޕޯޓް ކޮށްފައިވާ ކަމަށެވެ. ދަންޖެހި މަރުވެފައި ވަނީ އުމުރުން 23 އަހަރުގެ ފިރިހެނެއް ކަމަށް އޮފިޝަލް ވިދާޅުވިއެވެ.
ފުލުހުން ދަނީ ރިމްހާންގެ މަރުގެ މައްސަލަ ތަޙްގީގްކުރަމުނެވެ.
