"ނޯޓް" އަށް ފަހު ނިއު އެޑިޝަންގެ ނަން ފަވާލަނީ "އަރޯރާ" އާއި "މަވާލް"ގެ މީރުވަހުން

 "ނޯޓް" އަކީ މޭކަޕް އާއި ޒީނަތްވުމަށް ބޭނުންކުރާ ސާމާނުގެ ތެރެއިން، ދިވެހިންގެ މެދުގައި އެންމެ މަޤްބޫލް، އެންމެ އިތުބާރު ހިފޭ އެއް ނަމެވެ. ޒީނަތްތެރިވުމަށް ބޭނުން ކުރާ ސާމާނު އިތުބާރާއި އެކު ދިވެހިންނާއި ހަމައަށް ގެނެސްދެމުންދާ ނިއުއެޑިޝަން މިހާތަނަށް ދިވެހިންނަށް އެނގެނީ ވެސް ނޯޓުގެ ނަމުންނެވެ. އެކަމަކު މިހާރު ފެނިގެން ދަނީ ސެންޓުގެ ދުނިޔޭގައި މަޤްބޫލުކަން ހޯދަމުންދާ "އަރޯރާ" އާއި "މަވާލް"  އިން ނިއުއެޑިޝަންގެ ނަން ފަވާލާ މަންޒަރެވެ. އަރޯރާ އާއި މަވާލް ގިނަ ދިވެހިންނަށް ކަމުދަނީ އެ ސެންޓުތަކަކީ ގިނަ އިރު ވަސް ހުންނަ، ދިވެހީން އެންމެ ލޯބިކުރާ, ގިނަ ދިވެހިންނާއި ގުޅޭ ވަސްތަކެއް ކަމުގައި ވާތީ އެވެ.

ނިއު އެޑިޝަނުން ލިބެން ހުރި ސެންޓުތަކުގެ ތެރެއިން އަރޯރާގެ ޗެރީ އިން ދަ ވުޑްސް

 އަރޯރާ ބްރޭންޑުގެ ސެންޓުތަކަކީ ސެންޓުތަކުގެ ލިސްޓުގައި އެންމެ ކުރީގައި ހިމެނޭ، ކަސްޓަމަރުންގެ އިތުބާރު ހޯދަމުންދާ ސެންޓުތަކެކެވެ. ގަދީމީ އަރަބި ވަސްތަކާއި ޔޫރަޕްގެ ޒަމާންވީ ސްޓައިލް އެކުވިގެން އުފައްދާފައިވާ މި ސެންޓުތަކަކީ ކޮލިޓީ ރަނގަޅު ސެންޓެކެވެ. 2017 ވަނަ އަހަރު ވުޖޫދަށް ގެނައި މި ސެންޓުތަކަކީ ހިތްގައިމު މީރުވަސްތައް ހިމެނޭ ސެންޓުތަކެކެވެ. އަރޯރާގައި ހިމެނޭ ހައި ކޮންސެންޓްރޭޝަން އާއި ތަފާތު ފޯމިއުލާގެ ސަބަބުން މި ސެންޓުތަކުގެ ވަސް ގިނަ އިރުތަކެއް ވަންދެން ހުރެ އެވެ. 

ނިއު އެޑިޝަނުން ލިބެން ހުރި ސެންޓުތަކުގެ ތެރެއިން ބައެއް ސެންޓުފުޅިތައް ޑިސްޕްލޭގައި ފެންނަން، ނިއު އެޑިޝަން އިން ދަނީ ކޮސްމެޓިކްސްގެ ސާމާނުތައް އިތުބާރާއި ޔަގީންކަމާއި އެކު ގެނެސްދެމުން

މި ބްރޭންޑުގެ އުފެއްދުންތަކުގެ ތެރެއިން މިހާރު އެންމެ ބޮޑު މަގުބޫލުކަމެއް ހޯދާފައިވަނީ "ޗެރީ އިން ދަ ވުޑްސް" އަދި "މޮން އަމޯރް" އެވެ. މީގެ އިތުރުން  އަރޯރާގެ ސެންޓުތަކުގެ ތެރޭގައި ހިމެނެނީ "ވެނީލާ އެސްޕްރެސޯ"، "މޫން ޑަސްޓް" އަދި ފިރިހެނުންނަށް ހާއްސަކޮށްގެން މި ކަލެކްޝަންގައި ހިމަނާފައިވާ "އެރޯމާ ވީ" އަކީ ވެސް ކަސްޓަމަރުން ގަޔާވާނެ ފަދަ މީރު ވަހެއް އޭގައި ހިމެނޭ ސެންޓެކެވެ.

މަވާލް ރޯޔަލް ސީރީސްގެ ބައެއް ސެންޓުފުޅިތައް

މީގެ އިތުރުން، މަވާލް ބްރޭންޑްގެ  ރޯޔަލް ކަލެކްޝަންގެ ސެންޓުތަކަކީ ވެސް ދިވެހިންގެ މެދުގައި މަގްބޫލްކަން ހޯދަމުންދާ ސެންޓުތަކެކެވެ. އެ ސީރީސްގައި ހިމެނޭ ރޯޔަރ އެމްބަރ، ރޯޔަލް ސްޕައިސަސް އާއި ރޯޔަލް މީރްގެ އިތުރުން ރޯޔަލް ސަންޓަލް އަކީ ތަފާތު ރީތި ޑިޒައިން އަކަށް ތައްޔާރުކޮށްފައިވާ، މީރު ވަސްދުވާ، ކޮލިޓީ ރަނގަޅު ސެންޓުތަކެކެވެ.