ކުޅުދުއްފުށި ސިޓީން ގެއްލިގެން ހޯދި މީހާ މަރުވެފައި އޮއްވާ ފެނިއްޖެ
15 އެޕްރީލު 2026 | ބުދަ 13:43ކުޅުދުއްފުށި ސިޓީން ގެއްލިގެން ހޯދަމުންދިޔަ 59 އަހަރުގެ ސުލައިމާން ޙުސައިން، އެ ރަށު ބޮޑަވަކިވާ ބީޗް މޫދު އަޑީގައި މަރުވެފައި އޮއްވާ ފެނިއްޖެ. ފުލުހުންނަށް މި މައްސަލަ ރިޕޯޓްކުރިތާ ކުޑަވަގުތުކޮޅެއްގެ ތެރޭގައި އޭނާ ފެނިގެން ހޮސްޕިޓަލަށް ގެންދިޔައިރުވެސް ނިޔާވެފައިވާކަމަށް ޑޮކްޓަރުން ވަނީ ކަށަވަރުކޮށްދީފަ. މި ހާދިސާއާ ގުޅިގެން ބަލަންޖެހޭ ކަންކަން ފުލުހުން މިހާރު ދަނީ އިތުރަށް ތަހުގީގު ކުރަމުން.
ކުޅުދުއްފުށި ސިޓީ ރީޖަނަލް ހޮސްޕިޓަލް | ރާއްޖެއެމްވީ
ކުޅުދުއްފުށި ސިޓީން ގެއްލިގެން ހޯދަމުން ދިޔަ މީހާ މަރުވެފައި އޮއްވާ ފެނިއްޖެ އެވެ.
ފުލުހުން ބުނީ ކުޅުދުއްފުށި ސިޓީން 59 އަހަރުގެ ދިވެހި ފިރިހެނަކު ގެއްލިފައިވާ މައްސަލައެއް 2026 އޭޕްރީލް 15 ވަނަ ދުވަހުގެ މެންދުރު 1:48 އެހައިކަންހާ އިރު ފުލުހުންނަށް ރިޕޯޓްކޮށްފައިވެ އެވެ.
އެމީހާ ހޯދުމުގެ މަސައްކަތް ފުލުހުން ކުރަމުން ދަނިކޮށް އެމީހާ ފެނިފައި ވަނީ 2026 އޭޕްރީލް 15 ވަނަ ދުވަހުގެ މެންދުރު 3:00 އެހައިކަންހާ އިރު ބޮޑަވަކިވާ ބީޗް މޫދު އަޑިންނެވެ. ފުލުހުން ބުނީ އޭނާ ހޮސްޕިޓަލަށް ވަގުތުން ގެންދިޔަ ކަމަށެވެ. ނަމަވެސް އެމީހާ ނިޔާވެފައިވާ ކަމަށް ހޮސްޕިޓަލުން ވަނީ މައުލޫމާތު ދީފަ އެވެ.
ނިޔާވެފައި ވަނީ ބަޑިފަސްގަޑުގެ / ހދ. ކުޅުދުއްފުށި, ސުލައިމާން ޙުސައިން އެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
