އިލެކްޝަން ކޮމިޝަން ޖަވާބުދާރީ ކުރުވާނަން، ވޯޓު އޮޅުވާލައިފިއްޔާ ގާނޫނުގެ ކުރިމަށްޗަށް ވެސް ހާޒިރު ކުރާނަން: އަބްދުﷲ ޝާހިދު
ލ. މާވަށުގައި ވާހަކަދައްކަވަމުން ޝާހިދު ވިދާޅުވީ، ގާނޫނުއަސާސީއަށް ބަދަލު ގެނައުމަށް ނަގާ ފެންނަ ނުފެންނަ ވޯޓުގައި ރާއްޖޭން ބޭރުގައި ތިބޭ ދިވެހިންނަށް ވެސް ވޯޓުލުމުގެ ފުރުސަތު ލިބެންޖެހޭނެ ކަމަށ. މީގެ އިތުރުން، ކޮމިޝަނުން ގާނޫނީ އިމުގެ ތެރޭގައި މަސައްކަތް ކުރުމަށާއި ރައްޔިތުންގެ ނިންމުންތަކަށް އިހުތިރާމް ކުރުމަށް ވެސް އެމަނިކުފާނު ގޮވާލެއްވި.
އެމްޑީޕީގެ ރައީސް އަބްދުﷲ ޝާހިދު ލ މާވަށު ހަރުގެ ޖަލްސާގައި ވާހަކަފުޅުދައްކަވަނީ | ރާއްޖެ އެމްވީ
އިލެކްޝަން ކޮމިޝަން ޖަވާބުދާރީ ކުރުވާނެ ކަމަށާއި ވޯޓު އޮޅުވާލައިފި ނަމަ ގާނޫނުގެ ކުރިމަށްވޗަށް ވެސް ހާޒިރު ކުރުވާނެ ކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެ އެވެ.
އެމްޑީޕީގެ ރައީސް ޢަބްދުﷲ ޝާހިދު، އެ ޕާޓީގެ ލީޑަރޝިޕްގެ ބޭފުޅުންނާއެކު އަތޮޅުތެރެއަށް ކުރައްވަމުންގެންދަވާ ކެމްޕޭން ދަތުރުތަކުގެ ތެރެއިން ލ. މާވަށަށް ވަޑައިގެން އެރަށުގައި ބޭއްވި ހަރުގެ ޖަލްސާގައި ވާހަކަދައްކަވަމުން ޝާހިދު ވިދާޅުވީ، ފެންނަ ނުފެންނަ ވޯޓާއި ކައުންސިލް އިންތިހާބުގެ ވޯޓު އިލެކްޝާން ކޮމިޝަނުން އޮޅުވާލައިފި ނަމަ ގާނޫނުގެ ކުރިމަށްޗަށް ހާޒިރު ކޮށް ފިޔަވަޅު އަޅާނެ ކަމަށާއި އެބޭފުޅުން ޖަވާބުދާރީ ކުރުވާނެ ކަމަށެވެ.
އަދި އާންމު ރައްޔިތުންވެސް ގޮވާލާ ގޮވާލުންތަކަށް އިލެކްޝަން ކޮމިޝަނުން އިޖާބަ ދިނުމަށާއި ގާނޫނީ އިމުގެ ތެރެއަށް ވަދެވަޑާއިގަތުމަށް ޝާހިދު ވަނީ ގޮވާލައްވައިފަ އެވެ.
ތިޔަބޭފުޅުން އަޅުގަނޑުމެން ޖަވާބުދާރީ ކުރުވާނަން ، ތިޔަބޭފުޅުން މި ނަގާ ވޯޓު އޮޅުވާލައިފި ނަމަ ތިޔަ ބޭފުޅުން ގާނޫނުނުގެ ކުރިމައްޗަށް އަޅުގަނޑުމެން ހާޒިރު ކުރާނެ ކަމުގެ ޔަގީންކަން މިރޭ އަޅުގަނޑު އަރުވަނީ. 2026 ވާނީ ރާއްޖެ އަށް އަލުން އައު ފަތިހަކަށް އަލިވިލިގެންދާ އެލެކްޝަނަކަށް، ރަން ރީނދޫ ކުލަ ރާއްޖޭގައި އަލުން މިދަނީ ޖަހަމުން. އެންމެ އުތުރުން އެންމެ ދެކުނަށް މިހާރު އައު ވިދުވަރެއް އުފެދިއްޖެ. އެމްޑީޕީ އައު އަލިވިލުމަކަށް މިހާރު ރާއްޖެ އެގެންގޮސްދެނީ.
މީގެ އިތުރުން ޝާހިދު ވިދާޅުވީ ރާއްޖެ މިދަނީ މުޅިން ނުބައި ދިމާލަކަށް ކަމަށާއި ރާއްޖެ މިގޮތަށް ދާއިރު ހަނު ނުތިބޭނެ ކަމަށެވެ. ޝާހިދު ވިދާޅުވީ މި ނަގަން އުޅޭ ވޯޓަކީ ކައުންސިލް އިންތިހާބަކާއި ގުޅުން ހުރި ވޯޓެއް ނޫން ކަމަށާއި މިއީ ދިވެހިރާއްޖޭގެ ގާނޫނޫ އަސާސީ އަށް ބަދަލެއް ގެނުމާއި ބެހޭގޮތުން ރާއްޖޭގެ ރައްޔިތުންގެ ފެންނަ ނުފެންނަ ވޯޓެއް ކަމަށް ޝާހިދު ވިދާޅުވި އެވެ.
ޝާހިދު ވިދާޅުވީ ރިޔާސީ އިންތިހާބާއި އެހެން އިންތިހާބުތަކެކޭ އެއްފަދައިން ފެންނަ ނުފެންނަ ވޯޓުގައި ވެސް ރާއްޖެއިން ބޭރުގައި ތިބި ފަރާތްތަކަށް ވެސް ވޯޓު ލުމުގެ ހައްގު ލިބެންޖެހޭ ކަމަށެވެ.
