"ތުމާރީ ސޫލޫ" ގެ ޓްރެއިލާ 1.6 މިލިއަން މީހުން ބަލައިފި
17 ސެޕްޓެމްބަރު 2017 | އާދީއްތަ 05:57ސިނަމާތަކަށް މި ފިލްމު އަންނާނީ ނޮވެމްބަރު 24 ގައި
"ތުމާރީ ސޫލޫ" ގެ ޕޯސްޓަރ
މިއަހަރުގެ ނޮވެމްބަރު މަހުގެ 24 ވަނަ ދުވަހު ރިލީޒް ކުރަން ހަމަޖެހިފައިވާ "ތުމާރީ ސޫލޫ" ގެ ޓްރެއިލާ ނެރުނުތާ ދެ ދުވަސް ތެރޭގައި 1.6 މިލިއަން މީހުން ބަލައިފިއެވެ.
މި ފިލްމުގެ ޓްރެއިލާ މިހާ ގިނަ އަދަދެއްގެ ބަޔަކު ބަލާފައި މިވަނީ ފިލްމުގައި ވިދްޔާ ބާލަންގެ މޮޅު އެކްޓާއި ކެރެކްޓާ ކަމުދާތީކަމަށް އިންޑިއާގެ ނޫސްތަކުގައި ވެއެވެ.
"ތުމާރީ ސޫލޫ" ގެ ޓްރެއިލާ އާންމު ކުރުމާއެކު ބޮލީވުޑްގެ ފަންނާނުންވެސް ވަނީ މި ޓްރެއިލާއަށް ތައުރީފުކޮށްފައެވެ. އެގޮތުން ޕްރޮޑިއުސަރ ކަރަން ޖޯހަރާއި އެކްޓަރ އަނިލް ކަޕޫރު ހިމެނެއެވެ.
ކުރިން "ތުމާރީ ސޫލޫ" ރިލީޒްކުރުމަށް ހަމަޖެހިފައި އޮތީ ޑިސެމްބަރު 1 ވަނަ ދުވަހަށެވެ. އެހެން ނަމަވެސް ފަހުން ވަނީ ނޮވެމްބަރ 24 އަށް އަވަސްކޮށްފައެވެ.
"ތުމާރީ ސޫލޫ" ގައި ވިދްޔާ ބާލަން އެކްޓް ކޮށްފައިވަނީ ގެވެހި އަންބެއްގެ ގޮތުގައެވެ. އަދި އޭނާ ޝޯއެއް ހޮސްޓް ކުރާތަން ވެސް ޓްރެއިލާއިން ފެނެއެވެ.
މި ފިލްމުގައި ވިދްޔާގެ އިތުރުން ފެނިގެން ދާނީ މަނަޗް ކައުލް އެވެ. އޭނާ އަކީ ވިދްޔާގެ ފިރިމީހާގެ ރޯލު އަދާކުރާ އެކްޓަރެވެ. އަދި ނޭހާ ދޫޕިޔާ ވެސް ފިލްމުން ފެނިގެން ދެއެވެ.
