2024 ވަނަ އަހަރުގެ އެންމެ މޮޅު އެތުލީޓުންނަށް އަޒްނީން، ދީމާ، މުންސިފް އަދި އީމާ ހޮވިއްޖެ
އަހަރުގެ އެންމެ މޮޅު އެތުލީޓުގެ މަޤާމު ދީމާ އާއި މުންޞިފް ހޯދީ އޮލިމްޕިކްސް ސްޕޯޓްސް އިން. މިއީ އަހަރުގެ އެންމެ މޮޅު އެތުލީޓުގެ މަޤާމު ދީމާ ހޯދި ތިން ވަނަ ފަހަރު. މީގެ އިތުރުން އަހަރުގެ އެންމެ މޮޅު އެތުލީޓަކަށް އަޒްނީން އާއި އީމާ ހޮވުނީ ނޮން އޮލިމްޕިކްސް ސްޕޯޓްސް އިން. މިއީ އަޒްނީން މި މަޤާމު ހޯދި ދެ ވަނަ ފަހަރު.
މޯލްޑިވްސް ސްޕޯޓްސް އެވޯޑްސް ޙަފްލާގައި ވަނަތައް ހޯދި ކުޅުންތެރިންނާ އެކު ރައީސް މުޢިއްޒު | ރައީސް އޮފީސް
ސަރުކާރުން ބާއްވަމުން އަންނަ މޯލްޑިވްސް ސްޕޯޓްސް އެވޯޑްސްގެ 2024 ވަނަ އަހަރުގެ އެންމެ މޮޅު އެތުލީޓުންނަށް ބޮޑި ބިލްޑިންގެ އަޒްނީން ރަޝާދު އާއި، ޓޭބަލް ޓެނިސް (ޓީޓީ)ގެ ފާތިމަތު ދީމާ އަލީ އާއި، ޓީޓީގެ މޫސާ މުންޞިފް އަދި ނެޓު ބޯޅައިގެ އީމާ ޢަބްދުއްސައްތާރު ހޮވިއްޖެ އެވެ.
އަހަރެއްގެ މެދު ކެނޑުމަކަށް ފަހު ސްޕޯޓްސް އެވޯޑްސް ބާއްވާފައި ވަނީ އާދީއްތަ ދުވަހުގެ ރޭ ޒުވާނުންގެ މަރުކަޒުގެ އެތެރޭގަ އެވެ. އެންމެ ފުރަތަމަ މި ބޭއްވީ 2024 ވަނަ އަހަރުގެ އެވޯޑު ޙަފްލާ އެވެ. އަދި 2025 ވަަނަ އަހަރުގެ އެވޯޑު ޙަފްލާ މިއަހަރުގެ ފަހު ކޮޅު ބާއްވާނެ ކަމަށް ކުޅިވަރު ވުޒާރާ އިން ވަނީ ހާމަ ކޮށްފަ އެވެ.
އަހަރުގެ އެންމެ މޮޅު އެތުލީޓުގެ މަޤާމު ދީމާ އާއި މުންޞިފް ހޯދީ އޮލިމްޕިކްސް ސްޕޯޓްސް އިންނެވެ. މިއީ އަހަރުގެ އެންމެ މޮޅު އެތުލީޓުގެ މަޤާމު ދީމާ ހޯދި ތިން ވަނަ ފަހަރެވެ. މީގެ އިތުރުން އަހަރުގެ އެންމެ މޮޅު އެތުލީޓަކަށް އަޒްނީން އާއި އީމާ ހޮވުނީ ނޮން އޮލިމްޕިކްސް ސްޕޯޓްސް އިންނެވެ. މިއީ އަޒްނީން މި މަޤާމު ހޯދި ދެ ވަނަ ފަހަރެވެ.
އެވޯޑު ޙަފްލާގައި ވަނީ ވަކި ވަކި ކުޅިވަރު ތަކުން ވެސް އެންމެ މޮޅު ކުޅުންތެރިޔާ ހޮވައިފަ އެވެ.
އެންމެ މޮޅު ކުޅުންތެރިޔާ އަށް ހޮވުނު ކުޅުންތެރިން:
1. ބޮޑީ ބޯޑިން - އަލީ ޚުޝްރުވާން (ކުޑަ އައްޔަ)
2. އެތުލެޓިކްސް - ޙަސަން ސާއިދު / ފަސޫޙާ އަޙުމަދު
3. ބެޑްމިންޓަން - ނަބާހާ ޢަބްދުއް ރައްޒާޤު (ނަބާ) / މުޙައްމަދު ޒަޔާން ޝަހީދު ޒަކީ
4. ކެރަމް - އިސްމާއީލް އަޒްމީން / އާމިނަތު ވިދާދު
5. ޗެސް - މުޙައްމަދު ޝުއާއު / ނިހާޔާ އަޙުމަދު
6. ހޭންޑް ބޯޅަ - ފާތިމަތު ޖުމާން / މުޙައްމަދު ފިރުނާޝް
7. ނެޓް ބޯޅަ - އީމާ ޢަބްދުއް ސައްތާރު
8. ބިލިއަރޑް - ޙުސެއިން ފަޔާޒް - އާމިނަތު އަޒުރާ
9. ކްރިކެޓް - ޔޫސުފް އަޒްޔާން ފަރުހަތު
10. ސްވިމިންގ - ތަޒްކިޔާ އަމްނާ މިރުސާދު / މުޙައްމަދު ރިހާން ޝިހާމް
11. ޝޫޓިންގ - އިބްރާހީމް ޝިފާން / އާއިޝަތު ޔޫހާ އިމްތިޔާޒް
12. ޓީޓީ - މޫސާ މުންޞިފް / ފާތިމަތު ދީމާ އަލީ
13. ވޮލީ ބޯޅަ - އައިޝަތު މާޖިދާ / އިސްމާއީލް ސާޖިދު (ކުޑަ ކާއްޓެ)
14. ޓެނިސް - ޢަބްދުﷲ ފާއިހް ފަޒީލް / އާރާ އާސަލް
15. ބޮޑީ ބިލްޑިންގ - އަޒްނީން ރަޝާދު
މިއަހަރުގެ އެވޯޑަށް ތިން އެސޯސިއޭޝަން އަކުން ނޮމިނޭޝަން ހުށަހަޅާފައެއް ނުވެ އެވެ. އެއީ ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އާއި، މޯލްޑިވްސް ސަރފިންގ އެސޯސިއޭޝަން އަދި މޯލްޑިވްސް ބާސްކެޓުބޯލް އެސޯސިއޭޝަން އެވެ.
