އުރީދޫ ކަލަންޑަރ 2026: ގެނެސްދެނީ ދިވެހިންގެ ސައިގެ ރަހަތައް
26 ޖެނުއަރީ 2026 | ހޯމަ 17:19ކޮންމެ އަހަރަކު ވެސް އުރީދޫގެ ކަލަންޑަރުން ފެނިގެން ދަނީ ދިވެހިންނާއި ގުޅުން ހުރި އާދައާއި ސަޤާފަތް އަދި ގުޅުން ރަމްޒުކޮށްދޭ ވާހަކަ. މި އަހަރުގެ ކަލަންޑަރ އިން ޚާއްސަ ކުރަނީ ސައިގެ ރަހަތައް.
އުރީދޫ ކަލަންޑަރު | އުރީދޫ
އުރީދޫ މޯލްޑިވްސްގެ މި އަހަރުގެ ކަލަންޑަރު ދިވެހިންގެ ސަގާފަތާއި އާދައިގެ ތެރެއިން ސައިބުއިމުގެ އާދަ އަށް ޚާއްސަކޮށްފި އެވެ.
އުރީދޫ އިން ބުނި ގޮތުގައި މި ކަލަންޑަރުގެ ކޮންމެ މަހެއް ޚާއްސަކޮށްފައި ވަނީ ތަފާތު ސައިގެ ބާވަތަކަށެވެ. އަދި މި ލަންޑަރުގައި ގެނެސްދީފައި ވަނީ ރާއްޖޭގެ އެކި ހިސާބުން ލިބޭ މަލާއި މޭވާގެ ބާވަތްތަކެވެ. އެ ކޮންމެ ސަފްހާއަކުން ފެނިގެން ދަނީ ސައިތަކުގައި އެކުލެވިގެންވާ ރަހަތަކެވެ.
އުރީދޫގެ ސީއީއޯ އަދި އެމްޑީ ހާލިދު އަލް ހަމާދީ ވިދާޅުވީ މި އަހަރު ވެސް ޑެސްކް ކަލަންޑަރުގެ އިތުރުން ފާރުގައި އަޅުވާ ކަލަންޑަރާއި ޑިޖިޓަލް ކަލަންޑަރ ތައްޔާރުކޮށްފައިވާ ކަމަށެވެ.
"އުރީދޫ އިން ޤަބޫލުކުރަނީ ގުޅުންތަކަކީ ހަމައެކަނި ޓެކްނޮލޮޖީގެ ޒަރީއާ އިން ބަދަހިވާ ކަމެއް ނޫން. ސައި ބުއިމަކީ ދިވެހިން އެކަކު އަނެކަކާ ގުޅުން ބަދަހިވުމުގެ މެދުވެރި އެއް،" އެ ކުންފުނިން ބުންޏެވެ.
ކޮންމެ އަހަރަކު ވެސް އުރީދޫގެ ކަލަންޑަރުން ފެނިގެން ދަނީ ދިވެހިންނާއި ގުޅުން ހުރި އާދައާއި ސަޤާފަތް އަދި ގުޅުން ރަމްޒުކޮށްދޭ ވާހަކަތަކެވެ.
