އުރީދޫން އިތާފުއްޓަށް ތާރީހީ ސަބްމެރިން ކޭބަލެއް ގުޅާލައިފި
އުރީދޫއިން ވޯލްޑޯފް އެސްޓޯރިއާ މޯލްޑިވްސް އިތާފުށްޓަށް ސަބްމެރިން ކޭބަލް އެއް ވަނީ ގުޅުވާލާފަ
އުރީދޫ މޯލްޑިވްސްއިން، ވޯލްޑޯފް އެސްޓޯރިއާ މޯލްޑިވްސް އިތާފުށްޓަށް ސަބްމެރިން ކޭބަލެއް ވަނީ ގުޅާލާފަ
އުރީދޫ މޯލްޑިވްސްއިން، ވޯލްޑޯފް އެސްޓޯރިއާ މޯލްޑިވްސް އިތާފުށްޓަށް ސަބްމެރިން ކޭބަލެއް ގުޅުވާލައިފި އެވެ.
އުރީދޫން ބުނީ މިއީ ރާއްޖޭގެ ރިސޯޓަކަށް ސަބްމެރިން ކޭބަލެއް ގުޅުވާލި ފުރަތަމަ ފަހަރު ކަމަށެވެ. އަދި މިއީ ރާއްޖޭގެ ޓެލެކޮމިއުނިކޭޝަން ދަތުރުގައި ލިބުނު ތާރީޚީ ކާމިޔާބީއެއް ކަމަށް ވެސް އެ ކުންފުނިން ބުނެއެވެ.
އެ ސަބްމެރިން ކޭބަލް އިތާފުށްޓާ ގުޅުވައި، ހިންގަމުން އަންނަނީ މާފުށި މެދުވެރިކޮށެވެ. އަނެއް ކޮޅުން ހުޅުމާލޭގައި ހުންނަ އުރީދޫގެ ޒަމާނީ ޑޭޓާ ސެންޓަރާ އެ ކޭބަލް ގުޅާލައި، ދުނިޔޭގެ ފެންވަރުގެ ކަނެކްޓިވިޓީ ހިދުމަތް ފޯރުކޮށްދެމުން އަންނަ ކަމަށް އުރީދޫން ބުނެ އެވެ.
އުރީދޫ މޯލްޑިވްސް އިން ވޯލްޑޯފް އެސްޓޯރިއާ މޯލްޑިވްސް އިތާފުށީ ސަބްމެރިން ކޭބަލަކުން ކާމިޔާބުކަމާއެކު ގުޅާލެވުނުކަން ފަޚުރުވެރިކަމާއެކު އިއުލާނުކޮށްފައިވާއިރު، މިއީ ރާއްޖޭގެ ޓެލެކޮމިއުނިކޭޝަން ދަތުރުގައި ލިބުނު ތާރީޚީ ކާމިޔާބީއެކެވެ. މިއީ ރާއްޖޭގެ ރިސޯޓަކަށް ސަބްމެރިން ކޭބަލް ގުޅާލެވުނު ފުރަތަމަ ފަހަރެވެ. މި ސަބްމެރިން ކޭބަލް، ވޯލްޑޯފް އެސްޓޯރިއާ މޯލްޑިވްސް އިތާފުށި، މާފުށި މެދުވެރިކޮށް ހިނގަމުންދާއިރު، ހުޅުމާލޭގައި ހުންނަ އުރީދޫ މޯލްޑިވްސްގެ އެންމެ ޒަމާނީ ޑޭޓާ ސެންޓަރާއި ގުޅާލައި، ދުނިޔޭގެ ފެންވަރުގެ ކަނެކްޓިވިޓީ އިތުރު ކެޕޭސިޓީއާއި ރެޒިލިއަންސް އަދި ސްޕީޑާއެކު ކަށަވަރުވެގެންދާނެއެވެ.އުރީދޫ މޯލްޑިވްސް
އެ ކޭބަލް ގުޅާލުން ފާހަގަކުރަން ހޮނިހިރު ދުވަހު އިތާފުށީގައި ބޭއްވި ރަސްމިއްޔާތުގައި މިނިސްޓަރ އޮފް ޓުއަރިޒަމް އެންޑް އެންވަޔަރަންމަންޓް އަލްފާޟިލް ޠާރިޤް އިބްރާހީމާއި، އުރީދޫ މޯލްޑިވްސްގެ ޗީފް އެގްޒެކެޓިވް އޮފިސަރ މރ. ޚާލިދު އަލް ޙަމާދީގެ އިތުރުން ވޯލްޑޯފް އެސްޓޯރިއާ މޯލްޑިވްސް އިތާފުށީގެ ޖެނެނަލް މެނޭޖަރ ޓީޖޭ ޖައުލަކް ބައިވެރިވެވަޑައިގެންނެވިއެވެ.
އެ ކޭބަލް ގުޅާލުން ފާހަގަކުރަން ހޮނިހިރު ދުވަހު އިތާފުށީގައި ބޭއްވި ރަސްމިއްޔާތުގައި އުރީދޫގެ ސީއީއޯ އަދި ޗީފް އެގްޒެކެޓިވް ހާލި އަލް ހަމާދީ ވިދާޅުވީ މިދިޔަ 20 އަހަރުގެ ތެރޭގައި އުރީދޫއަކީ ރާއްޖޭގެ މުވާސަލާތީ ހިދުމަތްތަކުގެ ސިނާއަތުގެ އެންމެ ކުރީ ސަފުގައި އޮންނަ ކުންފުނި ކަމަށެވެ.
އޭނާ ވިދާޅުވި ގޮތުގައި ރާއްޖޭގައި ފުރަތަމަ ފަހަރަށް ރިސޯޓަކަށް ސަބްމެރިން ކޭބަލެއް ގުޅާލުމަކީ 'ޑިޖިޓަލް ޑިވައިޑް' ނައްތާލައި، ހަގީގީ ޑިޖިޓަލް މޯލްޑިވްސްއެއް ތަރައްގީ ކުރުމަށް ކުރަމުން އަންނަ މަސައްކަތަށް ލިބުނު ވަރަށް ބޮޑު ކުރިއެރުމެކެވެ.
ހާލިދު ވިދާޅުވީ އެ ކޭބަލް ގުޅުވާލުމާ އެކު ހޮސްޕިޓާލިޓީ ދާއިރާގެ ތެރޭގައި އިނޮވޭޝަނަށް އާ މިންގަނޑެއް ކަނޑައެޅޭނެ ކަމަށެވެ.
އެ ކޭބަލްއާ އެކު އިތާފުއްޓަށް އާޓިފިޝަލް އިންޓެލިޖެންސުން ބާރުދޭ ފީޗާރތަކާއި ޕްރައިވެޓް 5ޖީ އިންފްރާސްޓްރަކްޗަރ އާއެކު، އެ ތަނަށް ދާ ފަތުރުވެރިންނަށް ދެން އޮތް ޖީލުގެ ޑިޖިޓަލް ތަޖުރިބާތައް ފޯރުކޮށްދިނުމަށް އުރީދޫން ވަނީ ތައްޔާރުވެފަ އެވެ.
އެ ރަސްމިއްޔާތުގައި ޓޫރިޒަމް މިނިސްޓަރު ތޯރިގް އިބްރާހިމް ވިދާޅުވީ މި ސަބްމެރިން ކޭބަލް ލޭންޑިންގ އަކީ ޓޫރިސްޓް ރިސޯޓެއްގައި މިފަދަ ފުރަތަމަ ފަހަރަށް ތާރީހީ ކާމިޔާބީއެއްގެ ގޮތުގައި ފާހަގަކޮށްލެވޭ، މުޅިން ގުޅިލާމެހިފައިވާ، މުސްތަގްބަލަށް ތައްޔާރުވެފައިވާ ރާއްޖެއަކާ ގާތްކޮށްދޭ އިތުރު ކާމިޔާބީއެއް ކަމަށެވެ.
ވޯލްޑޯފް އެސްޓޯރިއާ މޯލްޑިވްސް އިތާފުށީގެ ޖެނެރަލް މެނޭޖަރު ޓީޖޭ ޖައުލަކް ވިދާޅުވީ ފުރަތަމަ ސަބްމެރިން ކޭބަލް ލޭންޑިންގެ ޝަރަފު ލިބުމަކީ އެ ރިސޯޓަށް ބޮޑު އުފަލެއް ކަމަށެވެ. އަދި އެލިވޭޓެޑް ލަގްޒަރީ އަދި ޕަރސަނަލައިޒްޑް ސަރވިސް ރަމްޒުކޮށްދޭ މަންޒިލެއްގެ ހައިސިއްޔަތުން، މިއަދުގެ ދުނިޔޭގެ ދަތުރުވެރިންގެ އަބަދުވެސް ބަދަލުވަމުންދާ ބޭނުންތައް ފުއްދުމުގައި ސީމްލެސް ކަނެކްޓިވިޓީގެ މުހިންމު ދައުރެއް ކަމަށް ވިސްނޭ ކަމަށެވެ.
އުރީދޫ މޯލްޑިވްސް ރާއްޖޭގެ މުވާސަލާތީ ދާއިރާ ކުރިއެރުވުމަށް ފެށީއްސުރެ 20 އަހަރު ފުރުން ފާހަގަކުރާ އިރު، މި މުހިންމު ޕްރޮޖެކްޓްގެ ސަބަބުން އެ ކުންފުނީގެ ޑިޖިޓަލް މޯލްޑިވްސް ވިސްނުމަށް ދޭ އަހައްމިއްޔަތުކަން ހާމަވެގެންދެއެވެ.
އަދި އެއީ މުޖުތަމަޢުތައް ބާރުވެރިކުރުވައި، އިޤްތިޞާދީ ބަދަލުތައް ގެނައުމަށާއި، ރާއްޖޭގެ އެކި ކަންކޮޅުތަކުގައި އޮތް ޑިޖިޓަލް ބައިބައިވުން ނައްތާލުމަށް، ދުނިޔޭގެ ފެންވަރުގެ ޓެކްނޮލޮޖީ، ދިވެހީންނާއި ހިސާބަށް މެދުކެނޑުމެއްނެތި ލިބިގެންދާ ތަޞައްވުރެކެވެ.
