ފުޓުބޯޅައިގެ ދުނިޔޭގެ އެންމެ ވަރުގަދަ ކުރިމަތިލުން، އެލް ކްލެސިކޯ އަންނަ ޑިސެމްބަރ މަހު 23 ގައި

ފުޓުބޯޅައިގެ ދުނިޔޭގެ އެންމެ ވާދަވެރި ދެ ކުލަބު ކަމަށްވާ ބާސެލޯނާ އާއި ރެއާލް މެޑްރިޑް މި ސީޒަނުގައި ފުރަތަމަ ފަހަރަށް ބައްދަލުކުރާ މެޗު އަންނަ ޑިސެމްބަރ މަހުގެ 23 ވަނަ ދުވަހު ކުޅެން ހަމަޖެހިފައިވާ ކަމަށް ލަލީލާގެ ރައީސް ޒާވިއާ ޓީބަސް ހާމަކޮށްފިއެވެ.

ސްޕެނިޝް ލީގުގެ އާ ސީޒަނުގައި ރެއާލް މެޑްރިޑާއި ބާސެލޯނާ ބައްދަލުކުރާ ފުރަތަމަ އެލް ކްލެސިކޯ މެޗު ކުޅޭނީ އަންނަ ޑިސެމްބަރ މަހުގެ 23 ވަނަ ދުވަހުގައި ކަމަށް ޒާވިއާ ޓީބަސް އިއުލާން ކޮށްފައިވާއިރު، ސްޕެނިޝް ލީގުގެ ގުރުއަތުލުން އެންމެ ފުރަތަމަ ބޭއްވިއިރު ފުރަތަމަ އެލް ކްލަސިކޯ މެޗު ކުޅެން ހަމަޖައްސާފައިވަނީ ޑިސެމްބަރު މަހުގެ 20 ވަނަ ދުވަހުގައެވެ.

އެގޮތުން މިހާރު އެލްކްލެސިކޯ މެޗު ކުޅުމަށް ހަމަޖައްސާފައިވަނީ އަންނަ ޑިސެމްބަރ މަހުގެ 23 ވަނަ ވާ ހޮނިހިރު ދުވަގައެވެ.

އެންމެ ފަހުން ކުޅުނު އެލް ކްލެސިކޯ މެޗުން ރެއާލްގެ ދަނޑުގައި ބާސެލޯނާ މޮޅުވީ 2-3 އިންނެވެ.

ނިމިގެންދިޔަ މަހުގެ 18 ވަނަ ދުވަހު ސްޕެނިޝް ލީގުގެ އާ ސީޒަން ފަށާފައިވާއިރު، އެންމެ ފަހުގެ ޗެމްޕިއަން ރެއާލް މެޑްރިޑު ވަނީ ތިންމެޗު ކުޅެފައެވެ. އޭގެތެރެއިން 2 މެޗުން މޮޅުވިއިރު، އަނެއް މެޗު ވަނީ އެއްވަރުވެފައެވެ.

ބާސެލޯނާ އަދި މިހާތަނަށް ކުޅުނު ތިންމެޗުންވެސް ތަފާތު ބޮޑުކޮށް މޮޅުވެފައިވާއިރު، އެޓީމު މިވަގުތު އޮތީ ލީގުގެ އެއްވަނާގައި 9 ޕޮއިންޓާއެކު އޮތީ ބާސާއެވެ. ރެއާލް އޮތީ 5 ޕޮއިންޓާއެކު ލީގުގެ ހަތްވަނާގައެވެ.