2025 ވަނަ އަހަރުގެ ތިންވަނަ ލެގޯ އައިޑިއާސް ރިވިއު އަށް 'މޯލްޑިވްސް ވޯޓަރ ވިލާ' ހޮވިއްޖެ
31 ޑިސެމްބަރު 2025 | ބުދަ 14:39ދިވެހިރާއްޖޭގެ ރަށްތަކުގެ ހިތްގައިމު ރީތިކަން ސިފަކޮށްދޭ ގޮތަށް ފަރުމާކޮށް 2025 ވަނަ އަހަރުގެ ތިންވަނަ ލެގޯ އައިޑިއާސް ރިވިއުއަށް 'މޯލްޑިވްސް ވޯޓަރ ވިލާ' ހޮވިއްޖެ.
ތިންވަނަ ލެގޯ އައިޑިއާސް ރިވިއުއަށް ހުށައެޅި 'މޯލްޑިވްސް ވޯޓަރ ވިލާ' |
2025 ވަނަ އަހަރުގެ ތިންވަނަ ލެގޯ އައިޑިއާސް ރިވިއު އަށް 'މޯލްޑިވްސް ވޯޓަރ ވިލާ' ހޮވިއްޖެ އެވެ.
ދިވެހިރާއްޖޭގެ ރަށްތަކުގެ ހިތްގައިމު ރީތިކަން ސިފަކޮށްދޭ ގޮތަށް ފަރުމާކޮށް "ލެގޯ އައިޑިއާސް" އަށް ހުށަހެޅި މޮޑެލްއަކަށް 10,000 ސަޕޯޓަރުންގެ ލަނޑުދަނޑި ހަމަވެއްޖެއެވެ.
އާންމުން ފަރުމާކޮށްފައިވާ ބައެއް ލެގޯ ހުށަހެޅުންތަކަކީ ވަކި ޚާއްސަ ކަމަކަށް އޮންނަ ޝައުގުވެރިކަމާއި، ފުރިހަމަ ފަންނުވެރިކަން އެކުލެވޭ ގޮތަށް ތައްޔާރުކޮށްފައިވާ މޮޑެލްތަކެކެވެ. 2،967 ލެގޯ އެތިކޮޅު ބޭނުންކޮށްގެން ހަދާފައިވާ 'މޯލްޑިވްސް ވޯޓަރ ވިލާ' އަކީ މީގެ ފުރިހަމަ މިސާލެކެވެ. މީގެ ޑިޒައިނަރު އެމްއެމްޖީ- ޑިޒައިންސް މި މޮޑެލް ސިފަކުރަނީ "ލޯތްބާއި އުފެއްދުންތެރިކަމުގެ ބާރު ދައްކުވައިދޭ ދަތުރެއްގެ" ގޮތުގައެވެ.
އުސްމިނުގައި 25 ސެންޓިމީޓަރު، ފުޅާމިނުގައި 45 ސެންޓިމީޓަރު އަދި ފުންމިނުގައި 31 ސެންޓިމީޓަރު ހުންނަ މި މޮޑެލްގައި ހިމެނެނީ ނޫކުލައިގެ ސާފު ކަނޑެއްގެ މަތީގައި ހަދާފައިވާ ދެ ވޯޓަރ ވިލާއެވެ. މި ވިލާތަކުގެ ފުރާޅާއި މަތީބައި ނެއްޓޭގޮތަށް ހުރުމުން، އޭގެ އެތެރެ ބަލައިލުމުގެ ފުރުސަތު ލިބިގެންދެއެވެ.
މި މޮޑެލްގެ ބޭރުން ފެންނަން ހުންނަ ބައިތަކުގެ ތެރޭގައި ފެހިކަން ގަދަ ގަސްތަކާއި، ޕްރައިވެޓް ޕޫލަކާއި، ބާބަކިއު ގްރިލްއަކާއި، އަދި 'ޖަސްޓް މެރިޑް' ބޯޑެއް ހިމެނެއެވެ. މީގެ އިތުރުން ކަނޑު އަޑީގައި އުޅޭ މަހާއި، އިހި އަދި ކަނޑުކަކުނީގެ މޮޑެލްތައް ވެސް ހިމެނެއެވެ.
މި ހުށަހެޅުން ފުރިހަމަކޮށްދެނީ މީގައި ހިމެނޭ ހަތް ލެގޯ މީހުންނެވެ. އޭގެ ތެރޭގައި ދެ ފަތުރުވެރިންނާއި، ޝެފަކާއި، ވެއިޓަރެއްގެ އިތުރުން ރިސޯޓުގެ އެހެނިހެން މަސައްކަތްތެރިންގެ ތިން މީހަކު ހިމެނެއެވެ.
މަސްދަރު: https://www.brickfanatics.com
