"ލިލީ" ފިލްމުން މުޅިން އަލަށް ރާއްޖެ އަށް އީ-ޓިކެޓުގެ ހިދުމަތް ފޯރުކޮށްދިނުން: ދިވެހިންނަށް ކަމުދިޔަ ބަދަލެއް
ދިވެހި ފިލްމު ލިލީން އޮލިމްޕަސް ސިނަމާގައި ޕްރިންޓް ޓިކެޓުގެ ބަދަލުގައި އީ-ޓިކެޓުގެ ހިދުމަތް ތައާރަފުކޮށްފި. ވެބްސައިޓާއި ހޮޓްލައިނާއި ކައުންޓަރުން ޓިކެޓު ނަންގަވާ ފަރާތްތަކަށް ކިއުއާރު ކޯޑާއެކު މެސެޖުކޮށް އީ-ޓިކެޓު ލިބޭނެ. މި އިންގިލާބީ ބަދަލުން ކަރުދާސް ބޭނުން ކުރުން މަދުވުމާއެކު ގިނަ ބަޔަކު މި ހިދުމަތަށް ތަރުޙީބުދީފަ.
ލިލީ ފިލްމުގެ މަންޒަރެއް
ކަރުދާހަށް ޕްރިންޓު ކޮށްގެން ދެމުން އައި ޓިކެޓުގެ ހިދުމަތް "ލިލީ" ފިލްމުން މުޅިން އަލަށް އީ-ޓިކެޓުގެ ހިދުމަތަށް ބަދަލުކޮށްފި އެވެ.
ލިލީ ފިލްމުން ގެނައި މި އިންގިލާބީ ބަދަލު، ގިނަ ބަޔަކަށް ކަމު ގޮސްފައިވާ ކަން ފާހަގަކޮށްލެވެ އެވެ.
މިހާތަނަށް އައި އިރު އޮލިމްޕަސް ސިނަމާގައި ދައްކަމުން އައި ދިވެހި ފިލްމުތަކުގައި ވިއްކަމުން ދިޔައީ ޓިކެޓު ޕްރިންޓު ކޮށްގެންނެވެ. ކާމިޔާބުކަމާއި އެކު މިހާރު ވެސް ސިނަމާގައި ދައްކަމުންދާ ދިވެހި ފިލްމު "ލިލީ" ގެ ޓިކެޓު ވިއްކަމުން ދަނީ އީ-ޓިކެޓުގެ ގޮތުގައި ކަން ފާހަގަކޮށްލެވެ އެވެ. އެގޮތުން ފިލްމުގެ އޮފިޝަލް ވެބްސައިޓު www.book.lilythemovie.com އިން ޓިކެޓު ގަންނަ ފަރާތްތަކަށް އޮޓޯ މެސެޖެއް ދާނެ އިންތިޒާމް ވަނީ ހަމަޖައްސާފަ އެވެ. އެ މެސެޖުގައި ކިއުއާރު ކޯޑަކާއި އެކު އީޓިކެޓުގެ ލިންކު ލިބެ އެވެ.
މީގެ އިތުރުން ފިލްމުގެ ހޮޓްލައިން 7505079 ވައިބާ މެދުވެރިކޮށް ޓިކެޓު ނަންގަވާ ފަރާތްތަކަށްވެސް ލިބެނީ އީ-ޓިކެޓެކެވެ. ކައުންޓަރަށް ގޮސް ޓިކެޓު ގަންނަ ފަރާތްތަކަށްވެސް އީޓިކެޓު ލިބެނީ ފޯނު ނަމްބަރަށެވެ.
މި އިންގިލާބީ ބަދަލާއި އެކު ބޭކާރުވާ ކަރުދާސް ބޭނުން ކުރުން ވަނީ މަދު ކުރެވިފަ އެވެ. އެހެން ކަމުން މި ބަދަލާއި މެދު ގިނަ ބަޔަކު ވަރަށް ގަޔާވެ އެވެ. އެގޮތުން ގޭގައި ހުރެގެން އޮންލައިންކޮށް ޓިކެޓު ނަގައިގެން އީ-ޓިކެޓުގެ ކިއުއާރު ކޯޑު ސްކޭންކޮށްގެން ތިއޭޓަރަށް ވަދެވޭނެ އެވެ. ކައުންޓަރަށް އައިސް ޓިކެޓު ނަގަން ނުޖެހުމުގެ ލުއި ހުރިހާ ބެލުންތެރިންނަށްވެސް މިހާރު ލިބެ އެވެ.
“ލިލީ” އޮލިމްޕަހުގައި މިހާރު ދައްކަމުން ދާއިރު މިހާރު ވިއްކަމުން ދަނީ މިރެއާއި މާދަމާރޭގެ ޝޯތަކުގެ ޓިކެޓެވެ. އާންމުންގެ ހޫނު ތަރުޚީބެއް ލިބެމުން އަންނަ މި ފިލްމަކީ މައިވަންތަކަމުގެ ލޯބިން މަހުރޫމުވެ ހެދިބޮޑުވަމުން އަންނަ އަންހެން ކުއްޖެއްގެ ދިރިއުޅުން ދައްކުވައިދޭ ފިލްމެކެވެ. މިއީ އަސަރުގަދަ އަދި ވަރުގަދަ ސަސްޕެންސެއް ހިފެހެއްޓިފައިވާ މޮޅު ފިލްމެއްކަން ގިނަ ބަޔަކު ފާހަގަކުރެ އެވެ.
